《尋人記》「雙失青年」阿源已成人夫!阿舜、凱婷等網友最想搵話題人物近況公開!

《尋人記》「雙失青年」阿源已成人夫!阿舜、凱婷等網友最想搵話題人物近況公開!

娛樂新聞
ByJennifer on 13 Apr 2021 Digital Editor

TVB《尋人記》由方東昇、黃曉瑩、黃靖婷及李曉欣主持,開播後大獲好評,節目成功搵返80、90年代經典新聞人物引起關注,有網友希望可以搵返幾位話題人物,現身了解一下近況。

TVB《尋人記》由方東昇、黃曉瑩、黃靖婷及李曉欣主持,開播後大獲好評
Photo from TVB

《尋人記》開播以嚟話顯不斷,節目搵返「大家姐」倩儀、「肥仔」成栢熙、「電腦神童」Louie Chan、「校草」偉約瑟等,喚起唔少觀眾昔日嘅回憶。

《尋人記》開播以嚟話顯不斷
Photo from TVB

節目播出後有唔少網民討論最想搵到嘅經典新聞人物,其中呼聲最高嘅莫過於曾出演《星期日檔案》嘅「雙失青年」阿源。

曾出演《星期日檔案》嘅「雙失青年」阿源。
Photo from YouTube

「阿源」全名梁文源,2005年得22歲嘅佢接受訪問,中學畢業後一直搵唔到工,平日又唔出門只留喺家中,成當年「隱蔽青年」嘅典型代表。

網友想搵返阿源
Photo from LIHKG

佢喺節目中金句百出,「我覺得自己係零」、「這些機會不是屬於我的」至今仍為人津津樂道,甚至成為網絡潮語。2013年曾有媒體採訪阿源近況,佢已經搵到嘢做,曾做過社區青年中心助理、香港大學圖書館管理員,更同相識8年、拍拖5個月嘅女友結婚。阿源又不忘再爆金句:「做男仔梗係要 cool,唔可以做兵!」

「阿源」全名梁文源,2005年得22歲嘅佢接受訪問
Photo from YouTube

「這些機會不是屬於我的」
Photo from YouTube

除咗阿源之外,仲有其他人選:凱婷、阿舜等。其中「凱婷」係出於網絡上一篇潮文,樓主指中一女仔入面最壞嘅就係佢同凱婷,嘲笑另一位同學連續食兩支煙都做唔到,根本唔算壞學生,之後就引申出「壞過凱婷」嚟指責人好壞或諷刺人扮壞。

「凱婷」係出於網絡上一篇潮文
Photo from LIHKG

連登有自稱係同一間中學嘅同學嘅網友公開咗凱婷真身,樓主透露凱婷依家已結咗婚,仲生埋女升呢做媽媽。

連登有自稱係同一間中學嘅同學嘅網友公開咗凱婷真身
Photo from LIHKG

樓主透露凱婷依家已結咗婚,仲生埋女
Photo from LIHKG

「阿舜」2001年上《都市閒情》唱「娃娃愛天下」一曲成名,主要係因為佢詭異唱功同奇特舞姿,加上「MK」造型而引起討論區網民嘅關注。佢於比賽後銷聲匿跡,多年嚟有唔少網友想得知阿舜近況,阿舜2015年出席活動,再唱首本名曲《娃娃愛天下》,佢留咗長髮,不過外貌變化不大。

「阿舜」2001年上《都市閒情》唱「娃娃愛天下」一曲成名
Photo from TVB

奇特舞姿
Photo from TVB

阿舜2015年出席活動,再唱首本名曲《娃娃愛天下》
Photo from YouTube

阿舜《娃娃愛天下》2015版:

另外有網民想搵返打風下嘅小學生,當時掛8號風球,學校提早放學,有小學生接受訪問時表現興奮,表示有好多功課做:「希望聽日10號風球、雷暴警告、黑色暴雨警告加龍捲風!」

有網民想搵返打風下嘅小學生
Photo from LIHKG

時掛8號風球,學校提早放學,有小學生接受訪問時表現興奮
Photo from TVB

「希望聽日10號風球、雷暴警告、黑色暴雨警告加龍捲風!」
Photo from TVB

小學生遇上打風嘅心聲:

除咗新聞人物外,仲有網民表示想知「生命滿希望」嘅四眼仔近況如何,佢喺廣告中嘅句子「打波先嚟落雨,唔通連個天都唔中意我」、「其實落雨又有咩好怕喎!」成為經典,近年有報道指佢參加健美比賽,與舊日「四眼仔」形象截然不同!

「生命滿希望」嘅四眼仔
Photo from YouTube

近年有報道指佢參加健美比賽
Photo from Eric Cheng Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

「保險細路」楊凱博15歲近照公開!竟暗戀劉穎鏇?

30 Mar 2021

廣告
廣告

大家上網都會睇過一張萬能key圖,圖中嘅小朋友已大個仔,佢最近仲出演TVB劇集《大步走》添!年紀小小嘅佢竟然暗戀劉穎鏇?

