58歲王傑上傳自拍照兩鬢斑白現滄桑 鬼馬自嘲「老了，但思想依然可愛」！

80年代曾以一首《幾分傷心幾分痴》紅極一時嘅王傑，自 2017 年宣布告別樂壇後便移居加拿大。雖然宣布告別後佢亦少有喺社交網上出現，但近日就有網友喺社交網上放上王傑除低口罩，兩鬢斑白嘅新相。

Photo from 王杰/Weibo

當年王傑因為呢首歌可以話係紅極一時，其灑脫不羈嘅形象，結合憂鬱嗓音，故有「歌壇浪子」、「憂鬱歌王」等綽號，係是1980至90年代活躍華語樂壇嘅超級巨星，並名列當年台灣嘅四大天王，譽為「亞洲歌聖」 。

Photo from 王傑/FB

不過佢因為接連經歷婚姻失敗，以及喺 2010 年時自曝曾遭同公司嘅人喺飲品落鉛毒，導致聲音變得沙啞，尋遍醫生都無法痊癒後，因而轉向北上發展。

Photo from 王杰/Weibo

可借當時佢嘅聲音已大不如前，再加上佢被內地網民羞辱已過氣並攻擊其母親，令王傑嬲爆將私訊內容截圖公開，並謂以後嘅唱片都唔會在內地發售。最後王傑更因壓力而患厭食症、抑鬱症，喺2017年宣布告別樂壇，移居加拿大。

Photo from 王杰/Weibo

而喺加拿大定居嘅王傑，去年就喺其微博發文指自己老，但思想依然可愛，不過就並有附上任何照片：「我老了⋯⋯但是我依然不忘初心！思想依然可愛……心中依然充滿了愛……艱難時期，大家保重……永遠愛你們！」

Photo from 王杰/Weibo

而近日有網民就喺社交網上放上王傑新相，相中見佢拉低口罩，兩鬢斑白，盡現滄桑感，但睇起嚟佢嘅精神唔錯。

Photo from 小紅書

其實睇番佢微博佢喺 2019 年時不時有喺上面同大家分享嘅喺加拿大嘅生活點滴，睇佢不時揸車四圍去同下廚之餘，佢亦會編吓曲，做自己鍾意嘅事，相當隨心自在。

Photo from 王杰/Weibo

而唔少網民就話希望王傑可以復出再唱歌，再帶多啲好音樂畀大家。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

61歲李子雄近照曝光！頭髮逆生長比1986年拍《英雄本色》更濃密，被網民懷疑戴假髮！

12 Apr 2021

近年唔少藝人紛紛前往中國發展，部分仲會喺當地組建家庭，就好似移居內地多年嘅 61 歲李子雄，喺 2018 年與比自己細 20 年嘅第二任妻子結婚後育有一子，而近日佢就罕有咁喺網上分享咗佢哋一家人出遊嘅片。

80 年代嘅電影系列《英雄本色》可以話係風靡全亞洲，電影更多次被翻拍，其中嘅主角「Mark哥」周潤發、「豪哥」狄龍以及「阿傑」張國榮更係靈魂人物，而飾演大反派「大哥成」嘅李子雄，至今仍係奸角中嘅經典嚟！

而向來低調少談家事嘅「大哥成」李子雄早年就移居內地，更與有「回族第一美女」之稱的內地演員王雅琦結婚，二人婚後育有一子「糖豆」。

近日佢就喺網上放閃仲公開家庭樂嘅片添。片中見佢身穿紅色長袖衫搭配灰色長褲推住手推車，睇佢嘅手推車中擺滿晒，似乎準備咗唔少 嘢喎～

而 2 歲嘅兒子「糖豆」不時就企喺車中，不時又喺前面踏單車，睇嚟都玩得好開心！

不過唔少網友就將重點放咗喺佢嘅髮量上，有網友更懷疑佢可能戴咗假髮，事關佢同當年喺《英雄本色》中「大哥成」時嘅髮量相比，明顯增加咗唔少呀！

另外，佢喺片中更陪「糖豆」跑、打籃球，又拖又抱咗咁，體魄完全唔似 61 歲，有網友就笑言原來「大哥成」充滿父愛外，更紛紛留言希望佢可以復出拍戲。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）