余香凝巨肚惹網民懷疑有雙胞胎？！湯怡肥肚唔肥人 鄭希怡囡囡同Jasper合照似小情侶！　

2021年娛樂圈就已經頻頻傳出喜事，除咗婚訊之外亦有好多女藝人即將變成人母，等我哋一齊睇下今年有邊幾位孕媽媽啦～

Photo from 余香凝IG

1.關宛珊

喺2016年同「Patrick Sir」林溥來結婚，並於上年年尾宣布懷孕喜訊。據悉而家已經到預產期，關宛珊亦表示已經隨時預備好迎接BB嘅誕生！

Photo from 關宛珊IG

2.余香凝

喺2020年11月同圈外男友陸政渡（Tim）結婚，並於同年聖誕喺IG宣布懷孕消息。目前懷孕約7個月嘅佢就上載咗一張巨肚嘅照片，唔少網民見到佢個肚嘅size都嚇咗一跳！不過同臨盆在即嘅關宛珊相比，佢個肚好似仲比佢大少少，又難怪網民會覺得佢應該係有雙胞胎嘅～

Photo from 余香凝IG

Photo from 余香凝IG

3.湯怡

喺今年1月同時宣布與排舞師麥秋成嘅婚訊同懷孕嘅消息，現時懷孕大約5個月。但佢就肥肚唔肥人，手腳依然非常纖瘦，睇背影更加唔覺眼，令唔少人都話好羨慕啊！

Photo from 湯怡IG

Photo from 湯怡IG

而圈中嘅星二代其實都一直被受關注，除咗有李元元、翟德彥（伯伯）等之外，仲有一班因為曾經拍攝過節目而變紅嘅星二代㗎！

Photo from Yumiko IG

Yumiko 2014年同化妝師梁學儲（Andy）結婚，並於2015年誕下囡囡梁子柔（梁浸浸）。佢就曾經帶同梁浸浸一齊出演內地嘅真人show《不可思議的媽媽》，而節目中梁浸浸嘅可愛樣貌亦成功吸引咗一班fans，令佢曾經被網民選為網上受歡迎的星二代之一。

Photo from Yumiko IG

Photo from Yumiko IG

近日，Yumiko就上載咗一張為囡囡舉辦6歲生日party嘅照片！由照片中所見，佢非常用心咁用好多七彩繽紛嘅氣球去裝飾場地，仲好貼心咁預備咗好多頂生日帽俾參加派對嘅大家，相信梁浸浸一定會有一個好難忘嘅生日～

Photo from Yumiko IG

Photo from Yumiko IG

喺Yumiko所上載嘅照片中，仲發現到陳小春囝囝Jasper嘅身影！只見梁浸浸同平時活潑嘅樣貌唔同，反而係非常含羞答答咁挨住Jasper影相，令唔少網民都話佢哋兩個好似一對小情侶咁～

Photo from Yumiko IG

Photo from Yumiko IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

謝安琪囡囡厭世表情影相被讚有性格 搞怪李元元/ 暖男

翟德彥 

可愛星二代超多人Like

8 Apr , 2021

謝安琪同張繼聰時不時都會喺IG上載一家四口嘅溫馨照片，而謝安琪仲幫囡囡Karina(張靖)開咗個IG account分享佢嘅日常。Karina天生就有自然卷嘅啡色頭髮，而且影相嘅時候表情亦有自己特有嘅風格，令唔少網民都話可愛！

Photo from Karina IG

張繼聰同謝安琪喺2007年生下大仔張瞻，再於2017年誕下囡囡張靖。兩夫婦偶爾都會上載一家人嘅合照，而謝安琪仲專誠幫囡囡嘅咗個IG account （Kaka Ball)嚟分享佢嘅日常生活。而Karina天生就有一頭咖啡色嘅曲髮，再加上佢嘅搞怪表情，都吸引咗好多followers㗎～

Photo from 張繼聰IG

Photo from 張繼聰IG

近日，謝安琪就上載咗Karina影相時嘅幕後花絮，相中嘅Karina翹起雙手，一面厭世嘅表情，人仔細細就已經有自己獨特風格，令網民都忍唔住喺下面留言話佢好有style啊！

Photo from Karina IG

Photo from Karina IG

其實Karina嗰IG都有好多得意嘅照片，睇嚟佢遺傳咗爸爸張繼聰嘅搞怪性格～

Photo from Karina IG

Photo from Karina IG

其實而家好多家長都會幫自己年幼嘅子女開IG紀錄低佢哋嘅成長過程，而呢排都有好多好出名嘅星B㗎！位位都有唔同嘅性格，圈粉無數～

1.李元元 （Lucy）

Lucy係演員李璨琛同圈外女友梁志瑩嘅囡囡，喺2017年出世。Lucy憑住佢可愛嘅樣貌同古靈精怪嘅行為，已經成功吸引接近25萬嘅IG followers, 人氣非常高！

Photo from LucyIG

Photo from LucyIG

而佢平時就最鍾意唱歌跳舞，前排仲迷上咗韓團BLACKPINK嘅歌。載歌載舞嘅片段非常高人氣，仲俾BLACKPINK嘅經理人喺IG分享，令唔少網民都直話「睇嚟真係可以喺韓國出道喇」！

Photo from LucyIG

2.翟德彥（伯伯）

翟德彥係林芊妤（Coffee）同圈外男友翟志榮所生嘅仔仔，IG亦都擁有16.5萬嘅followers。由於仔仔細個就已經有厭世嘅佬味，所以就俾Coffee改咗「伯伯」呢個花名。而Coffee亦表明IG只係想紀錄伯伯嘅日常，直到佢兩歲就會停止更新IG。

Photo from 伯伯IG

Photo from 伯伯IG

雖然伯伯嘅IG已經冇再更新，但大家依然可以偶爾係Coffee嘅IG見到伯伯嘅身影㗎！

Photo from Coffee IG

Photo from Coffee IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）