【尋人記】27年前夫妻家住半億豪宅！1994年已想買$1.4萬門柄 網友：好葡萄

TVB節目《尋人記》新一集，方東昇搵返27年前喺《星期日檔案》接受訪問嘅Frankie同Sabrina，更上到佢哋屋企探訪，兩夫妻住喺位於半山嘅大屋，望到維港海景，網友表示：「好葡萄！」

Photo from TVB《尋人記》

Frankie同Sabrina於1994年嘅《星期日檔案》中參加夫妻輔導營，當時提到兩人自己做生意，已結婚11年，一個性格似兔仔、一個性格似烏龜。

Photo from TVB《尋人記》

Photo from TVB《尋人記》

事隔27年，呢對夫妻仍然恩愛，更已做埋外公外婆，三代同堂非常幸福。攜手走過近40年人生路，Frankie同Sabrina對婚姻有更深嘅體會，更令下一代都同佢哋一樣唔會輕易講「離婚」。

Photo from TVB《尋人記》

除咗分享維繫婚姻心得外，兩人所住嘅豪宅亦意外成為焦點！其實喺1994年，佢哋新居入伙屋企已經相當豪華，當時Sabrina更曾經想買一個價值$14,000嘅門柄，雖然最後無買到，但27年前嘅$14,000門柄應該可以算係「天價」，可見佢哋夫婦財力雄厚。

Photo from TVB《尋人記》

Photo from TVB《尋人記》

Photo from TVB《尋人記》

Photo from TVB《尋人記》

Frankie同Sabrina現時所住嘅地方位於半山，Frankie同方東昇企喺露台，明顯可以飽覽維港景色，相信除夕、新年都可以喺屋企睇到煙花。

Photo from TVB《尋人記》

Photo from TVB《尋人記》

另外客廳、飯廳都非常闊落，家具擺設溫馨又有氣派。有細心網民觀察後指出Frankie及Sabrina所住豪宅應該係位於寶珊道寶城大廈嘅高層單位，根據地產公司資料，放盤叫價為$6,300萬至$8,000萬。

Photo from TVB《尋人記》

Photo from TVB《尋人記》

Photo from TVB《尋人記》

Photo from TVB《尋人記》

Photo from TVB《尋人記》

Photo from TVB《尋人記》

網友見到都留言指：「間屋大到痴線」、「全屋的門柄可以買上集的樓」、「間屋個露台正到..」

Photo from LIHKG

Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《尋人記》「雙失青年」阿源已成人夫！阿舜、凱婷等網友最想搵話題人物近況公開！

13 Apr 2021

TVB《尋人記》由方東昇、黃曉瑩、黃靖婷及李曉欣主持，開播後大獲好評，節目成功搵返80、90年代經典新聞人物引起關注，有網友希望可以搵返幾位話題人物，現身了解一下近況。

Photo from TVB

《尋人記》開播以嚟話顯不斷，節目搵返「大家姐」倩儀、「肥仔」成栢熙、「電腦神童」Louie Chan、「校草」偉約瑟等，喚起唔少觀眾昔日嘅回憶。

Photo from TVB

節目播出後有唔少網民討論最想搵到嘅經典新聞人物，其中呼聲最高嘅莫過於曾出演《星期日檔案》嘅「雙失青年」阿源。

Photo from YouTube

「阿源」全名梁文源，2005年得22歲嘅佢接受訪問，中學畢業後一直搵唔到工，平日又唔出門只留喺家中，成當年「隱蔽青年」嘅典型代表。

Photo from LIHKG

佢喺節目中金句百出，「我覺得自己係零」、「這些機會不是屬於我的」至今仍為人津津樂道，甚至成為網絡潮語。2013年曾有媒體採訪阿源近況，佢已經搵到嘢做，曾做過社區青年中心助理、香港大學圖書館管理員，更同相識8年、拍拖5個月嘅女友結婚。阿源又不忘再爆金句：「做男仔梗係要 cool，唔可以做兵！」