大家上網都會睇過一張萬能key圖,圖中嘅小朋友已大個仔
Photo from YouTube

2012年一個保險廣告入面嘅其中一位小朋友因為一邊問「乜嘢叫保險呀?」,一邊露出好得戚嘅招積表情,而引發網上一連串改圖熱潮。相信大部分網友都有睇過,甚至用過呢張萬能key改圖。

2012年一個保險廣告入面嘅其中一位小朋友因為一邊問「乜嘢叫保險呀?」
Photo from YouTube

網上圖片
Photo from 網上圖片

其實改圖嘅主角叫楊凱博,係一名童星,佢之後都參演咗唔少劇集,包括:《城寨英雄》、《天命》、《特技人》、《降魔的2.0》等。

改圖嘅主角叫楊凱博,係一名童星
Photo from 楊凱博IG

「保險細路」楊凱博原來今年已經15歲!佢最近參演TVB《大步走》,飾演張達倫嘅仔仔、陳山聰嘅學生。

「保險細路」楊凱博原來今年已經15歲!佢最近參演TVB《大步走》
Photo from 楊凱博IG

楊凱博IG
Photo from 楊凱博IG

劇中佢仲暗戀劉穎鏇添,劉穎鏇喺IG post出兩人合照,大讚楊凱博好man,好可愛~

劉穎鏇喺IG post出兩人合照,大讚楊凱博好man,好可愛~
Photo from 劉穎鏇IG

其實楊凱博仲係全港公開新秀武術比賽男子小童組三項全能冠軍,有真功夫嘅佢喺《城寨英雄》飾演童年版陳展鵬。

其實楊凱博識武術
Photo from 楊凱博IG

YouTube
Photo from YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《堅離地愛堅離地》童星羅梓龍 18 歲大個仔變超 Chok 小鮮肉 網民:成個韓星咁靚仔

18 Jan 2021

TVB 劇集《堅離地愛堅離地》係 3 年前嘅作品,曾一度延期播出,相隔 3 年,劇中嘅演員依家已經起咗好大變化,好似劇中飾演康華與李國麟兒子「王子駿」嘅童星羅梓龍依家已經 18 歲大個仔,仲變成韓風小鮮肉!

現年 18 歲嘅羅梓龍其實已經係有 15 年年資嘅「前輩」,佢 3 歲就入行做小模特兒,7 歲開始接觸戲劇,當中令人印象深刻嘅就係喺《超能老豆》中飾演李思捷兒子「谷筱楠(燒腩仔)」一角,年紀輕輕但演技自然,讀起對白時一啲都唔生硬。另外,喺《逆緣》中飾演黎耀祥與江欣燕兒子「賀嘉誠」一角表現同樣搶鏡。

現年 18 歲嘅羅梓龍其實已經係有 15 年年資嘅「前輩」,佢 3 歲就入行做小模特兒,7 歲開始接觸戲劇。
Photo from 《超能老豆》

羅梓龍喺《超能老豆》中飾演李思捷兒子「谷筱楠(燒腩仔)」一角,年紀輕輕但演技自然,讀起對白時一啲都唔生硬。
Photo from 《超能老豆》

喺《堅離地愛堅離地》中羅梓龍飾演康華與李國麟兒子「王子駿」,係一個「巴士迷」,有唔少戲份,可惜「王子駿」最後不幸墮樓身亡。

喺《堅離地愛堅離地》中羅梓龍飾演康華與李國麟兒子「王子駿」,係一個「巴士迷」,有唔少戲份。
Photo from 《堅離地愛堅離地》

Photo from 《堅離地愛堅離地》

羅梓龍拍攝《堅離地愛堅離地》時得 15 歲,仲有少少 baby fat,同細個嘅時候一樣咁可愛。不過相隔 3 年,羅梓龍依家已經 18 歲大個仔,不時喺社交平台大曬近照,18 歲嘅佢臉上褪去咗當年嘅稚氣,變咗一個型爆小鮮肉!

羅梓龍依家已經 18 歲大個仔,不時喺社交平台大曬近照,18 歲嘅佢臉上褪去咗當年嘅稚氣,變咗一個型爆小鮮肉!
Photo from lo.marcus@IG

Photo from lo.marcus@IG

羅梓龍依家已經冇咗當時嘅baby fat,五官輪廓更加深邃,衣著風格仲非常有型,同劇中角色感覺完全判若兩人。羅梓龍 Post 相之外仲經常配上一啲有深意嘅字句,令人驚嘆當年嘅可愛小童星長大了~

羅梓龍依家已經冇咗當時嘅baby fat,五官輪廓更加深邃,衣著風格仲非常有型,同劇中角色感覺完全判若兩人。
Photo from lo.marcus@IG

Photo from lo.marcus@IG

唔少網民見到羅梓龍啲相都睇到心心眼,大讚佢有型之餘,都話佢大個咗,更有網民讚佢「成個韓星咁靚仔」!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook