陳家樂傳拍《把關者們》撻着黃嘉雯？連詩雅高調晒「事業線」反擊？

被視為城中筍盤嘅新一代男神陳家樂，近年除咗成為娛圈搶手貨外，佢喺去年更被爆同連詩雅拍拖，可以算係事業、愛情兩得意。不過，近日就有傳佢同 2019 年港姐冠軍黃嘉雯因拍劇而拍出真感情，仲更被發現喺社交網上二人有頻繁互動添！

Photo from 陳家樂/IG

現年 34 歲嘅陳家樂自從 2018 年同余香凝分手後，一直冇再公開自己嘅感情生活，不過佢嘅傳聞就一直冇停過。2019 年時佢就曾經傳出同陳瀅同居試婚，後嚟二人都否認。

Photo from 余香凝/IG

而喺 2020 年佢就同連詩雅因拍攝旅遊節目《12個夏天》而傳出戀情，更被拍同二人齊齊行街，當時二人並冇否認戀情只係指感情事不作回應，因此成為公認嘅情侶。

Photo from 陳家樂/IG

Photo from 連詩雅/IG

正當外界大家以為男神「封盤」之際，最近就有傳陳家樂因拍攝《把關者們》而同同劇嘅黃嘉雯撻着。佢哋雖然唔係同一個組別，但都有對手戲，因此而熟落，更不時喺社交網上互動。

Photo from 黃嘉雯/IG

其實當年黃嘉雯參選時，就曾大方承認有一位一齊咗 3 年幾感情穩定嘅瑞士籍男友Matej，對方更為佢定居香港，但以往愛得高調嘅佢最近已甚少喺網上公開放閃，令二人嘅緋聞愈講愈真。

Photo from 黃嘉雯/IG

而對於傳聞二人就口徑一致，好似夾過咁！家樂就指佢與黃嘉雯有拍劇，但兩人同場合作嘅場口唔多，所以唔明緋聞係點嚟。

Photo from 陳家樂/IG

至於另一邊箱嘅黃嘉雯就覺得好好笑，並指自己同陳家樂只係工作上認識，私下並冇聯絡，而當問到佢最近冇放閃，係咪感情現紅燈時，佢就簡單回應話冇。

Photo from 黃嘉雯/IG

另外，指被介入感情嘅連詩雅雖然身在外地拍劇，但佢亦不時忙裏偷閒上載靚相同網友開心 share ，佢最新嘅一個 post 中，佢就上傳咗自己以外套加小背心上陣，輕露事業線嘅自拍，自然又不失性感味道並留言：「除咗好熱愛工作，其實我熱愛瞓覺，差不多每天都工作很長時間，今日難得的早放工，我決定做宅女，好好同我嘅房間聯絡感情，大家周末快樂。」睇嚟佢嘅心情完全冇受傳聞影響喎！

Photo from 連詩雅/IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

盤點 8 位新一代索腿天后！連詩雅美腿界代表/Heidi黑絲誘惑/張曦雯女神級人馬

05 Feb 2021

長腿美腿向來吸睛，陳敏之、呂慧儀愈嚟愈少晒腳後，「索腿天后」可以話係改朝換代，一堆新人更係潛質無限。今次就為大家盤點 8 位索腿美女，無論係新生代定是中生代，都有唔少長腿代表可以力爭奪新一代「索腿天后」美譽。

1. 連詩雅
連詩雅一直係美腿界代表，所以絕對係新一代嘅索腿天后之一嚟。

2. 李佳芯
模特兒出身嘅李佳芯 Ali，當年憑《名門暗戰》中飾演情婦狐狸精一角引起觀眾注意。喺劇中其性感、誘人演技更係好評如潮，為佢帶嚟唔少演出機會，而 Ali 嘅一對美腿更係十分誘人。

3. 張曦雯
一直位於女神級地位嘅 張曦雯，身高達 175cm，自然擁有一對誘人嘅長腿。

4. 岑麗香
早前宣布佗第二胎嘅岑麗香雖然已經成為咗人母，但其亦毫不吝嗇大晒自己事業線加長腿，真係超吸睛呀！

5. Heidi@SG
李靜儀（Heidi）一對美腿雖然唔算長，但勝在夠直夠白滑，為咗令條腿睇落再修長同性感，佢仲成日着黑絲，依種黑絲誘惑，先至係最吸引人嘅地方！

6. 戴祖儀
戴祖儀可以算係新一代長腿 icon！雖然佢就唔係 post，但不時都會不經以咗露少少畀大家睇，而且佢嘅氣質仲同陳敏之有幾分相似添～

7. 王卓琪
有新晉長腿女神之稱嘅王卓琪，不時都會喺其 IG 大晒長腿。

8. 陳曉華
前年港姐冠軍陳曉華，173cm 身高嘅她係跳舞高手嚟，有一對勁修長美腿絕對唔出奇。

圖片來源：Heidi李靜儀、岑麗香、張曦雯、戴祖儀、李佳芯、王卓琪、連詩雅、陳曉華/IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）