P牌陳嘉倩屯門公路揸車險象橫生太有自信撞歪鐵欄！網民：個牌淘返黎㗎？

Digital Content Writer

前主播陳嘉倩近排就為獲邀上ViuTV嘅真人show《學神出沒注意》擔任嘉賓，半年前考到車牌嘅佢就喺節目嘗試揸車，但佢嘅駕駛技術就令唔少觀眾睇嘅時候都嚇咗一跳！

Photo from 陳嘉倩IG

現年30歲嘅陳嘉倩喺冇做主播之後，都依然活躍於幕前嘅工作。近日，佢就上ViuTV嘅《學神出沒注意》喺節目中大曬駕駛技術，但缺少經驗嘅佢就製造咗唔少嘅驚險場面！

Photo from 《學神出沒注意》

喺節目中，佢就表示自己喺半年前先成功考獲車牌，仲係一個P牌仔，考完之後只係揸過三次車。不過，佢就似乎對自己嘅駕駛技術都幾有信心，仲話朋友都話佢揸車夠穩陣！

Photo from 《學神出沒注意》

陳嘉倩一上車就已經顯露咗自己唔太熟悉車嘅「真面目」，以為水潑係指揮燈、㗎車不停咁向左靠等。喺上咗高速公路之後，師傅Alex好誠實咁話每個司機超車嘅時候都會望一望佢哋，因為唯獨佢哋㗎車行的特別慢！

Photo from 《學神出沒注意》

之後，節目組就帶咗陳嘉倩去一個以容易泊車而出名嘅停車場，師傅Alex見佢咁有信心就話落車睇住佢泊，俾佢大顯身手。由於師傅Alex落咗車，只能夠喺車尾追住佢睇，但佢就分心顧住笑師傅似瘋狂fans，然後下一秒就撞咗埋鐵柱度！

Photo from 《學神出沒注意》

陳嘉倩就即刻嚇到坐喺㗎車入面唔知點好，仲話自己完全睇唔到條鐵柱！後來就由喺師傅嘅幫忙之下，暫時處理好所有嘢。

Photo from 《學神出沒注意》

唔少網民喺睇完呢一集之後，都不禁留言話俾佢嘅駕駛技術嚇親，仲表示佢最需要改嘅喺佢嘅駕駛態度！

Photo from ViuTV YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

女神崩壞？前無綫新聞小花陳嘉倩被爆黑口黑面睥新人仲臨場拒拍

15 Oct , 2020

前無綫新聞小花陳嘉倩一直以來形象討好，即使辭去無綫新聞主播之後依然人氣高企，節目廣告接唔停，加上形象清純、有氣質，穩佔網民心中嘅「女神」地位。不過近日就傳出陳嘉倩喺拍攝廣告時耍大牌擺款，仲黑口黑面，女神形象完全崩壞。

有工作人員爆料指早前陳嘉倩同藝人周子揚、新人黃以諾拍攝廣告時工作態度差，鏡頭前後兩個人。

Photo from kasin520@IG

爆料者稱當時導演喺度教緊新人黃以諾一啲拍攝嘅嘢，懷疑因為黃以諾頻頻 NG，令到陳嘉倩唔耐煩，翹埋雙手，仲黑口黑面睥住新人。

Photo from choutszyeung@IG

Photo from kasin520@IG

另外，陳嘉倩喺拍攝休息期間努力補妝，本來就冇咩問題，不過佢偏偏企正通道中間，阻住其他演員綵排，仲當住男工作人員面前扯 bra，非常豪邁，同平時清純形象有好大出入。

Photo from kasin520@IG

不過最令工作人員無言嘅係陳嘉倩臨時拒拍，拖延拍攝進度。廣告拍攝時間係上午 10 點到下午 3 點，但係陳嘉倩化妝用咗超過一個鐘，成個廣告正式拍攝淨係用咗三個鐘，時間咁緊迫之下，陳嘉倩仲要臨時先話唔拍。

Photo from choutszyeung@IG

廣告原本個故事係話佢深受鼻鼾困擾，但係經理人當時以「保女神形象」為由，臨場要求改劇本。另外原本仲有一場求婚戲，經理人又以「冇需要」、「要準時收工」為由拒絕拍攝。結果成個廣告要麻煩工作人員 OT，重組故事同剪輯。

Photo from choutszyeung@IG

陳嘉倩之後就事件回應表示「一笑置之」，周子揚就表示拍攝時間唔係好夠，而且拍嘢 NG、delay 係正常，對於指陳嘉倩黑面一事，佢就話可能係角度問題。

Photo from choutszyeung@IG

依家雙方各執一詞，真相係點，相信只有當時在場嘅工作人員先知道啦。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel