download HolidaySmart 假期日常 app
TVB力捧「千禧五虎」迎戰 ViuTV男團 Mirror?網民批無個係千禧後:不如搵奧運六星

TVB力捧「千禧五虎」迎戰 ViuTV男團 Mirror?網民批無個係千禧後:不如搵奧運六星

娛樂新聞
By Celia on 16 Apr 2021
Digital Editor

隨住 ViuTV 嘅男團 Mirror 爆紅後,除咗粉絲量不斷上升外,佢哋嘅一舉一動更引嚟唔少話題。而早前被大股東黎瑞剛批評嘅 TVB 就傳無綫打算力捧「千禧五虎」迎戰,依「五虎」包括余德丞、丁子朗、羅天宇、周嘉洛和朱敏瀚,但網民就好似唔多睇好喎!

Mirror

TVB 喺 80 年代時就打造過「五虎將」,當時嘅「五虎」包括劉德華、梁朝偉、黃日華、苗僑偉和湯鎮業,佢哋更合拍咗電影《五虎將之決裂》,係七、八十年代嘅經典組合。

而喺 90 年代就有「新五虎」古天樂、劉愷威、吳家樂、古巨基和何遠恆,當年佢哋嘅勢頭雖然冇「五虎將」咁勁,但當年亦成功捧紅咗古天樂、古巨基和劉愷威等成員。

Photo from 古巨基/weibo

另外,當然唔可以唔提 2004 年由林峯、馬國明、黃宗澤、吳卓羲、陳鍵鋒及黎諾懿組成嘅「奧運六星」,雖然佢哋唔係「五虎」,但當年會佢哋依個 6 人組合至今仲有唔少人會提起。

Photo from 網上圖片

直至最近 TVB 又再傳出將重點力捧丁子朗、羅天宇、周嘉洛、朱敏瀚及余德丞 5 位新進男藝人,將他們打捧為「千禧五虎」力撼Mirror。「千禧五虎」都屬於唔同嘅類型男生,斯文靚仔、粗獷型格、搞鬼搞笑、綜藝司儀咩都有,當中就以羅天宇最吸睛。

1. 羅天宇

現年 33 歲嘅羅天宇 2008 年參選香港先生入行,去年因擔正演出劇集《香港愛情故事》,憑著暖男老公嘅形象令其人氣急升。其後更被公司力捧喺新劇《把關者們》及新版《十月初五的月光》擔任重要角色。

羅天宇/FBPhoto from 羅天宇/FB

羅天宇/FBPhoto from 羅天宇/FB

2. 周嘉洛

現年 25 歲嘅周嘉洛憑《愛回家》中「金城安」一角成功入屋,其「廢青」形象可說是深入民心。喺 2019 年時佢更因此奪得「最佳男配角」,成為歷年來最年輕的得獎者。嚟緊佢更將暫別《愛‧回家之開心速遞》頂替王祖藍做男一演出搞笑古裝新劇,同劇演員還有 JW、朱敏瀚及陳瀅,早前周嘉洛已喺 IG 展示新劇本,為新劇作準備。

Photo from 周嘉洛/FB

Photo from 周嘉洛/FB

3. 丁子朗

當中最年輕嘅成員丁子朗現年 23 歲,2016 年參選香港先生入行,其後佢更擔任多個綜藝節目主持,喺節目《歎得好健康》中半裸浸溫泉騷肌肉令觀眾留下印象,令佢憑陽光男孩形象上位。近年丁子朗主力拍劇,目前佢就有 4 套「存貨」待播,包括《逆天奇案》、《七公主》、《金宵大廈2》及《把關者們》。

Photo from 丁子朗/IG

Photo from 丁子朗/IG

4. 朱敏翰

現年 28 歲嘅朱敏翰雖然曾自嘲「萬年細佬」,但喺劇集《機場特警》嘅 fit 爆身材令人眼前一亮。而去年朱敏翰更憑《反黑路人甲》中嘅「金牌打手」陸秋備受讚賞,並奪得「飛躍進步男藝員」及「最受歡迎電視拍檔」兩獎。

Photo from 朱敏翰/IG

Photo from 朱敏翰/IG

5. 余德丞

現年 31 歲嘅余德丞入行前係香港游泳隊代表嚟,其 42 吋胸肌成功奪得唔少女粉絲,係TVB嘅「新一代男神」,之後佢更參演劇集《誇世代》及《福爾摩師奶》等,獲公司力捧。余德丞 2018年時因暈倒昏迷住院而停工一段日子後,已經全面復工,最近更喺劇集《青春不要臉》中首次擔正做男一。

Photo from 余德丞/IG

Photo from 余德丞/IG

不過雖然「千禧五虎」面面俱到,但個名就令唔少網民唔睇好,有網民認為「千禧五虎」這個名字無創意兼老土「好老土……個名已經表示呢班人冇進步。」、「咩年代啊仲叫五虎」、「當年嘅千禧bb都成21歲啦」。

Photo from 連登截圖

Photo from 連登截圖

另外五位成員中冇一個人係 00 後,而且千禧亦已過咗 20 年,唔明點解要要加上「千禧」,有網民更指佢哋想後生嘅就應該改番啲現代啲嘅名。

Photo from 連登截圖

Photo from 連登截圖

而反觀 MIRROR 最高人氣嘅五子姜濤(姜B)、陳卓賢(Ian)、呂爵安(Edan)、盧瀚霆(Anson Lo)以及柳應廷(Jer),全部都唔超過 30 歲,姜濤更係當中最年輕只有 21 歲,名副其實嘅千禧男孩嚟。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

193@ERROR 人氣爆增 踩入TVB電視城挑機片翻hit !網民:好癲,但我好鍾意!

14 Apr 2021

近日 ERROR 成員 193 反擊被曾志偉指 ViuTV 製作嘅節目似 J2 台屬小眾節目嘅一番言論引起咗唔少話題,唔少網友更讚 193 大膽直率外,更有網友搵番唔少佢嘅節目翻 loop,而其中一段更係 ERROR 初成立時,193 去 TVB 電視城挑機嘅片段。

Photo from deniskwok193 /IG

193 嘅霸氣言論瞬間喺網上瘋傳,其實佢平時直率敢言,早已被隊員戲稱為「3哥」或「三爺」,今次事件令 193 嘅人氣再推上高峰。郭嘉駿嘅 IG 賬戶followers由昨日(4月13日)下午3時 10.7 萬嘅followers,到今天上午 11 時已升至約有 13.1 萬followers。

Photo from deniskwok193 /IG

有睇過 ERROR 節目嘅人都知 193 向來係一個口直心快嘅人嚟,就連 MIRROR 隊長 Lokman(楊樂文)都有幫對方解畫指 193 自己都成日講「你知我咩料啦!」,成日癲癲得得,係有少少唔尊重,但係都部份正確!

Photo from llokmann/IG

而佢哋嘅經理人花姐都有幫口指 193 身為公眾人物講說話,就算部份是真實,但都要帶點禮貌,佢亦會搵 193 傾吓,但佢指呢個係 193 嘅性格嚟,以後佢更當眾話過花姐肥,所以花姐明白 193 係冇心。之後花姐並讚曾志偉係一個好大方嘅人嚟,相信佢唔會因此而封殺 193。

Photo from deniskwok193 /IG

而網民更喺網上翻 loop 佢之前嘅節目片,其中喺《肥仔大冒險》嘅短片中,193 竟然直踩 TVB 電視城禁地,片中 193 著上《全民造星》黑 Tee 配上粉紅色西裝褸,向電視城門口保安說:「唔該,hi!阿sir,我明星嚟㗎,係咪呢度入去呀?」保安當然係要佢先登記喇,193 即再強調:「我真係明星嚟喎,我平時唔使登記喎!」

Photo from ViuTV

之後佢見門口出現一位身穿西裝嘅男士,又即對對方指:「Hi,阿Sir,我似唔似明星呀?點解佢唔畀我入去嘅?你睇吓我個頭,我真係韓星嚟㗎!呢件衫……我真係星嚟,你睇吓……我等緊開工呀,因為我本身係歌手嚟,要入去唱歌,但佢而家唔畀我入去囉!我Rap畀你聽吖!」

Photo from ViuTV

隨即佢就開始唱 LMF 嘅歌《大懶堂》,不過好快對方指佢唔係星仲走埋添。

Photo from ViuTV

之後佢又再次向保安埋手,即場跳《全民造星》「前傳」嘅舞。

Photo from ViuTV

最後當然係被 ERROR 另外兩個隊員肥仔(梁業)和阿Dee(何啟華)拖走喇!

Photo from ViuTV

唔少網民就讚 193 雖然外形木木獨獨,但有喜劇細胞,更提議花姐可以畀多些機會佢拍綜藝添!

Photo from deniskwok193 /IG

而當事人 193 對於因今次事件帶動人氣升則表示:「整體想講,我係尊重所有前輩,我講嘅嘢只係對事,唔係對人。」

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel