download HolidaySmart 假期日常 app
馮盈盈被指釣金龜公開設規矩月入$8,000以下先准搵佢!陳自瑤方力申發誓無拍過拖

馮盈盈被指釣金龜公開設規矩月入$8,000以下先准搵佢!陳自瑤方力申發誓無拍過拖

娛樂新聞
By Jennifer on 13 Apr 2021
Digital Editor

麥玲玲同Bob節目《Master’s Talk師父有請》有馮盈盈陳自瑤、方力申做嘉賓。Yoyo同方力申就堅稱無拍過拖,而屢次被指釣金龜嘅馮盈盈就稱佢依家呼籲月入$8,000以下先好搵佢。

麥玲玲同Bob節目《Master’s Talk師父有請》有馮盈盈、陳自瑤、方力申做嘉賓Photo from TVB

馮盈盈喺節目中表示自己唔想再被人話「釣金龜」,但無奈每次約親食飯嘅男性都係有錢人:「想識我嘅朋友多數年紀比我大少少,無咩同齡人,可能覺得我好難接觸。」

馮盈盈喺節目中表示自己唔想再被人話「釣金龜」,但無奈每次約親食飯嘅男性都係有錢人Photo from 馮盈盈IG

佢指自己出街食飯成日被人偷拍報料:「我每日上網search自己個名10次,擔心又有新聞出街。」,佢話最嬲係報料者有錢收但佢又無,而且收嘅報酬分分鐘貴過佢一集騷錢。

馮盈盈指自己出街食飯成日被人偷拍報料Photo from 馮盈盈IG

馮盈盈表示為咗唔好再被標籤,已公開設咗規矩:「月入$8,000以下先好嚟搵我,不過依家搵$8,000樓下嘅好少,可能難搵過有錢人。」,希望有人介紹畀佢識咁話。

馮盈盈表示為咗唔好再被標籤,已公開設咗規矩:「月入$8,000以下先好嚟搵我」Photo from 馮盈盈IG

另外陳自瑤同方力申2006年合作拍《大細心》MV曾傳出緋聞,麥玲玲盤點方力申歷年緋聞女友,當中包括周勵淇、阿嬌鍾欣潼、傅穎、何超蓮、陳瀅等,估唔到Yoyo都係其中一位。

另外陳自瑤同方力申2006年合作拍《大細心》MV曾傳出緋聞Photo from TVB

TVBPhoto from TVB

佢地堅稱從來無拍過拖,兩人更不惜舉手發誓,指拍完MV之後都無見過面,方力申表示自己好少同圈內女性交換聯絡方法:「大家都知我有拍過10年嘅拖,對愛情點保鮮,就係要雙方遠離各方面引誘。」

方力申表示自己好少同圈內女性交換聯絡方法Photo from 方力申IG

對於傳佢成日周圍追女仔,方力申就指自己同鄧麗欣Stephy拍拖嗰陣,同其他女仔單獨食飯嘅次數少之又少,而Stephy對佢傳出緋聞係非常信任,連問都唔會問,方力申就指自己好欣賞對方呢樣嘢。

對於傳佢成日周圍追女仔,方力申就指自己同Stephy拍拖嗰陣,同其他女仔單獨食飯嘅次數少之又少Photo from 好好戀愛

方力申指Stephy對佢傳出緋聞係非常信任,連問都唔會問Photo from 十分愛

十分愛Photo from 十分愛

至於Yoyo喺節目中重提頌獎禮「黑面」事件,佢重申當時並無黑面,真係有微笑,只係鏡頭影咗2、3秒,做唔晒咁多表情:「可能我有微笑少少,鏡頭影唔到。」

Yoyo喺節目中重提頌獎禮「黑面」事件Photo from TVB

陳自瑤重申當時並無黑面,真係有微笑Photo from 陳自瑤IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳自瑤重現頒獎禮經典黑面 認自己慢熱睇落難相處:有時會亂諗嘢令自己唔開心

9 Mar 2021

近來,越來越多藝人都開始向Youtuber嘅方向發展,陳自瑤亦都開咗個自己嘅頻道,仲邀請咗好姐妹黃翠如同連詩雅做嘉賓玩大踢爆。期間,黃翠如仲非常大膽咁叫陳自瑤再做多次經典黑面表情,果然係好姐妹~

陳自瑤FBPhoto from 陳自瑤FB

陳自瑤 (Yoyo)嘅Youtube channel開咗大概一個月就已經有56K嘅訂閱人數,可以話係有非常好嘅迴響。近日,佢就邀請咗黃翠如同連詩雅黎玩「閨蜜大踢爆」,由佢哋三個打打鬧鬧嘅片段可以睇得出佢哋嘅感情好好。

陳自瑤FBPhoto from 陳自瑤FB

而其中一條嘅題目就係叫佢哋用一個水果黎形容對方,黃翠如就指Yoyo似菠蘿,因為認為佢係一個有刺嘅人,但實際上內心係一個好sweet嘅女仔。仲即刻叫對方向鏡頭擺無表情嘅樣,話佢呢個樣成日令人誤會佢好寸。

陳自瑤YouTubePhoto from 陳自瑤YouTube

之後,陳自瑤亦都承認自己係一個比較慢熱嘅人,仲話細個嘅時候比而家更加誇張,導致成日都比人覺得佢好難相處。正因為佢知道自己呢個缺點,所以佢而家都好努力咁調整緊自己。

陳自瑤YouTubePhoto from 陳自瑤YouTube

陳自瑤仲話係電視劇嘅角色改變咗佢,因為佢自己係一個好投入咁演戲嘅人,當佢演緊某一個角色嘅時候,佢果一排就會變到同個角色好似。喺演《那些我愛過的人》嘅時候,佢就發現個角色係一個可以令周圍嘅人都好開心嘅人,所以即使劇集完咗佢都無完全抽離角色。

TVBPhoto from TVB

連詩雅亦講咗Yoyo嘅缺點就係每件事都會諗太多,而黃翠如就即刻爆料話佢連轉髮型都諗咗一年!所以Yoyo就話好感激身邊有佢哋兩個睇住佢,令佢唔會向唔好嘅方面諗~

黃翠如FBPhoto from 黃翠如FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳瀅方力申疑戀情曝光?IG相暗藏玄機!方力申身家過億係隱形富豪?

8 Mar 2021

曾經傳過緋聞嘅陳瀅方力申一直關係曖昧,近日有網友發現佢哋兩人關係似乎逐漸明朗,喺陳瀅IG相更微露端倪!唔通傳過多段緋聞嘅陳瀅真命天子終於出現?

陳瀅同方力申曾經傳過緋聞Photo from Tiger's Talk

早排飛咗加拿大嘅陳瀅返香港後需接受21日隔離,一眾好友就先後為佢送上禮物、物資,超貼心!

早排飛咗加拿大嘅陳瀅返香港後需接受21日隔離Photo from 陳瀅IG

陳瀅為感謝好友,喺IG放上禮物認證照,更逐一tag返送禮嘅朋友以示感激。Anjaylia陳嘉寶送上嘅生果、何雁詩送嘅酒,「老公」Howie送嘅零食佢都一一影底tag對方。

Anjaylia陳嘉寶送上嘅生果Photo from 陳瀅IG

何雁詩送嘅酒Photo from 陳瀅IG

老公」Howie送嘅零食Photo from 陳瀅IG

有細心網友就發現,喺IG caption中陳瀅仲有tag到緋聞男友方力申,但喺佢影嘅禮物中就無tag到對方,而喺陳瀅post出嘅禮物中有一份係無tag到人。

IG caption中陳瀅仲有tag到緋聞男友方力申Photo from 陳瀅IG

呢份神秘禮物就係一紮鮮花!其實呢紮花係佢喺元宵節收到,陳瀅唔止喺收到當日馬上喺Story影底,留言「sweetness overload」,喺之後嘅IG自拍中亦見到呢紮花嘅縱影,可見佢收花有幾咁開心!

呢份神秘禮物就係一紮鮮花Photo from 陳瀅IG

呢紮花係陳瀅喺元宵節收到Photo from 陳瀅IG

陳瀅IG自拍中亦見到呢紮花嘅縱影Photo from 陳瀅IG

其實陳瀅同方力申嘅緋聞始於2019年,當時方力申參加環島游,陳瀅到場打氣更送上擁抱。之後兩人一齊上節目時陳瀅更公開爆方力申曾單獨約過佢食飯,雖然陳瀅最後並未應邀約與方力申共進晚餐,但兩人喺節目中表現曖昧。

陳瀅同方力申嘅緋聞始於2019年,當時方力申參加環島游,陳瀅到場打氣更送上擁抱Photo from 陳瀅IG

兩人喺節目中表現曖昧。Photo from Tiger's Talk

陳瀅透露方力申介紹過一位星座專家畀佢認識,專家指陳瀅會喺2023年同屬猴嘅男仔結婚,而方力申就係屬猴。陳瀅亦不諱言:「我成日都溝佢,你哋唔覺㗎咩?我覺得佢真係好男仔嚟。」不過方力申當時表現尷尬,指唔知陳瀅邊句真邊句假。

方力申當時表現尷尬,指唔知陳瀅邊句真邊句假。Photo from Tiger's Talk

雖然佢哋表示無進一步發展,但兩人關係好好,經常會喺陳瀅IG度見到方力申留言,唔止會留心心眼,更喺情人節陳瀅捧花嘅相下留言「Happy Valentine’s Day 」加三個心心emoji。

經常會喺陳瀅IG度見到方力申留言Photo from 陳瀅IG

方力申留心心眼Photo from 陳瀅IG

情人節陳瀅捧花嘅相下留言「Happy Valentine’s Day 」加三個心心emojiPhoto from 陳瀅IG

陳瀅出道以嚟有多段緋聞,其中同賭王四房兒子何猷亨一段情最為人熟知,原來方力申都係隱形富豪?

原來方力申都係隱形富豪?Photo from 方力申IG

早年方力申父親方毓仁曾大爆兒子喺2005年開始收藏第一幅名畫,至今珍藏過百件,價值達幾千萬!加上佢幾年前豪擲幾千萬購入豪宅,估計身家過億!

早年方力申父親方毓仁曾大爆兒子喺2005年開始收藏第一幅名畫,至今珍藏過百件,價值達幾千萬Photo from 方力申IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel