download HolidaySmart 假期日常 app
姜濤被爆講大話?疑暗撻19歲「YOLO女神」Candy  姜B居然咁回應?!

姜濤被爆講大話?疑暗撻19歲「YOLO女神」Candy  姜B居然咁回應?!

娛樂新聞
By Celia on 13 Apr 2021
Digital Editor

新一代人氣男神姜濤(姜B)自出道以嚟一直對外都指自己從未拍過拖,更曾喺網台節目中承認自己係處男。不過最近就有報道指佢講大話,喺今年情人節前曾同 ViuTV 單元劇《YOLO的練習曲》嘅其中一位 19 歲女團成員黃曉文(Candy Wong,藝名黃曦誼)同遊中環拍拖。

Photo from ViuTV

姜濤同 Candy 曾合作拍攝音樂微電影《戀愛要在生日前》,二人除咗互相關注對方 IG,仲不時會互 like 對方嘅 post添!

Photo from Candy /IG

Photo from 姜濤/IG

Photo from ViuTV

報道中指姜濤同 Candy 喺情人節前一晚齊齊同遊中環荷李活道,佢哋先後喺 IG story 中上傳街景,雖然兩張相影嘅角度唔一樣,但從相中嘅生果檔睇嚟應該係同一個地方嚟。

Photo from 姜濤及 Candy /IG

不過,據知兩人喺情人節當日就疑似嗌大交仲分埋手添,姜濤喺情人節出席活動直播時更自嘲「唔好搵我呢類人做男朋友。」疑似係啱啱嗌完交所以心情唔好影響咗工作狀態。

Photo from 姜濤/IG

Photo from 姜濤/IG

而 Candy 就喺情人節第二日嘅凌晨突然喺 IG story 寫上「原來乖嘅女仔,真係會比(畀)人玩。仲要係一次二次」疑似係感情上出咗問題。

Photo from Candy /IG

Photo from Candy /IG

但喺報道出街後, Candy 接受傳媒訪問時就否認此事,更指佢哋自上次合作完次後都冇再見過,並解釋當時嘅 IG story 只係佢突然有感而發,多次強調自己並冇同姜濤拍過拖,亦冇諗過佢同對方傳緋聞。

Photo from Candy /IG

而另一當事人姜濤就喺今日出席活動時表示事件只係一場誤會:「跑步咁啱跑到嗰個位,有睇我 Story 都知我好多時都會打卡,大家就誤以為我哋喺同一個地方,係一個誤會。」

Photo from 姜濤/IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

馮盈盈口出狂言借姜濤呃like 盤點FYY 4大 出位金句!網民:出少句聲啦!

29 Mar 2021

日前,TVB喺公布嚟緊新登場嘅綜藝節目記者會時,期間鄧智堅就模仿姜濤,而當時嘅主持人馮盈盈、Bob同埋麥美恩就疑似玩過火,引來網民嘅批評。雖然三人都事後喺IG公開解釋,但大家就似乎唔係好接受馮盈盈嘅說法喇!

馮盈盈IGPhoto from 馮盈盈IG

喺當日嘅記者會上,藝人鄧智堅就打扮稱姜濤咁現身表演。期間,主持人為咗炒熱氣氛就不停咁講一啲比較出位嘅言論,而馮盈盈以非常大聲咁話「夠膽嚟踩場?打到你變薑蓉啊」。呢番言論引來唔少「姜糖」嘅不滿,紛紛喺佢IG留言話佢唔尊重其他藝人。

TVBPhoto from TVB

馮盈盈IGPhoto from 馮盈盈IG

喺事件發生之後,馮盈盈就喺IG上載同姜濤嘅合照同埋見到Mirror嘅時候尖叫嘅片段,自爆其實係Mirror嘅粉絲,同大家一樣撲緊演唱會飛,似乎想用自己都喺粉絲嘅身份嚟挽回自己當日過火嘅言論!但網民就唔係好接受佢嘅解釋喇,認為佢呢個時候都仲要利用姜濤同Mirror,仲有人講笑話「今次嘅公關災難好難拆」!

馮盈盈IGPhoto from 馮盈盈IG

馮盈盈IGPhoto from 馮盈盈IG

而佢自稱係Mirror粉絲嘅身份亦都受到質疑,因為佢嘅IG根本就無 follow Mirror嘅任何一位成員!

馮盈盈IGPhoto from 馮盈盈IG

其實今次已經唔係馮盈盈第一次口出狂言而引嚟網民嘅不滿,佢入行以來嘅出位事件都真係好多!

喺2018年,佢就喺《#後生仔傾下偈》提及到當女仔嫁有錢人嘅時候,佢就突然講「如果我地嫁有錢人,就比人話睇死佢啦!想吊金龜啦!係雞係公廁!」而呢一番言論,就被網民話佢應該要慎言,就連歷屆嘅幾位港姐師姐包括莊思明、朱潔儀都有公開咁批評佢。

馮盈盈IGPhoto from 馮盈盈IG

莊思明FBPhoto from 莊思明FB

喺上年,馮盈盈又喺主持《#後生仔傾下偈》講咗啲令大家都嚇親嘅言論!當時就談論到轟動一時嘅港大教授殺妻案,就問到「如果因為經濟原因而未同老婆離婚,會唔會照樣發展婚外情?」而馮盈盈當時就話「緊喺無問題啦!仲覺得佢好有責任心,因為子女所以先無離婚,係犧牲少我,完成大我嘅行為」,令網民覺得佢簡直係顛倒是非!

《 後生仔傾吓偈 》Photo from 《 後生仔傾吓偈 》

自從馮盈盈同拍拖4年嘅醫生男友Martin分手之後,佢嘅感情生活都成日受到大眾關注。上年年尾,佢前男友Martin就被人爆疑似好事近,後來仲喺自己IG 上載咗一張結婚照,而當馮盈盈被記者問到呢個問題時,佢就話「結咗婚都可以離!」,令·唔少網民批評佢嘅愛情觀同笑佢真係好酸!

馮盈盈IGPhoto from 馮盈盈IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel