妻子發現丈夫出軌報復式拍賣其珍藏《遊戲王》卡競投突破2千萬円！最後結局竟然係咁？！

生活熱話

By Stephanie on 15 Apr 2021

Digital Content Writer

當大家知道另一半出軌，腦海裡面都一定會浮現想報復嘅心。最近，有一位日本人妻喺發現老公出軌之後，就決定要賣走老公收藏已久嘅遊戲卡。但原來呢啲遊戲卡係好稀有嘅珍藏版《遊戲王》卡牌，仲喺日本拍賣網出價叫到2000萬円(港幣約$140萬)!

Photo from TVB

近日，喺日本拍賣網突然發現一批十分稀有嘅珍藏版《遊戲王》卡牌，引嚟唔少網民嘅關注。再細心啲睇下商品說明，就會發現原來呢位人妻因為發現老公出軌，所以決定狠心賣曬佢多年嘅收藏品，個老公真係自己攞嚟衰～

Photo from TVB

《遊戲王》集換式嘅對戰卡牌已經出咗超過20年，一直都好受歡迎，而稀有同特別版嘅遊戲卡就更加珍貴，價格亦非常高。由於拍賣嘅呢批遊戲卡非常新，甚至有啲係未拆封，所以令好多收藏家都願意出高價去買！

Photo from 日本Yahoo 拍賣網

而好明顯嘅係呢位老婆係完全唔知道珍藏版《遊戲王》卡牌嘅價位，因為佢最初所定嘅價係得1円（港幣約$0.07）！佢亦喺商品描述度話呢嘅卡未開封，保存得非常好，冇灰塵或者刮痕，而且平時都係擺放喺有蓋嘅櫃入面。

Photo from 日本Yahoo 拍賣網

由於拍賣品非常新，令唔少收藏家都爭相出價競投，希望可以透過呢個機會買得心頭好。《遊戲王》卡牌擺咗上拍賣網只係短短3日，就已經有大約491人出價。後來，最新嘅標價仲突破2000萬円 (港幣約$140萬)！

Photo from 日本Yahoo 拍賣網

不過喺14號晚上，拍賣已經停止咗。唔知道究竟係因為呢位人妻滿意價錢定因為出軌老公嘗試挽回感情呢？

Photo from 日本Yahoo 拍賣網

其實呢次都並非第一次太太們因為唔太了解丈夫嘅收藏品價值而發生嘅「意外」！日本有位50歲父親後藤賢一因為沈迷收藏「他媽哥池」，仲花錢購買限量版，儲咗一共70 款。但就得唔到太太同囡囡嘅諒解，認為呢啲過氣嘅玩具唔值錢，只係垃圾。

Photo from 《開運！なんでも鑑定団》

後來，佢就上咗節目搵專家為佢嘅收藏品鑑定價值，發現總共值43.8萬円（港幣約$3.1萬），為佢爭返啖氣！

Photo from 《開運！なんでも鑑定団》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

柯震東豪宅公開　自稱「爸寶」收藏 1:1 Marvel、DC 玩具

7 Dec, 2020

柯震東近年影視作品大減，不過依然活躍於社交平台，早前更開設 YouTube 頻道開箱自己嘅豪宅，成間屋非常整齊，就好似陳列單位咁，而且仲收藏咗超多玩具、畫作，連 1:1 Marvel、DC 玩具都有！

柯震東最近開設自己嘅 YouTube 頻道「柯震東 Kai Ko」，拍片公開自己位於台北嘅豪宅。由玄關開始，已經充滿藝術氣息，有柯爸爸收藏嘅畫作做裝飾，仲有老馬鞍做凳畀客人坐低除鞋，淨係玄關都已經非常講究，另外玄關度仲加多咗一道門，柯震東笑言相信有睇週刊、新聞嘅人都知我屋企喺邊，所以加多道門安全啲。

Photo from kaikaiko@IG

Photo from 柯震東 Kai Ko@YouTube

入到客廳就可以見到一個掛有畫作嘅小角落，呢個又係柯爸爸嘅收藏品之一。而客廳最吸睛嘅相信就係巨型屏幕，簡直就係私人影院。另外廚房飯廳都非常整潔，更有柯爸爸自己製作嘅木枱，可見柯爸爸對間屋嘅設計非常用心，柯震東都搞笑話：「我甚麼都講我爸，好像感覺我是『爸寶』，但沒錯我就是『爸寶』！」其實係因為柯爸爸對間屋嘅裝修非常有強烈嘅意見同要求，所以柯震東就只係同爸爸講自己想要啲咩，其他就交畀爸爸自由發揮。

Photo from 柯震東 Kai Ko@YouTube

最搞笑嘅係，當攝影師提及個雪櫃有得自己出冰塊同冰水嘅時候，柯震東竟然話：「這個不是一個很正常的事情嗎？」後來柯震東發現自己失言，大笑打圓場。

Photo from 柯震東 Kai Ko@YouTube

豪宅入面仲有客房，就連客房嘅裝修都毫不馬虎，有衣帽間之外，廁所更有雙人洗手盤，有馬桶之餘，仲有洗屁股嘅設施！貧窮真係限制咗人嘅想像⋯⋯

Photo from 柯震東 Kai Ko@YouTube

介紹完客房就到柯震東嘅房間，房間裝修非常簡單，而且好整潔，仲有一個小角落可以坐喺度休息。雖然房間裝修簡單，不過重頭戲係喺廁所，廁所大過間房之外仲連住衣帽間，有浴缸之餘仲有埋淋浴間。

Photo from 柯震東 Kai Ko@YouTube

到咗成間屋嘅重頭戲就係玩具間！柯震東收藏咗好多玩具，更有 1:1 嘅 Marvel、DC 玩具！除咗呢啲大型收藏，仲有其他收藏品好似「Iron Man」送畀「Spider Man」嘅眼鏡及「無限手套」，而 1:1 嘅小丑公仔仲係柯震東自己搵設計師設計。相信擁有呢間玩具間應該係 Marvel 迷同 DC 迷嘅夢想～而柯震東都自爆自己花咗超過台幣 200 萬（約港幣 55 萬）去收藏呢啲玩具！