靚景行山路線｜10大本地行山打卡熱點推介！情侶/親子活動最適合！

香港好去處郊遊好去處

By Suki on 19 Apr 2021

Deputy Managing Editor

都市人平時好少做運動，加上成日坐喺office做嘢，無咩機會舒展筋骨好易病，趁周末去郊外行下運動一下啦！記者為大家整理了10大本地行山打卡路線，就算平時無咩做開運動，又或者好少行山都可以輕鬆挑戰，一於齊齊做運動啦！

1. 鶴咀

鶴咀被稱為秘景，仲有香港最老燈塔！真心靚～入去條路係好平坦嘅石屎路，山青水秀嚟形容就最啱啦！係筲箕灣巴士總站搭9號巴士就可以係鶴咀道落車！即刻會有個入口，好易搵！

Photo from PressLogic

一開始Keep住都係咁樣嘅石屎路，好似中學生秋季旅行咁～見到芽菜坑村信箱繼續向前行～附近有補給站！但如果要借洗手間就要有道德啲，係個士多幫襯下買下水先啦，其實佢地都好nice嘅～

Photo from PressLogic

係鶴咀電台附近，有條草地路沿著走～一路上都幾多發射站，鐘意影相嘅發燒友今鋪唔得閒啦～呢個角度仰視上去簡直係療癒！

Photo from PressLogic

唔講唔知，呢個燈塔已經百幾年歷史啦！真係需要我地繼續好好愛護佢啊～

Photo from PressLogic

行行下就會到左鶴咀海岸保護區嘅範圍～有不同古蹟同香港大學海洋科學研究所！附近有條勁隱蔽嘅梯級路落去呢個雷音洞架，想聽下治癒嘅浪聲就要入一入去啦！

Photo from PressLogic

之後嚟到今次小編一行既目的地，好明確就係：要去呢個蟹洞！！！睇到呢張相：此處應有模特兒～（要小心海浪及石頭）就下角度仲可以影到海天一色嘅感覺架～你站嘅位置愈高，睇嘅愈多，亦都愈靚啊～

Photo from PressLogic

睇完靚靚日落同咸蛋黃之後，係時候返去嚕～

Photo from PressLogic

小貼士！要留意假日有啲巴士班次唔經鶴咀，唔經的話就係石礦場站落，行過去都近嘅～

2. 萬德徑

想去瀑布仙境唔一定要出國嘅，跟住小編啦！一上山係一條一斜路嚟嘅，唔算太吃力～沿路都見到路牌指住往瀑布，行到咁上下見到「萬德徑」就表示正式開始喇～

Photo from PressLogic

條路會由石屎路漸漸變成沙石路～行行下會見到「萬德苑」，就代表你冇行錯路喇～

Photo from PressLogic

沿途好多唔同品種嘅樹木，加埋石級嘅叢林景都好靚呀～跟住行多1個鐘多少少，就會見到小路落去嘅牌寫住「并底瀑」，咁你就到達第一個瀑布喇～

Photo from PressLogic

「并底瀑」有分上下嘅部份嘅～瀑布底嘅潭都有少少深嫁～配埋一堆大大小小嘅石頭，影出嚟好有清山嘅靈氣～

Photo from PressLogic

大約行多15-30分鐘，就會去到「中瀑」嫁喇～呢度氣勢比「并底瀑」強，而且瀑布附近有大石，可以近距離影，不過要小心唔好行啲濕左水嘅石呀，好易跣親嫁～想嚟呢個山，其實好方便～喺元朗搭64K就可以直到山腳嫁喇～

Photo from PressLogic

**小編tips：
-記得著防跣鞋，因為好多沙石路～
-記得帶備蚊怕水，同最好著淺色長袖衫褲，因為真係好多蚊～
-記得帶水，隨時補充水份

3. 銅鑼灣天后廟

這座銅鑼灣天后廟，又稱「鹽船灣紅香爐廟」，相傳戴氏族人在銅鑼灣岸邊拾獲一枚香爐狀的紅色石頭，並深信其由天后所賜，所以在此處興建一所天后廟供奉，供一眾漁民供奉以保平安。

Photo from PressLogic

現時天后廟繼續由戴氏族人打理，石獅、香爐、銅聚寶爐等都百件歷史，他們都保存得非常好。

Photo from PressLogic

祈完福後，是時侯出發行大運！聰明的你已經知道「鹽船灣紅香爐廟」與紅香爐峰的關聯，由於這座山峰正正位於廟宇的後方，因而名為「紅香爐峰」。今天我們以位於鰂魚涌的柏架山道自然徑作起點，巴士、地鐵和電車都可以到，相當方便！

Photo from PressLogic

起步不久，我們會經過多樣性自然教育中心，西式建築加上紅色的磚牆，彷如置身於深山中的一座別墅！各位不但可以在此拍照歇息，更可以帶同小朋友學習有關大自然的知識。

Photo from PressLogic

來到這個送子觀音就對了，聽說求生子女特別靈，如果想生小朋友的你，就可以向觀音娘娘許個願。

Photo from PressLogic

沿金督馳馬徑向寶聯徑方向走。

Photo from PressLogic

走過石泥路，再穿過石縫就快到達了！上到紅香爐峰較多石級，到此的朋友記得帶手套！

Photo from PressLogic

除了走山路，其實有一個終極懶人登山方法，可以直接搭小巴或巴士上寶馬山，再行15分鐘即可到達！

這裏可以180飽覽整個維港，斜陽落下時，夕陽灑滿整片海港，閃閃生輝，難怪吸引成為攝影勝地！記者登山當天雖然天色已暗，且較多霧，但仍有一片餘輝，同樣令人陶醉！

Photo from PressLogic

這條柏架山道自然徑至紅香爐峰路線全程不足2小時，輕鬆易行，重點是日落景色優美。各位記得郊遊時都要戴好口罩，保持身體健康，才有力挑戰下個美景！

4. 虎山

大澳虎山係好適合新手挑戰嘅行山路線，位於大澳西面，由起步點上到山頂大概只需半個鐘左右，就算平時無行開山都唔會感到吃力。到達大澳市中心之後，過橋後一路向前行，就會經過匯豐銀行、大澳郵政局等地，見到少林寺之後，就會正式到達虎山的地步點了！

Photo from Presslogic

虎山的行山路線位於少林寺的左邊小路徑，沿著小路一直向前行，會先後見到樓梯級、被草堆包圍的平路，邊行會邊見到芒草，雖然數量並不算太多，但依然好有秋冬氣息！

Photo from Presslogic

繼續向前行，就會見到紅色欄杆分別在左右兩邊出現，呢度係好多人影相的熱點，兩邊都被大海包圍，如果天氣好一定會超靚！另外此刻都係好多人睇日落的地方，想影黃昏相可以4點左右再出發，唔會曬又可以影到靚相！終點位係涼亭，全程都只係30分鐘左右，就算影埋相都只需一個鐘，係假日放鬆好活動！

Photo from Presslogic

5. 摩星嶺

前往摩星嶺，可以於跑馬地搭1/1P巴士，行上山大概都只需要1個鐘左右。一開始嘅路都好平坦，一啲都唔會難行。行十幾分鐘之後，就會見到著名嘅地標炮台喇！呢度係二級歷史建築，大家行過時可以入去看看歷史古蹟，但記得千萬唔好塗鴉同整污糟啊！

Photo from Presslogic

行到半山，就會見到海景同芒草，沿途仲會見到好幾個涼亭，如果覺得攰的話都可以坐底休息一下，一啲都唔會累～去到青年旅舍就代表成功在望喇～不過就要先征服兩條奪命樓梯，大家可以選擇行斜路或樓梯，成個行山路線就以呢一段最為辛苦，只要捱過就可以去到山頂喇～

Photo from Presslogic

行完兩條樓梯之後，都唔使急住上山頂，因為沿路都仲會見到好多歷史遺蹟。想了解更多嘅香港歷史，就可以到處去探險一下。但由於四周無照明，記得一定要預留時間早啲落山啊！

Photo from Presslogic

到山頂啦！景色好開揚好靚，可以欣賞到港島景色，瞬間覺得行再耐都係值得的！而山頂嘅草地更加係影相嘅好地方，更加會有人選擇於山頂影婚紗相添！

Photo from Presslogic

想睇一個靚靚的日落，建議大家5點左右就要落山喇！落山可以選擇行捷徑，山路上有不少指示牌可以行樓梯直達馬路，咁就唔需要同一條路行兩次喇～行到去起點1/1P巴士站，過馬路就會見到指示牌去日落觀瀾亭，行5-10分鐘樓梯就會到，見到個超靚嘅日落架啦！

Photo from Presslogic

6. 東龍島

入東龍島嘅路線有兩條～分別係西灣河同油塘嘅三家村～如果由西灣河入就$55來回，三家村就$45來回～小編建議大家可以早少少入去～早少少買回程嘅船飛選擇嘅時間會比較多～否則就要坐加開嘅船～多數都好夜架啦～

Photo from PressLogic

今次小編會帶大家行島嘅北面～一落船旁邊會見到洪聖廟！洪聖廟旁邊有條小路上會見到兩間士多，可以坐低食個早餐先～

Photo from PressLogic

再行一段十分鐘嘅路就會去到另一條分叉路～右邊係上山嘅，中間雜草好多！著短褲嘅就唔好行呢條路啦～小編就轉左向另外兩間士多進發～行到赲又可以食下好野先～今次真係比小編發現到隱世野食～（不過行到赲真係咩都覺得好味～哈哈）呢個係南園士多嘅食物～紅燒排骨麵無得彈～肉夠淋麵又夠爽～補充體力一流呀～

Photo from PressLogic

再行多五分鐘就會見到營地了～好多人係度搭曬營～好似開Party咁呀～好熱鬧！營地旁邊有條小路～行上去就發現後面嘅風景不得了～！仲有唔少人係度進行山藝活動～有攀石、飛索、30米高嘅沿繩下降～好刺激呀！又有得睇又有得玩～正呀～

Photo from PressLogic

7.藍地水塘

大家可以由屯門地鐵站C3出口，或者附近的巴士總站出發，往山方向步行大約15分鐘，便可到達何福堂夜中學。中學旁邊會看到一條小路，其實也就是麥理浩徑第10段終點站。從小路出發沿着黃色欄杆以及郊野公園標記繼續行，步行約20分鐘，便會到達「屯門徑」以及「麥理浩徑」分岔路指示牌。

只要沿着「屯門徑」方向繼續行，便會見到「藍地水塘」指示牌，如果大家想到彩虹欄杆打卡拍照，那便記得要行「藍地水塘」指示牌的反方向，亦則左邊小路行便可。

由「藍地水塘」指示牌到彩虹欄杆的這段路由於梯級較多，而且忽高忽低，因此相比起藍地水塘會較辛苦些，不過屯門徑路段也設有不少涼亭，不時休息一下在行也不算太困難！

步行大約20分鐘，便到達第一站「彩虹欄杆」！彩虹欄杆全長200米，而且每條欄杆均有不同顏色，但編輯認為用航拍拍照會較壯觀，又或是請朋友幫手拍照也會被自拍效果更佳！

打卡後便可出發至藍地水塘！走過彩虹欄杆繼續向上行，只要捱過大約400多級樓梯，往後到藍地水塘都是下山路，因此相對會較輕鬆！一直沿着「藍地水塘」指示牌行，步行大約2公里，便會到達虎地郊野公園。這路段的路會比較輕鬆，因此想看藍地水塘的朋友記得要堅持下去啊！

走過虎地郊野公園向左轉並繼續行，會見到一條小路，沿小路下行即可到達終點站「藍地水塘」！藍地水塘又稱老虎坑水塘，是香港灌溉水塘之一，至今已經超過50年歷史，左右兩邊的大瀑布以及水塘真的非常壯觀啊！之後大家可走到盡頭沿小路下山，15分鐘內即可到達藍地大街或是富泰邨，離開也非常方便！

不過疫情期間盡量留在家中，即使去郊外地方都記得戴口罩啊！大家不妨先bookmark行山路線推介，待疫情好轉後再出發郊遊吧！

8. 西貢

溫馨提示1：行山前一定要做足準備，穿著適當的衣著；另外最重要記得尊重自然環境，自己垃圾自己帶走，保護自己的香港。

Photo from presslogic

老實說記者入過東壩無數次，對於新手來說，路線簡單，平坦易行，沿途風景吸睛。不少人會選擇從西貢碼頭或北潭涌搭的士或小巴到萬宜水庫東壩，但其實由北潭涌步行入東壩，需時大概2.5-3小時，趁天氣開始轉涼，不如齊齊親親大自然。

Photo from presslogic

溫馨提示2：駕車朋友注意，萬宜水庫東壩要有特定許可證，暫時只有小巴及的士可進內。

Photo from presslogic

位於萬宜地質步道，有一個70年代水庫建成後出現的海蝕洞，16年漁護署為方便行山人士可以近距離觀看海蝕洞，興建了一條木橋步道。若靜靜地留在這裡，吹吹海風之餘，可以聽到清脆的水滴聲。

