張敬軒半夜直播屋企開show  宮廷風大宅裝修超級豪華!

張敬軒半夜直播屋企開show 宮廷風大宅裝修超級豪華!

娛樂新聞
By Stephanie on 13 Apr 2021
Digital Content Writer

張敬軒全新嘅廣東歌曲《Sweet Escape》MV就喺12號凌晨12點推出,而佢就喺IG提前話到時候將會開IG Live同大家齊齊睇MV。但原來佢一早已預備好驚喜俾佢嘅歌迷,喺佢屋企開咗個online音樂會《Live at Alberose》,再一次將佢嘅豪宅曝光!

張敬軒IGPhoto from 張敬軒IG

張敬軒一直以嚟都好鍾意同歌迷有互動,喺今次推出新歌《Sweet Escape》嘅時候,佢就決定要提前開Live同大家一齊睇MV嘅首播。但就喺大家以為IG Live要完結嘅時候,佢就突然落車,走向自己嘅豪宅,正式開始咗呢場毫無預兆嘅音樂會,令唔少歌迷都十分驚訝!

張敬軒IGPhoto from 張敬軒IG

馮允謙IGPhoto from 馮允謙IG

張敬軒仲邀請咗林家謙同埋馮允謙(Jay)一齊合作,佢哋合唱咗《無城有愛》、《時光倒流一句話》等呢幾首大家熟悉嘅歌曲!呢個小型音樂會大約一個小時就完結,雖然係深夜開Live,但Facebook同埋IG加埋都有萬幾人睇,十分厲害!

林家謙IGPhoto from 林家謙IG

林家謙IGPhoto from 林家謙IG

由於音樂會喺張敬軒屋企開,所以佢亦無意中暴露咗自己嘅豪宅。雖然佢之前都曾經喺節目中公開過自己嘅屋企,但就係佢第一次拍攝佢嘅花園!喺片段中所見,佢嘅花園佈滿咗燈泡裝飾,睇落非常浪漫~

馮允謙IGPhoto from 馮允謙IG

馮允謙IGPhoto from 馮允謙IG

張敬軒現時居住喺薄扶林嘅大宅,位於非常有歷史價值嘅玫瑰村(Old Alberose),實用面積大概係3,700呎,被列為二級歷史建築。

張敬軒YouTubePhoto from 張敬軒YouTube

張敬軒YouTubePhoto from 張敬軒YouTube

根據之前張敬軒喺佢YouTube channel上載嘅 home tour,因為佢自己對文物同古董情有獨鍾,所以佢屋企都擺放咗好多懷舊嘅傢俬同擺設,例如有水晶吊燈、鹿頭標本等,都令佢嘅大宅睇落更加有復古嘅感覺!

張敬軒YouTubePhoto from 張敬軒YouTube

張敬軒YouTubePhoto from 張敬軒YouTube

廚房就主要用咗藍白色嘅設計,睇落十分簡潔。而屋企亦有好大嘅位置俾愛犬「妹妹」同緬因貓「Leslie」周圍閒逛,非常自由!

張敬軒YouTubePhoto from 張敬軒YouTube

張敬軒YouTubePhoto from 張敬軒YouTube

呢個充滿英倫復古風嘅大宅亦曾經成為張敬軒拍攝專輯封面《Senses Inherited》嘅地點,相信佢真係十分鍾情於懷舊嘅設計~

張敬軒IGPhoto from 張敬軒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張敬軒工人遮遮煲爆電飯煲 豐澤超快手送上新家電

25 Feb , 2021

「早餐界KOL」張敬軒不時在IG上分享與外傭「遮遮」的生活趣事,透過早餐週記,可以了解到外傭「遮遮」為軒仔準備的每日三餐。早前爆煲事件居然令豐澤隨即送上一系列新家品。

新年過後軒仔發布新帖文表示,遮遮居然能夠「整爆」電飯煲,更為電飯煲寫下悼念文,引起網民熱烈討論,並大叫「What The 煲」。

軒仔沒想過遮遮居然會整爆煲。Photo from 張敬軒@IG

爆煲事件居然令豐澤隨即送上一系列新家電給軒仔,更滿足到外傭「遮遮」的要求,送上可煲粥的電飯煲,希望遮遮能繼續照顧張生三餐。

爆煲事件居然令豐澤隨即送上一系列新家電給軒仔,更滿足到外傭「遮遮」的要求,送上可煲粥的電飯煲,希望遮遮能繼續照顧張生三餐。Photo from 張敬軒@IG

更多相關文章
張敬軒晒新早餐!終於唔係食麵包!外傭姐姐煮出新意思令軒仔好感動

29 Oct 2020

張敬軒早前喺Instagram表示屋企嘅外傭姐姐日日準備麵包、白粥做早餐,忍唔住擺上網呻。不過今日軒仔喺Story表示終於有新早餐,令佢感到非常感動!張敬軒喺IG公開咗屋企外傭姐姐為佢準備嘅早餐,佢指本來期望每日都食到豐富嘅早餐。

上星期,張敬軒喺IG公開咗屋企外傭姐姐為佢準備嘅早餐Photo from 張敬軒IG

不過事實上佢由星期一至星期日,日日唔係食麵包,就係白粥:「好多朋友仔問我今朝塊方包點解有手抽嘅?我諗阿遮遮諗住我返工食早餐嘅時候方便啲啩。」

張敬軒由星期一至星期日,日日唔係食麵包,就係白粥Photo from 張敬軒IG

軒仔甚至將自己IG icon轉咗做方包,更封姐姐做「早餐界KOL」,大讚姐姐好take care佢:「#姐姐愛我 #我愛姐姐」。

軒仔甚至將自己IG icon轉咗做方包,更封姐姐做「早餐界KOL」Photo from 張敬軒IG

事隔幾日,軒仔喺IG Story晒出新早餐:「我諗佢(外傭姐姐)經過咗幾日嘅醞釀同埋大家對佢嘅期望,今朝終於諗到啲新嘢」

軒仔喺IG Story晒出新早餐:「我諗佢(外傭姐姐)經過咗幾日嘅醞釀同埋大家對佢嘅期望,今朝終於諗到啲新嘢」Photo from 張敬軒IG

今次終於唔係麵包,亦唔係白粥,而係Pancake!!!!仲有藍莓裝飾添!

軒仔將新早餐命名為「2020冠狀班戟免疫早餐」,並表示:「#隔離嗰兩件武器擺法係重點」

軒仔將新早餐命名為「2020冠狀班戟免疫早餐」Photo from 張敬軒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel