download HolidaySmart 假期日常 app
193再串TVB推「千禧五虎」硬撼MIRROR:乜呢個年代仲用咁娘嘅term?咁ERROR 要改名做四隻白虎!

193再串TVB推「千禧五虎」硬撼MIRROR:乜呢個年代仲用咁娘嘅term?咁ERROR 要改名做四隻白虎!

娛樂新聞
By Jennifer on 19 Apr 2021
Digital Editor

ViuTV舉辦嘅《CHILL CLUB推介榜 年度推介20/21》,ERROR都有出席,成員193回應近期爆紅同之前嘅言論,被問到有傳TVB推「千禧五虎」對抗MIRROR,直腸直肚嘅佢再度串爆友台!

ERROR成員193Photo from 193 IG

近日ViuTV同TVB有唔少話題,兩台嘅藝人都有被問到點睇「隔離台」,TVB有「收視福將」之稱嘅歐陽震華就指佢仲係ATV年代,暗示唔識ViuTV。

TVB有「收視福將」之稱嘅歐陽震華指佢仲係ATV年代Photo from 歐陽震華微博

而ViuTV藝人亦好直接,193@ERROR之前就直言TVB係畀「老嘢」睇,又話向來唔理收視呢啲嘢,認為只係得幾百部電視機。

193@ERROR之前就直言TVB係畀「老嘢」睇,又話向來唔理收視呢啲嘢,認為只係得幾百部電視機。Photo from 193 IG

佢同隊友出席《CHILL CLUB推介榜》時就表示佢當日講完之後,有同花姐傾過咁講會唔會無禮貌,佢指花姐有提醒佢雖然講嘅嘢資料性正確,但要禮貌啲。

193指花姐有提醒佢雖然講嘅嘢資料性正確,但要禮貌啲。Photo from 193 IG

193澄清佢唔係針對任何人:「我無講志偉哥任何一句嘢,我不嬲好尊重前輩。」,佢表示:「我唔係想用『老嘢』呢個字,我係想講『老一輩』,不過衝口而出咗。」,但佢有好有承擔:「anyway,講咗就講咗。」

193澄清佢唔係針對任何人:「我無講志偉哥任何一句嘢,我不嬲好尊重前輩。」Photo from 193 IG

提到佢爆紅,IG followers急升,佢表示好開心,又指ERROR嘅節目近日多咗人留意:「希望大家繼續支持ERROR。」

193爆紅後,帶挈ERROR嘅節目近日多咗人留意Photo from ERROR IG

ERROR IGPhoto from ERROR IG

對於獲封為「三爺」,佢搞笑回應:「我想叫『三哥』多啲,希望會有代言。」,193又直認係清泉:「我係處男嚟,但都鍾意食鮑魚。」

對於獲封為「三爺」,佢搞笑回應:「我想叫『三哥』多啲,希望會有代言。」Photo from 193 IG

193直認係清泉Photo from 193 IG

提到有傳TVB將推出「千禧五虎」硬撼ViuTV嘅MIRROR,193直言:「乜呢個年代仲用呢啲term咁娘㗎咩?」,隊友肥仔同阿Dee都忍唔住話:「嘩你又嚟!?」,阿Dee表示人數唔同,「對決」唔到:「5個同12個、4個點同?」

提到有傳TVB將推出「千禧五虎」硬撼ViuTV嘅MIRROR,193直言:「乜呢個年代仲用呢啲term咁娘㗎咩?」Photo from 193 IG

193 IGPhoto from 193 IG

ERROR不忘搞笑本色,指佢哋可改名做「4隻白虎」。

ERROR不忘搞笑本色,指佢哋可改名做「4隻白虎」。Photo from ERROR IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

193@ERROR 人氣爆增 踩入TVB電視城挑機片翻hit !網民:好癲,但我好鍾意!

14 Apr 2021

近日 ERROR 成員 193 反擊被曾志偉指 ViuTV 製作嘅節目似 J2 台屬小眾節目嘅一番言論引起咗唔少話題,唔少網友更讚 193 大膽直率外,更有網友搵番唔少佢嘅節目翻 loop,而其中一段更係 ERROR 初成立時,193 去 TVB 電視城挑機嘅片段。

Photo from deniskwok193 /IG

193 嘅霸氣言論瞬間喺網上瘋傳,其實佢平時直率敢言,早已被隊員戲稱為「3哥」或「三爺」,今次事件令 193 嘅人氣再推上高峰。郭嘉駿嘅 IG 賬戶followers由昨日(4月13日)下午3時 10.7 萬嘅followers,到今天上午 11 時已升至約有 13.1 萬followers。

Photo from deniskwok193 /IG

有睇過 ERROR 節目嘅人都知 193 向來係一個口直心快嘅人嚟,就連 MIRROR 隊長 Lokman(楊樂文)都有幫對方解畫指 193 自己都成日講「你知我咩料啦!」,成日癲癲得得,係有少少唔尊重,但係都部份正確!

