香港8大觀星賞月地點推介！交通方便、港九新界都有！

4月有得睇超級粉紅月亮及天琴座流星雨，唔知去邊睇好？推介香港8大觀星賞月好去處，遍佈港九新界，而且交通方便！

山頂公園

太平山山頂公園前身係港督度暑別墅，維多利亞式涼亭保留咗濃厚嘅歐陸風格，都吸引咗唔少市民去打卡。建議大家日頭搭纜車去太平山行吓，夜晚就可以順便去賞月～

在 Instagram 查看這則貼文

🌸Angela W.🌼（@angela.vision.world）分享的貼文

觀塘海濱花園

觀塘海濱花園可以飽覽港島東及維港海景，係野餐、打卡嘅熱點，坐喺長凳度賞月，再一邊欣賞埋海景，絕對係另一番享受。

在 Instagram 查看這則貼文

Sαɳ Kαɾҽɳ（@san_karenl）分享的貼文

南生圍

南生圍係睇日落嘅熱門地點之外，其實都係賞月嘅好地方，勝在夠晒空曠，唔鍾意市區咁多人嘅，都可以考慮吓，仲可以順便元朗一日遊！

在 Instagram 查看這則貼文

TasteTheWorld（@getitgiveitimage）分享的貼文

西九文化區

西九文化區自開放後絕對係打卡、野餐及散心熱點，有得飲咖啡、食熱狗之外，仲可以望吓海景，吹吓海風，認真寫意。一到夜晚，公園著晒街燈，一邊賞月，又係另一番景象。

在 Instagram 查看這則貼文

Jenny Chan（@cloudy_little）分享的貼文

萬宜水庫東壩

萬宜水庫東壩係觀星熱點，地面平坦、光害少，可以影到星空靚相！

在 Instagram 查看這則貼文

Matthew Li（@matthewli_hktw）分享的貼文

西貢天文公園

西貢天文公園位於萬宜水庫西壩，具備觀星設施，仲分別設有天文研習區、肉眼觀測區及望遠鏡觀測區，方便觀星人士。

在 Instagram 查看這則貼文

Jon Gcc（@jcheungy）分享的貼文

大帽山山頂

大帽山係全港最高嘅山峰，係大帽山觀星，除咗郊外空曠之外，係最高嘅山度睇星，感覺離星星比較近～

在 Instagram 查看這則貼文

Notetasy|📷🇭🇰（@notetasy_fantasy）分享的貼文

大美督船灣淡水湖主壩

大美督船灣淡水湖主壩都係熱門觀星地點之一，東面光害較少，適合觀星，而且仲可以日頭踩單車，放風箏，夠晒寫意～

在 Instagram 查看這則貼文

Simon Leung（@simonleung2000）分享的貼文

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）