姜濤人氣爆燈接30個廣告成「吸金王」！夢想買樓收租：我已經睇緊樓！

MIRROR人氣成員姜濤今年成唔少廣告商寵兒，短短幾個月已接廣告接到無停手，絕對係2021年嘅「吸金王」！佢提到自己賺到錢會置業、買樓收租。

Photo from 姜濤IG

ViuTV舉辦嘅《全民造星》成功捧紅咗一班有音樂夢想嘅年輕人，其中奪得冠軍嘅姜濤唔止有$100萬獎金，佢出道後吸納大批「姜糖」，成為樂壇嘅一顆新星。

Photo from 姜濤IG

人氣高企嘅姜B更加受到唔少品牌嘅青睞，成為旗下產品代言人。姜B自2021年嚟手頭上嘅廣告有近30個，當中更包括HPV疫苗。

Photo from 姜濤IG

姜B指佢廣告、代言有好多支票都未收到，所以未知實際賺咗幾多，被問到賺到錢最想做咩，佢就表示係買樓。姜B話一直以嚟都想買樓一層自己住、一層收租：「我已經睇緊樓！」

Photo from 姜濤IG

姜B首次同阿Sa蔡卓妍合作拍廣告，姜濤指自己出道前有聽Twins嘅歌，雖然同阿Sa係分開拍廣告，但係都有去探班影相。

Photo from 姜濤IG

而阿Sa就大讚姜濤又cute又靚仔，真人比想像中高而且好有禮貌，不過38歲嘅阿Sa得知要同得21歲嘅姜B拍廣告時即表示：「我生得佢出，令我好有壓力。」

Photo from 蔡卓妍IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

姜濤被指比周柏豪更值得攞港台男歌手金獎！姜b謙虛：能力未夠

20 Jan 2021

21歲姜濤（姜B）破紀錄奪咤叱「我最喜愛男歌手」，事後佢發長文感謝fans支持。近日港台十大中文金曲「男歌手金獎」由周柏豪奪得，有網民認為姜濤更值得呢個獎，姜b謙虛回應！

21歲姜濤（姜B）贏咗《全民造星》後星途越嚟越順，喺早前《叱咤樂壇流行榜頒獎典禮2020》，佢更破紀錄奪得「我最喜愛男歌手」同「我最喜愛歌曲大獎」，成為歷年最年輕得獎者。

Photo from 姜濤IG

呢個結果引起爭議，而姜濤亦喺IG post長文感謝fans支持，佢自言自身實力、資歷都不足以說服大家，甚至說服唔到自己，畢竟作品或者歌唱實力都未獲得大眾認可：「但這兩個獎項，是你們一票一票的辛苦投出來的，既然拿了，我以後一定會對得起你們」

在 Instagram 查看這則貼文

KEUNG TO 姜濤（@keung_show）分享的貼文

真摯嘅長文令fans感動之餘，亦獲網民大讚謙虛有禮！

至於港台舉辦嘅「第43屆十大中文金曲」，男歌手金獎由周柏豪奪得，許廷鏗、姜B則獲銀獎同銅獎。

Photo from 周柏豪IG

有網民替姜濤不值，認為佢比周柏豪更值得攞男歌手金獎，姜濤出席活動時就謙虛回應：「我知自己實力同能力未夠。」

Photo from 姜濤IG

姜濤又話攞到任何獎項都係幸運，指唔會計較係咩獎。網友讚姜B回應得體又謙虛～

Photo from 姜濤IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）