Photo from llokmann/IG

而佢哋嘅經理人花姐都有幫口指 193 身為公眾人物講說話,就算部份是真實,但都要帶點禮貌,佢亦會搵 193 傾吓,但佢指呢個係 193 嘅性格嚟,以後佢更當眾話過花姐肥,所以花姐明白 193 係冇心。之後花姐並讚曾志偉係一個好大方嘅人嚟,相信佢唔會因此而封殺 193。

Photo from deniskwok193 /IG

而網民更喺網上翻 loop 佢之前嘅節目片,其中喺《肥仔大冒險》嘅短片中,193 竟然直踩 TVB 電視城禁地,片中 193 著上《全民造星》黑 Tee 配上粉紅色西裝褸,向電視城門口保安說:「唔該,hi!阿sir,我明星嚟㗎,係咪呢度入去呀?」保安當然係要佢先登記喇,193 即再強調:「我真係明星嚟喎,我平時唔使登記喎!」

Photo from ViuTV

之後佢見門口出現一位身穿西裝嘅男士,又即對對方指:「Hi,阿Sir,我似唔似明星呀?點解佢唔畀我入去嘅?你睇吓我個頭,我真係韓星嚟㗎!呢件衫……我真係星嚟,你睇吓……我等緊開工呀,因為我本身係歌手嚟,要入去唱歌,但佢而家唔畀我入去囉!我Rap畀你聽吖!」

Photo from ViuTV

隨即佢就開始唱 LMF 嘅歌《大懶堂》,不過好快對方指佢唔係星仲走埋添。

Photo from ViuTV

之後佢又再次向保安埋手,即場跳《全民造星》「前傳」嘅舞。

Photo from ViuTV

最後當然係被 ERROR 另外兩個隊員肥仔(梁業)和阿Dee(何啟華)拖走喇!

Photo from ViuTV

唔少網民就讚 193 雖然外形木木獨獨,但有喜劇細胞,更提議花姐可以畀多些機會佢拍綜藝添!

Photo from deniskwok193 /IG

而當事人 193 對於因今次事件帶動人氣升則表示:「整體想講,我係尊重所有前輩,我講嘅嘢只係對事,唔係對人。」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

ERROR保錡道歉後網友繼續力數6宗罪!借張敬軒上位/串fans/淘寶貨當自家品牌

26 Feb 2021

ERROR成員吳保錡早前以千字文道歉兼宣佈暫別娛樂圈,雖然獲隊友力撐,但仍有網民唔接受佢道歉,繼續力數佢6宗罪!包括借張敬軒上位、公然串fans、拎淘寶貨當自家品牌賣等。

ERROR成員吳保錡早前以千字文道歉兼宣佈暫別娛樂圈Photo from 保錡IG

年初開始就風波不斷嘅保錡形象大受打擊,好多網民都叫佢退出ERROR,唔好影響其他人。喺連串負面新聞爆出下,保錡終於post千字文公開道歉,更宣佈會暫別娛樂圈。

年初開始就風波不斷嘅保錡形象大受打擊,好多網民都叫佢退出ERRORPhoto from 保錡IG

隊友Dee轉發力撐:「Error四為一體」,花姐亦表示支持。不過網民就唔接受保錡嘅道歉,繼續力數佢6宗罪!

1. 疑一腳搭兩船

保錡因為同「宅男女神」沙律(張沛樂)戀情曝光而驚爆未同正印女友Carrie分手!Carrie更公開WhatsApp記錄力證二人未講過分手。

Carrie要求保錡公開道歉,保錡雖然有喺IG post文講對唔住,但未幾竟將道歉文刪除,被網友轟無誠意!

保錡因為同「宅男女神」沙律(張沛樂)戀情曝光而驚爆未同正印女友Carrie分手Photo from 保錡IG

2. 開live爆粗

保錡同女友沙律開live,期間有網友留言指保錡同八両金似樣,保錡即激動爆粗大鬧網民,用詞非常過火,保錡被指唔尊重網友同八両金。

保錡同女友沙律開live,期間有網友留言指保錡同八両金似樣Photo from 保錡IG

保錡即激動爆粗大鬧網民。Photo from 保錡IG

3. 借張敬軒上位

有網友爆料張敬軒開live時提及音樂人Delta T,而Delta T有同保錡合作過,保錡喺live過程中瘋狂洗版留言:「咁我呢」,直到張敬軒見到佢留言提起佢先停。

保錡喺張敬軒live過程中瘋狂洗版留言Photo from 連登

直到張敬軒見到保錡留言提起佢先停。Photo from 保錡IG

4. 串fans

網民save咗保錡喺IG開live嘅片段,力數佢多次喺live中以粗言穢語串fans。網民表示佢態度極為惡劣!

網民力數保錡多次喺live中以粗言穢語串fansPhoto from 保錡IG

網民表示保錡態度極為惡劣! Photo from 保錡IG

5. 狂del負皮

喺連串事件開始時,保錡同女友沙律都被網民留言批評。

保錡唔止delete唔好嘅comment,淨係留返好評,仲block埋留負評嘅網友!

保錡唔止delete唔好嘅comment,淨係留返好評,仲block埋留負評嘅網友Photo from 保錡IG

6. 淘寶貨當個人品牌賣

保錡嘅個人品牌「Ø beginning 1」曾出售過一款向日葵斜孭袋,賣$450,但有網友發現喺淘寶都有同款,賣人民幣149。

保錡嘅個人品牌「Ø beginning 1」曾出售過一款向日葵斜孭袋,賣$450Photo from www.picuki.com

有網友發現喺淘寶都有同款,賣人民幣149。Photo from 淘寶

網民指佢以淘寶貨當自家品牌,事後呢款向日葵斜孭袋已無再喺保錡個人品牌網店上出現。

網民指佢以淘寶貨當自家品牌,事後呢款向日葵斜孭袋已無再喺保錡個人品牌網店上出現。Photo from 保錡IG

睇嚟暫停工作都未能平息網友怒氣!保錡喺短時間之內都未必可以再出現喺螢幕前~

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel