余詠珊愛將麥美恩上位，獲欽點與鄧萃雯拍《巾幗梟雄4》！網友：冷飯到底仲要炒幾多次

曾志偉成TVB副總經理，余詠珊亦將離職，昔日「余詠珊愛將」或被投閒置散。但有報道指麥美恩卻獲重用，出演重頭劇《巾幗梟雄4》，同鄧萃雯合作，更有大量對手戲！

Photo from 麥美恩IG

麥美恩（Mayanne）今年34歲，之前一直主力做綜藝節目、主持等工作，不過早前參演《使徒行者3》，飾林峯徒弟嘅佢演技備受認可，臨死一幕更勁催淚。

Photo from 麥美恩IG

麥美恩為拍戲仲努力減肥，有指佢同胡鴻鈞、馬貫東等拍完短劇《愛上我的衰神》後，即獲欽點拍攝重頭劇《巾幗梟雄4》。

Photo from 麥美恩IG

Photo from 《巾幗梟雄》

據知《巾幗梟雄4》原班人馬會有黎耀祥、鄧萃雯、敖嘉年、謝雪心出演，而麥美恩戲份好重，將會同女主角鄧萃雯有大量對手戲，有望上位做一線花旦！

Photo from 《巾幗梟雄》

Photo from 《巾幗梟雄之義海豪情》

不過Mayanne本人就表示仲未收到通知，但指唔擔心同視后鄧萃雯拍檔，因為佢做主持都同Do姐、汪阿姐等合作過。

Photo from 麥美恩IG

Photo from 麥美恩IG

網友就似乎唔係太睇好《巾幗梟雄4》，指TVB近年屢次翻拍或拍經典劇續集：「冷飯到底仲要炒幾多次」、「巾幗梟雄2022」、「第三輯已經收得唔好，仲黎 黎耀祥都六張啦」。

Photo from 連登

Photo from 連登

雖然余詠珊已辭職，但被歸為「愛將」嘅黃翠如、洪永城已分別續約同演新劇，有指高層大派「定心丸」，唔會牽連到一眾余詠珊「愛將」。

Photo from 黃翠如IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

麥美恩《使徒行者3》演技獲讚！罕有演劇 演搞繹笑/催淚情節無難度

11 Nov 2020

使徒行者3》與林峯合作演卧底，雖只有兩集戲份，但無論搞笑、催淚情節都難唔到佢，第二集佢臨死前演技更令觀眾非常投入，罕有拍劇嘅Mayanne演技獲激讚！

麥美恩Mayanne入行以嚟「傻大姐」形象深入民心，主力做主持、出演綜藝節目。近日罕有拍劇，喺《使徒行者3》同林峯合作，飾演師徒。

其實Mayanne僅兩集戲份，但就令觀眾留下深刻印象，佢第一集同農夫齊齊大放笑彈。

飾演卧底嘅Mayanne為解救被騙嘅少女，不惜以豹紋蕾絲裙性感造型出場，更淋埋冰水，與飾演嫖客嘅農夫有對手戲。

可左右滑動看圖：

成段都輕鬆搞笑，對於農夫同Mayanne嚟講絕對係得心應手，即睇精華片段：

到第二集，Mayanne飾演嘅朱倩被揭穿卧底身份，最後慘死。臨死前一幕非常催淚，佢完全演繹出嗰種無助同掙扎。

可左右滑動看圖：

Mayanne亦有分享自己演戲嘅感受，表示有問過林峯喊戲點拍，又指自己「睇一次喊一次」。

Photo from 麥美恩IG

雖然Mayanne只出演咗兩集，但兩集係完全唔同嘅心態，而佢無論係搞笑戲份，定催淚情節都駕馭得好好，有好多網友大讚佢演技出色！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）