Photo from presslogic

溫馨提示3：切勿進入洞內，也不應攀爬海蝕洞的岩壁。

另外防波堤亦是東壩特色之一，用途是抵禦海岸的地基被潮水沖蝕的堤壩建築形式。

Photo from presslogic

溫馨提示4：位於防波堤時，同樣切勿攀爬及塗鴉。

沿路繼續行就會見到浪茄指示牌，大概行半小時就會到達。沿途樹陰較少，記得塗好防曬，避免曬傷。浪茄位於兩組山峰和海岬之間，從高位俯瞰浪茄灣，水清沙幼，有點像去了泰國的小島。

Photo from presslogic

吹完海風，再步行回東壩看日落，相當寫意！一於讓自己放日假，逃離煩囂，再重新出發。香港人，加油！

Photo from presslogic

9. 千島湖觀景台

大棠楓香林每年12月至1月，都會有好多人一家大細齊齊去影楓葉靚相，由大棠山路出發，一邊行一邊影相，大概都只係需要個幾鐘，而且大部分都係平路，非常易行，就算平時無行開山都無人難度，趁呢幾日多假，一於同屋企人或者成班朋友齊齊影靚相啦！

Photo from Presslogic

如果想影靚相的話，推薦大家大約下午2-3點開始上山，一來下午時分無咁曬，行得無咁攰，二來陽光開始變得柔和，影出來嘅相會更靚！楓香黃昏時分，太陽落在紅葉之間，影相真係超靚，好有去咗日韓旅行嘅感覺～

Photo from Presslogic

出發去睇紅葉之前，大家可以先去漁農自然護理署睇睇紅葉指數，每逢星期五都會公佈，咁就唔使白行一趟了。不過就算無紅葉，都係行山影相得好去處，大家可以行去千島湖觀景台，都可以見到好靚嘅景色的～

Photo from Presslogic

地點及地圖：大棠山道
交通資訊：於元朗乘港鐵巴士K66號或紅色小巴，在大棠山道巴士總站下車並沿車路步行上山約60分鐘到達楓香林。

10.針山

另一個熱門行山地點針山，由菠蘿壩出發，不過經過主壩橋之後，由水塘的另一邊上去，可以留意指示牌的方向，再沿梯級慢慢行上山。

Photo from HMW

之後就是無窮無盡的樓梯，沿途能回望城門水塘的風景。路程的中途會見到針山山頂，遠觀山的形狀好似一枝針，很尖呀～～這個位置都是行針山必影相的地方

Photo from Cherry Ho

之後登上針山的路全都是梯級，新手的朋友可分段行，中途休息一下，行梯級要慢慢上～～

Photo from HMW

Photo from Cherry Ho

終於登上針山了～～影相位當然少不了高度牌，是辛苦努力後的証明～～到達針山山頂，可以好好欣賞城門水塘的全景，壯觀美麗～～

Photo from Cherry Ho

行針山的時間要注意，因為上山的路程不斷行梯級，緊記要量力而為，特別是最後登山的一段路，感到不適就應該停下來，到樹蔭下休息一下，不要貪一時之快呀。在山頂也要好好休息，補充足夠水份，因為下山的路程斜度也略為急～要好好準備呀～～不少人完成針山後，會繼續挑戰草山，不過新手的朋友可以留待下一次再挑戰，回程的路可以右轉入沙田郊野徑到沙田火車站。

路線：菠蘿壩 -> 城門水塘主壩 -> 針山 -> 沙田郊野徑 -> 沙田火車站
長度：約8.2公里
時間：4小時
起點交通：荃灣兆和街82小巴到菠蘿壩總站
終點交通：沙田火車站

行靚山，當然要配對合適又著得舒服的運動鞋！最近LANE–EIGHT運動鞋使用再生塑樽、藻類作緩衝材料，著落更輕兼耐用。如果想再買齊行山套裝，不妨去港人購買運動用品的熱點Decathlon迪卡儂，無論是入門級運動或是高難度運動，所有產品都能在店內找到，相對其他大型運動品牌價錢更親民。

Decathlon迪卡儂第五間分店最近選址九龍灣德福廣場，佔地4000呎，除了主打親子主題運動用品外，還打破舊有概念，以「Click & Collect」及「Grab & Go」登場，鼓勵客人於網站線上購物後，直接門市自取，不用排隊付款。另外店內設有自助櫃位，直接把貨品放入收銀處的偵測籃，快速埋單！