Photo from YouTube

Photo from YouTube

除咗阿源之外，仲有其他人選：凱婷、阿舜等。其中「凱婷」係出於網絡上一篇潮文，樓主指中一女仔入面最壞嘅就係佢同凱婷，嘲笑另一位同學連續食兩支煙都做唔到，根本唔算壞學生，之後就引申出「壞過凱婷」嚟指責人好壞或諷刺人扮壞。

Photo from LIHKG

連登有自稱係同一間中學嘅同學嘅網友公開咗凱婷真身，樓主透露凱婷依家已結咗婚，仲生埋女升呢做媽媽。

Photo from LIHKG

Photo from LIHKG

「阿舜」2001年上《都市閒情》唱「娃娃愛天下」一曲成名，主要係因為佢詭異唱功同奇特舞姿，加上「MK」造型而引起討論區網民嘅關注。佢於比賽後銷聲匿跡，多年嚟有唔少網友想得知阿舜近況，阿舜2015年出席活動，再唱首本名曲《娃娃愛天下》，佢留咗長髮，不過外貌變化不大。

Photo from TVB

Photo from TVB

Photo from YouTube

阿舜《娃娃愛天下》2015版：

另外有網民想搵返打風下嘅小學生，當時掛8號風球，學校提早放學，有小學生接受訪問時表現興奮，表示有好多功課做：「希望聽日10號風球、雷暴警告、黑色暴雨警告加龍捲風！」

Photo from LIHKG

Photo from TVB

Photo from TVB

小學生遇上打風嘅心聲：

除咗新聞人物外，仲有網民表示想知「生命滿希望」嘅四眼仔近況如何，佢喺廣告中嘅句子「打波先嚟落雨，唔通連個天都唔中意我」、「其實落雨又有咩好怕喎！」成為經典，近年有報道指佢參加健美比賽，與舊日「四眼仔」形象截然不同！

Photo from YouTube

Photo from Eric Cheng Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

「金句王」方東昇再搞爛gag《這麼遠那麼近》足本加長版遊歷4國探討交通

1 Sep 2020

TVB主播方東昇繼《世界零距離》、《長命百二歲》後，再主持新節目《這麼遠那麼近》，遊歷4國探討交通問題。節目中佢再發揮「金句王」本色，大搞爛gag，令節目生色不少。現播出足本加長版每集半個鐘，大家可睇下金句合集。

新聞主播方東昇近年主持旅遊資訊專題節目《世界零距離》、《長命百二歲》，節目中佢經常搞爛gag、玩食字，加上佢一本正經嘅主持風格，節目深受歡迎。

佢嘅新節目《這麼遠那麼近》遊歷4國泰國、美國、重慶、巴基斯坦探討各國嘅交通問題。

雖然係新節目，但係6月時已播出過，當時每集僅3分鐘，但仍集集爆金句。8月31號播出「足本加長版」，一集有成半個鐘，大家可以一次過感受方東昇嘅金句。

可左右滑動看圖：

「唔塞車、唔撞車、唔加車費嗰陣你未必關心交通嘅事，到你留意嘅時候通常都係『出咗事』。」

「世界上最長嘅車係咩車？係塞車！」

「成日諷刺人又要威又要戴頭盔，其實戴咗頭盔先有命去威。」

「我哋嘅泰文太普通，溝通始終要靠呢座『橋』，泰國華僑。」

可左右滑動看圖：

「唔走尋常路，過江靠『索道』」

「人山人海只為上演『人軌情未了』」

「電梯唔只有扶手，仲有人『扶著你走』」

「呢個幾星期喺重慶行咗好多橋，告別『橋都』，送返條橋畀幫過我哋嘅重慶朋友，『Thank You』」

可左右滑動看圖：

「著跑鞋可以跑步，著爬山鞋可以爬山，著咩識飛？諗唔到？『雀仔』識飛。」

可左右滑動看圖：

「巴基斯坦坐車，你會發覺世界最大嘅空間唔係進步空間，係車嘅空間！」

「勞碌命總好過無命」

方東昇更親自幫巴基斯坦嘅馬改名做「巴基東昇」～

《這麼遠，那麼近》

播出日期：逢星期一至五 2020年8月31日～9月11日
播出時間：22:30

圖片來源：《這麼遠，那麼近》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）