download HolidaySmart 假期日常 app
陳偉霆染橙色頭髮被內地網民激讚「大帥哥」!  香港網民:唔識欣賞?

陳偉霆染橙色頭髮被內地網民激讚「大帥哥」! 香港網民:唔識欣賞?

娛樂新聞
By Stephanie on 16 Apr 2021
Digital Content Writer

陳偉霆呢幾年都已經將自己嘅事業發展轉去內地,而且喺內地亦擁有頗高嘅人氣。最近,佢就喺微博上載咗一張自己新髮色嘅照片,令內地網民紛紛大讚靚仔!而特別嘅顏色亦令我哋諗起佢曾經大膽染過嘅髮色~

陳偉霆IGPhoto from 陳偉霆IG

陳偉霆因為拍攝內地電視劇《古劍奇譚》而火速爆紅,仲因此而成為咗內地嘅一線男明星,人氣急升,超過4000萬人追蹤佢嘅微博。

陳偉霆IGPhoto from 陳偉霆IG

陳偉霆IGPhoto from 陳偉霆IG

近日,陳偉霆就喺微博上載咗一張自己新染頭髮嘅自拍照。只見佢染咗一頭非常搶眼嘅橙色,仲喺caption自己打「小太陽」,睇嚟佢好似好滿意自己嘅新髮色~

陳偉霆微博Photo from 陳偉霆微博

陳偉霆微博Photo from 陳偉霆微博

內地嘅網民一睇到呢幾張照片都大讚佢顏值夠高先carry到呢種髮色,仲因此而登上咗微博嘅熱搜排行榜 (#陳偉霆橙色頭髮#)。

陳偉霆微博Photo from 陳偉霆微博

陳偉霆微博Photo from 陳偉霆微博

其實陳偉霆之前就試過染過好多唔同嘅髮色,大家講得出嘅顏色都應該喺佢頭上出現過,有粉紅色﹑藍色﹑紫色﹑金色﹑藍綠色﹑灰白色等嘅髮型。

微博Photo from 微博

微博Photo from 微博

無論佢染咗咩髮色,佢嘅內地fans都覺得佢係完美咁駕馭呢啲髮色,毫無違和感,話佢係受到認證嘅「大帥哥」。

陳偉霆微博Photo from 陳偉霆微博

陳偉霆微博 Photo from 陳偉霆微博

但講到陳偉霆,大家一定都忘記唔到佢參加英皇新秀時候嘅精彩表演!但亦有網民覺得佢而家嘅樣貌同剛出道嘅時候嘅佢,變化都算幾大。唔知大家有覺得佢變化大唔大呢?

TVBPhoto from TVB

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳偉霆滑雪場影女仔被對方男友發現!質問後要求佢當面刪除片段

5 Feb , 2021

陳偉霆(William)近年轉往內地發展,更創立個人品牌,事業相當順利。日前佢自爆曾經喺滑雪場跟喺一位女生後面拍片,點知畀對方男友發現,要佢即時刪返條片!

陳偉霆(William)近年轉往內地發展,更創立個人品牌,事業相當順利Photo from 陳偉霆微博

陳偉霆除咗有拍劇之外,亦有出演大陸綜藝《潮流合伙人2》,晉升為「潮人」嘅佢更創立個人品牌,經常喺微博穿自家品牌服裝宣傳。

陳偉霆除咗有拍劇之外,亦有出演大陸綜藝《潮流合伙人2》,晉升為「潮人」嘅佢更創立個人品牌Photo from 陳偉霆微博

佢日前自爆曾經試過喺滑雪場見到有女仔著咗佢個人品牌嘅衫,於是就跟喺對方後面拍片,打算之後喺微博多謝佢。

陳偉霆自爆曾經試過喺滑雪場見到有女仔著咗佢個人品牌嘅衫,於是就跟喺對方後面拍片,打算之後喺微博多謝佢。Photo from 微博

點知竟然被人哋男朋友發現咗,更即時質問陳偉霆:「你在幹嘛呢?」、「你為甚麼要拍我的女朋友?」

被人哋男朋友發現咗,更即時質問陳偉霆:「你在幹嘛呢?」Photo from 微博

陳偉霆即刻解釋,佢覺得件衫幾好睇所以影底,唔係特登偷拍佢女朋友。

陳偉霆即刻解釋,佢覺得件衫幾好睇所以影底Photo from 微博

但對方男朋友表示:「衣服不是那個陳偉霆的那個品牌嗎?我也有啊,你為甚麼要拍她?」由於陳偉霆當時戴住頭盔,人哋認唔到佢,於是佢就畀咗部手機個男朋友睇,仲當場刪咗條片。

對方男朋友表示:「衣服不是那個陳偉霆的品牌嗎?我也有啊,那你為甚麼要拍她?」Photo from 微博

由於陳偉霆當時都戴住頭盔,人哋認唔到佢Photo from 陳偉霆微博

陳偉霆畀咗部手機個男朋友睇,仲當場刪咗條片。Photo from 微博

講完之後佢陳偉霆都忍唔住笑,「陳偉霆拍女生被對方男友要求刪除」隨後登上熱搜,據知女方係陳偉霆嘅fans,更係專登抽籤買William品牌嘅衫。

「陳偉霆拍女生被對方男友要求刪除」隨後登上熱搜Photo from 陳偉霆微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel