周柏豪重提當年唱《櫻花樹下》被取笑！做《星夢傳奇》導師被網民指：唔識唱歌點教人

娛樂新聞

By Jennifer on 19 Apr 2021

Digital Editor

TVB選秀節目《聲夢傳奇》請咗「星夢一哥」周柏豪做導師，其中一位參賽者冼靖峰唱張敬軒嘅《櫻花樹下》，周柏豪評價時重提2013年佢與軒仔合唱《櫻花樹下》嘅感受！

Photo from TVB

《聲夢傳奇》播到第二集，第一位出場嘅學員係22歲參加過《全民造星2》嘅冼靖峰（Archie），佢選擇咗唱難度頗高嘅《櫻花樹下》。

Photo from TVB

導師之一嘅周柏豪喺點評時重提當年自己同張敬軒合唱《櫻花樹下》嘅往事。2013年喺周柏豪嘅live演唱會上邀請到《櫻花樹下》原唱軒仔上台，不過表現就被張敬軒比下去。

Photo from 周柏豪IG

Photo from YouTube

當年周柏豪被指：「低音落唔到，高音上唔到」、「作為主題係imperfect的話,周柏豪真係完美演繹」、「真正感受到咩叫一啖沙糖一啖屎」。

Photo from YouTube

網友又指成首歌難唱嘅部分畀晒張敬軒唱，周柏豪自己唱啲簡單part，嘲周柏豪係「freerider」：「軒仔做咩請個skip哂高音既嘉賓上黎?」、「我以為自己去左k房，有條友唔mute個人聲，係度跟住唱」、「柏豪完美咁示範點樣喺舞台上做一個FreeRider」

Photo from YouTube

事隔8年，周柏豪喺《聲夢傳奇》大談當年：「呢首歌曾經都考起過我」，佢又表示：「同軒仔合唱嘅時候，軒仔叫我將難唱嘅畀晒佢唱，因為首歌係屬於佢。」，佢指張敬軒話嚟（演唱會）係減輕柏豪壓力，但係結果反而增加咗佢唔少壓力！

Photo from YouTube

Photo from 周柏豪IG

出道18年嘅周柏豪擔任《聲夢傳奇》導師，不過網友就唔太認可：「自己都未識唱歌仲教人！？」，周柏豪就表示希望可以同參賽者分享過來人經驗，佢強調唔係「教」，係分享心得，例如咬字等，有網友笑言：「夠膽係周柏豪面前唱櫻花樹下？大膽！」

Photo from TVB

重溫周柏豪張敬軒合唱《櫻花樹下》：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

周柏豪演馬騮造型超驚嚇！大陸網民劣評如潮：快進看5分鐘都堅持不住

9 Feb 2021

周柏豪主演嘅電影《混世四猴：神猴歸來》正式上架，佢飾演「靈明石猴」，造型與孫悟空相似但被大陸網民狂批嚇人，又指電影劇情無聊，睇5分鐘都頂唔順要退出，大陸豆瓣評分幾乎全部係一星，劣評如潮。

Photo from 周柏豪IG

36歲嘅周柏豪自加入星夢娛樂後參演過多套電影、電視劇。其中佢主演嘅網絡電影《混世四猴：神猴歸來》，早前喺騰訊上架。

電影講述周柏豪飾演嘅靈明石猴係世人心目中嘅救世主，佢曾經畀過絕望中嘅小女孩巴海星（柴蔚飾）一絲希望但無兌現到，令巴海星深深牽掛。之後靈明石猴同三眼戰神激戰，被打破金身墮入凡間，意外與巴海星重逢。靈明石猴失去神力，歷盡情劫，最後更同木神句芒（李帥飾）決一死戰。

Photo from 周柏豪微博

大陸網民搵出以前一度好流行嘅「紅色煙花頭」，指電影中周柏豪嘅造型同呢種「非主流」髮型有得揮！

Photo from 微博

戲中周柏豪飾演嘅「靈明石猴」造型相當似孫悟空，另外仲有長毛紅髮look，但兩個造型都非常驚嚇，網友大彈紅髮look好「非主流」。

Photo from 周柏豪微博

Photo from 《混世四猴：神猴歸來》

Photo from 周柏豪微博

周柏豪仲有一個紅髮鬢辮造型，配合黑眼圈妝容，就算「中門大開」show肌肉，網民都紛紛dislike！

Photo from 馬啟光微博

除咗造型唔好睇之外，劇情亦被狠批係畀小學生睇，網友直指對白好尷尬，特效又差：「能看超過5分鐘的都算高手了。」

Photo from 周柏豪微博

Photo from 《混世四猴：神猴歸來》

喺大陸平台「豆瓣」嘅評分幾乎全部都係一星，甚至有網友指應該係演員缺錢先會接拍呢套爛片：「周柏豪很缺錢嗎」，表示快進睇5分鐘都頂唔順要閂咗佢。

Photo from 豆瓣網

Text: HolidaySmart Editorial

空中服務員爆周柏豪搭飛機曾被人投訴大方回應：上次辛苦晒你

23 Oct 2020

國泰航空宣布港龍航空即時停運，令好多香港人紛紛表示可惜。周柏豪喺IG post相懷念港龍航空，被空中服務員大爆秘密，指佢曾經被其他乘客投訴，周柏豪亦大方留言回覆。

因為肺炎疫情，航空業大受打擊。國泰航空宣布港龍航空即時停止營運，港龍航空正式成為回憶。

周柏豪喺IG post出飛機相：「想不到，一張漫不經意的隨拍，現在竟已變成歷史。加油」

View this post on Instagram

想不到一張漫不經意的隨拍現在竟已變成歷史加油

A post shared by PAKHO CHAU | 周柏豪 | PUNKHIPPIE (@punkhippie) on Oct 21, 2020 at 8:35am PDT

點知有從事航空業嘅網民留言大爆周柏豪嘅秘密！網民話：「曾經你去東京坐港龍買左麥記食，俾個西人投訴話你個麥記餐好臭，投訴埋我地點解俾客人係飛機食麥記?」

Photo from 周柏豪IG

周柏豪亦大方回應：「哈哈！你好呀，上次辛苦晒你，我諗麥記都係第一次比人話臭，佢仲慘過我，哈哈！」

Photo from 周柏豪IG

亦有網民分享自己都試過因為食麥記被鬧好臭，周柏豪以3個笑喊emoji回覆。

Photo from 周柏豪IG

Text: HolidaySmart Editorial

周柏豪節目中自爆一齊14年每晚拖住老婆手瞓覺！

3 Jun 2020

相識超過18年嘅周柏豪同袁偉豪喺節目《兩個小生去Camping》入面大談心底話！平時周柏豪對自己嘅感情事非常低調，今次佢就喺節目中大談自己嘅秘密！

Photo from IG@punkhippie

周柏豪覺得對老婆唔住，因為同老婆拍拖10年嚟一直都好低調，直至2016年突然被爆喺泰國秘密完婚！一齊咗約14年，佢表示一直都好愧疚：「同我太太一齊咁長時間，每一晚我哋都係拖住（手）咁樣瞓。就係因為咁多年我都冇得喺街度同佢過啲正常嘅拍拖生活，我哋唯一可以拖手嘅時間就喺我哋瞓覺嘅時候。我都同佢講，喺街幾多個鐘啫，我唔會10個鐘都拖住你，但我哋瞓覺8個鐘都拖住。」