download HolidaySmart 假期日常 app
內地男星因為女主角唔夠靚記者會瘋狂黑面!網民:自己也像吉娃娃還嫌棄人?

內地男星因為女主角唔夠靚記者會瘋狂黑面!網民:自己也像吉娃娃還嫌棄人?

娛樂新聞
By Stephanie on 19 Apr 2021
Digital Content Writer

最近,韓國男演員金正賢「黑面」嘅黑歷史被大家再一次提起,唔專業嘅態度令網民鬧爆。近日,竟然有內地男明星「仿效」金正賢,喺出席新戲記者會嘅時候黑面,有網民就覺得佢係因為嫌棄女主角唔夠靚而變得咁冷漠!

李宏毅微博Photo from 李宏毅微博

因為拍攝韓劇《哲仁王后》而火速爆紅嘅金正賢,近日就被翻出態度不佳嘅黑歷史,令佢人氣一落千丈!但最近內地演員李宏毅竟然「仿效」佢嘅工作態度?!

金正賢IGPhoto from 金正賢IG

李宏毅微博Photo from 李宏毅微博

日前,內地網劇《皇后劉黑胖》就舉行咗開鏡儀式記者會,但有網民就發現男主角李宏毅當日就全程皺眉頭、黑口黑面。好似心情好差咁。相反,女主角辣目洋子(李嘉琦)就企喺佢隔離笑得非常燦爛,令兩人有更加鮮明嘅對比!

微博Photo from 微博

微博Photo from 微博

有網民仲喺影片發現辣目洋子同其他演員都有講有笑,氣氛非常融洽,但當佢一轉頭望見李宏毅黑面嘅樣,就好似顯得有啲尷尬。呢個畫面喺網上不停瘋傳,引起網民熱議!

微博Photo from 微博

微博Photo from 微博

有網民就認為李宏毅可能係因為嫌棄辣目洋子嘅長相,而喺新劇記者會上表現得咁唔合作!因為佢喺過往嘅電視劇《惡魔少爺別吻我》、《誰的青春不迷茫》等都表現得好專業,而且同劇中演員感情都唔錯,令網民更加懷疑佢係因為新劇女主角嘅顏值同身材都有落差,所以先會有嫌棄嘅表情出現。

微博Photo from 微博

辣目洋子微博Photo from 辣目洋子微博

儘管唔知道佢真正黑面嘅原因,但網民就對於佢嘅態度唔太滿意,認為始終係出席記者會表情管理點都要做足啲!另外,亦有網民忍唔住話其實李宏毅嘅長相都唔係好好,冇資格嫌棄人!

微博Photo from 微博

FacebookPhoto from Facebook

其實男女主角樣貌上有落差嘅事件已經唔係第一次發生!喺2018年,內地網劇網劇《人百分百靠外表》就搵咗女子組合Sunshine嘅Cindy 同新男演員區天瑞出演,當時仲由傳喺由Cindy爸爸投資呢套劇。消息一曝光,網民都紛紛留言表示非常心疼男主角!

微博Photo from 微博

Cindy微博Photo from Cindy微博

後來,男主角區天瑞喺開拍幾天後就決定辭演,話係因為行程問題協調唔到,而劇集亦因為內部原因暫時停拍。

微博Photo from 微博

微博Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳自瑤重現頒獎禮經典黑面 認自己慢熱睇落難相處:有時會亂諗嘢令自己唔開心

9 Mar , 2021

近來,越來越多藝人都開始向Youtuber嘅方向發展,陳自瑤亦都開咗個自己嘅頻道,仲邀請咗好姐妹黃翠如同連詩雅做嘉賓玩大踢爆。期間,黃翠如仲非常大膽咁叫陳自瑤再做多次經典黑面表情,果然係好姐妹~

陳自瑤FBPhoto from 陳自瑤FB

陳自瑤 (Yoyo)嘅Youtube channel開咗大概一個月就已經有56K嘅訂閱人數,可以話係有非常好嘅迴響。近日,佢就邀請咗黃翠如同連詩雅黎玩「閨蜜大踢爆」,由佢哋三個打打鬧鬧嘅片段可以睇得出佢哋嘅感情好好。

陳自瑤FBPhoto from 陳自瑤FB

而其中一條嘅題目就係叫佢哋用一個水果黎形容對方,黃翠如就指Yoyo似菠蘿,因為認為佢係一個有刺嘅人,但實際上內心係一個好sweet嘅女仔。仲即刻叫對方向鏡頭擺無表情嘅樣,話佢呢個樣成日令人誤會佢好寸。

陳自瑤YouTubePhoto from 陳自瑤YouTube

之後,陳自瑤亦都承認自己係一個比較慢熱嘅人,仲話細個嘅時候比而家更加誇張,導致成日都比人覺得佢好難相處。正因為佢知道自己呢個缺點,所以佢而家都好努力咁調整緊自己。

陳自瑤YouTubePhoto from 陳自瑤YouTube

陳自瑤仲話係電視劇嘅角色改變咗佢,因為佢自己係一個好投入咁演戲嘅人,當佢演緊某一個角色嘅時候,佢果一排就會變到同個角色好似。喺演《那些我愛過的人》嘅時候,佢就發現個角色係一個可以令周圍嘅人都好開心嘅人,所以即使劇集完咗佢都無完全抽離角色。

TVBPhoto from TVB

連詩雅亦講咗Yoyo嘅缺點就係每件事都會諗太多,而黃翠如就即刻爆料話佢連轉髮型都諗咗一年!所以Yoyo就話好感激身邊有佢哋兩個睇住佢,令佢唔會向唔好嘅方面諗~

黃翠如FBPhoto from 黃翠如FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel