港女住公屋被姑奶勸唔好用名牌手袋：一定當你用緊A貨！

有網友喺親子王國討論區開post指自己買咗Hermès姑奶提醒佢住公屋記住唔好再用名牌，仲話會畀人當係A貨，令佢怒火中燒！

Photo from 三十而已

近日網上有一位人妻喺討論區親子王國開post「『住公屋就唔好用H袋喇！』唔知咩邏輯既姑奶」，直指佢姑奶「發癲」。

Photo from TVB

樓主表示最近受到H牌VVVIP嘅老闆娘所影響，自己都買咗幾個H牌袋，而姑奶見親都會望下再讚兩句，但樓主就指：「我都無咩畀大反應佢，多謝下算。」

Photo from TVB

本來相安無事，但有次樓主同老公去奶奶度食飯，姑奶都在場，樓主同老公即將搬入公屋，佢指姑奶：「佢唔知咩事咁HIGH，成晚係咁講野，又關心我地間公屋裝修成點、幾時搬」

Photo from TVB

點知樓主姑奶無啦啦講：「遲啲搬咗就要收埋晒啲靚袋喇！住公屋用H袋，人哋一定當你用緊A貨！」令樓主非常嬲！樓主指自己忍唔住即刻冷笑一聲，本來唔想應對方，但都禮貌回：「係咩？」

Photo from TVB

樓主表示平時姑奶經常講嘢扮cute、反應勁大勁誇張已經好令人反感：「不過你唔搞著我就無問題。依家無啦啦發癲，今年內都唔想再見到佢！」

Photo from 親子王國討論區

雖然樓主無直接指手袋嘅品牌，不過大部分人都認為係Hermès。有網友認為樓主姑奶可能當咗樓主啲袋係A貨，所以諗住chok下佢，樓主直言：「井底之蛙，自己買唔起就以為全世界人都買唔起」亦有網友認為姑奶係妒忌樓主：「我覺得佢係葡萄你咋喎，我係你，我真係次次見佢都咩唔同款H呀，激死佢」

Photo from 三十而已

Photo from 親子王國討論區

Photo from 親子王國討論區

不過有網民就質疑樓主買得起名牌袋點解要住公屋：「你買得起就唔好住公屋啦！係咪呃緊政府資源？」、「事實上公屋真係比生活唔富裕嘅人住、手頭上唔算鬆動嗰啲人住，你買得呢個牌子仲住公屋住到理直氣壯」、「一個H袋分分鐘係幾年嘅公屋租金價錢！不如你呢位公屋有錢人分享下點先可以咁容易呃到公屋嘅入息資產審查比大家見識下」、「其實唔係住公屋唔好用H袋，應該話用H袋就唔好住公屋啦。就算買唔到樓，都肯定有能力租樓啦，最無恥係仲上網大言不慚咁講。」

Photo from 親子王國討論區

Photo from 親子王國討論區

Photo from 親子王國討論區

Photo from 親子王國討論區

樓主就回應：「度度都有窮人有有錢人啦，住山頂代表有錢咩？可能揹住幾層2按/3按樓呢？邊個知」，對於被指呃緊政府資源，樓主表示：「呃唔呃呢就見人見智啦」

Photo from 親子王國討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

34歲港女交友App列8大擇友條件！離婚人士/窮人/M字額過主 竟仲有一個mean爆要求！

12 Mar 2021

近日喺連登討論區有網友開post指喺交友App見到一位女士，佢列出8項擇友條件，引起網民熱議，指佢要求多多。

網友喺連登post「係交友app見到呢條女 不過佢要求多多」中貼交友App cap圖，圖中女士自稱34歲，喺大型企業上班，157cm、中等身材、獅子座，興趣包括跳舞、旅行、志願服務、閱讀、烹飪等。

Photo from 連登

而於「自我介紹」嘅部分，佢就列咗8大擇友條件：

1. 吸煙人士，請勿騷擾

呢位女士仲勁mean咁寫咗一句「食煙死全家」，洗唔洗去到咁盡？

2. 年過40男士，請過主吧

呢位女士指：「無興趣同叔叔做朋友」 ，但佢本人34歲，40歲男士應該唔算係「叔叔」吧！

3. 黑人、NEC（非華裔人士）、女人、離婚人士（不論有無仔女），對不起，無興趣同你做朋友。

離婚有無仔女都唔得，咁無結過婚但有仔女就得？

4. 本人絕對以貌取人，外貌協會資深會員

呢位女士指自己深信「Your face your fate」，所以交友都要睇樣。

5. 光頭、髮線上移、M字額的，對不起，無興趣同你做朋友。

頭髮少啲都無朋友做！

6. 做朋友都要有大學學歷

佢mean爆指：「唔識同文盲溝通」，其實無讀大學都唔代表係文盲㗎喎！

7. 謝絕推銷、保險、搵援交人士、ONS（一夜情）

8. 如你自稱small potato、窮人、經濟差的，請努力賺錢吧，不要再玩Apps了。

對於呢位女士嘅擇友要求，大部分網友都表示頗為苟刻：「34（歲）冇人要係有原因嘅」、「係一個正常嫁唔出又無對象嘅中女應有嘅要求」、「即係得返有錢，靚仔，後生男人？有呢d條件都唔會揀你啦」、「34都叫40做叔叔」、「憑實力單身」

Photo from 連登

Photo from 連登

Photo from 連登

Photo from 連登

Photo from 連登

Photo from 連登

不過亦有網友認為「寫明幾好」，指：「起碼大家唔洗嘥時間估來估去，人哋目標明確」、「要求其實好正常」

Photo from 連登

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港女自問樣唔差「似林嘉欣」！列男友10大條件：戒打機/英文叻/拍拖費用男7女3

10 Feb 2021

近日有網友喺「香港討論區」開post，列出做佢男友嘅10個條件，更直指要符合以上條件完全唔難, 請港男唔好搵藉口, 呢啲條件根本係幫緊港男進步，引起網民熱議。

Photo from 香港討論區

呢位網友今年26歲，拍過3次拖，每次都因為男友唔上進而主動講分手，佢自問樣唔差：「朋友同事話我樣似林嘉欣」，表示無咁多時間畀啲廢港男浪費，於是列出以下10個條件，亦供其他女生作為參考。

Photo from 林嘉欣IG

1. 要孝順

樓主指香港唔少男人經常對家人呼呼喝喝，家用又畀得少，不過佢表示：「對自己父母態度差我都可接受，但對我父母一定唔得！」咁孝順即係孝順樓主父母？

Photo from 《My盛lady》

2. 唔准睇AV

樓主認為睇AV即係對其他人有幻想：「容乜易連對男人都有？」

3. 戒打機

大部分男仔平時都會打下機放鬆下，不過要做樓主男友就要放棄呢個愛好。樓主覺得打機好浪費心神，雖然知道要戒會好難，但打機會令人變懶，戒咗佢好過，佢仲直言：「課金嘅話咪洗旨意繼續喺埋一齊！」

4. 唔可以咸濕

樓主表明應該尊重女性，但當女仔主動嗰陣，男友應該盡量滿足。

5. 樣中上身材一定要好

樓主自言「樣唔差」又有人讚佢似林嘉欣，對另一半外貌都有啲要求，佢話樣好唔好其實取決於份人注唔注重儀表，平時執執都唔會差得去邊。比起樣貌，樓主更著重男友身材，直指做佢男友一星期至少要做三日gym：「連自己身材都可以唔理，呢啲人點拍得落拖？」

Photo from 《老表，你好hea》

6. 學歷不能夠太差

樓主定義「唔差嘅學歷」係要有真正大學Degree，其餘IVE、毅進、副學士、高級文憑一概不考慮，起碼讀到大學：「唔係第時點教仔女？」

Photo from 《愛回家之開心速遞》

7. 英文一定要叻

除咗大學文憑外，仲要講到流利英語，樓主直言：「喺個咁國際化嘅地方生活，英文都唔識講知唔知醜？」佢指好怕人講英文講到一舊舊，認為要做佢男友英文唔洗講到好地道, 但最少全英對答要聽得明同流利咁講得出。

8. 唔可以太黐身

樓主非常注重私人空間，佢表示好多港男怕自己女友畀人搶會成日Check住晒，太黐身令人反感。

Photo from 《華麗轉身》

9. 月入$25,000以上

樓主明言自己依家都係搵緊呢個數，做佢男友又點可以收入少過佢？又指佢朋友都話佢要求好低。

Photo from 《愛回家之開心速遞》

10. 拍拖費用男7女3

拍拖AA制嘅當然係少數，但樓主都唔要求所有支出都由男友承擔。樓主話自己都有返工，唔需要男友一人畀晒，不過就指作為男人畀大份係正常。

Photo from 《最愛女人購物狂》

樓主最後更表示以上10項要求只係最基本，引發大量網友留言評論：

支持嘅網友認為樓主列嘅條件「出乎意料地貼地」以為會要對方有樓有車；「漏咗最重要一樣，就係要愛你」；「條件都唔算太苛刻」；「如果你人品正常又無不良嗜好，中等亞洲女性高度身型，條件絕對可以再set高啲」。

但亦有網友指樓主話人港男但自己都好港女；「有以上條件嘅人點解要搵你？」；「樓主可以試下上勞工處搵」；「呢個世界好多比你靚比你好，而又無你咁高要求嘅女仔」

Photo from 香港討論區

對於有網民話佢港女，樓主回應指：「我有學歷有樣，唔需要靠男人，但我只係想另一半係見得下人，咁都叫港女？」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港女上男友家拜年被當妹仔！一上門即要入廚房幫手/唔畀早走 網友轟男友唔識做

1 Mar 2021

近日有網民喺連登討論區開post，直指喺新年期間上男友屋企但遭遇卻令佢感到非常唔舒服，更自我懷疑係咪自己思想有問題，引起網民激烈討論。

Photo from 連登討論區

連登討論區一位網友以《未過門已經做左人地妹仔》為題開post，表示自己過年去左男朋友屋企拜年，點知一去到櫈都未坐暖，男友媽媽已經要樓主入廚房幫手做嘢。

Photo from 《C9特工》

樓主表示話哂都未真係入門，指自己媽媽教落一日未過門都仲係客：「但我覺得幫下手都唔緊要既，不過應該係大家一齊做，一齊幫手。」但實際上男朋友嘅爸爸、細佬、婆婆等親戚全部坐哂係廳睇電視、打麻雀咁，令樓主「內心感覺有d唔舒服」。

Photo from 《愛回家之開心速遞》

唔止被人點入廚房做嘢，樓主事先已提出之後要去自己婆婆到拜年，所以下晝2點半就要走，但夠鐘都唔畀人走，要樓主繼續幫男友媽媽做埋啲嘢先，最終樓主遲咗成個鐘先走得，仲被媽媽同親戚怪責咁遲先到。

Photo from 《BB來了》

樓主深感委屈：「好似未過門就已經做左人地妹仔咁」，又表示未遇過呢啲問題，所以唔識點去面對同處理，甚至疑惑係咪自己思想有問題：「人人都係咁嫁？」

Photo from 《華麗轉身》

呢個post喺短短幾日內有近2,000個負評，大部分網民都認為樓主男友唔識做，叫樓主搵定下一個：「都唔尊重你」、「見自己女朋友咁樣都唔幫手」。

Photo from 連登討論區

網友幾乎一面倒勸樓主分手，有過來人表示結婚之後情況只會越黎越差，最好結果係同結婚前一樣，而樓主未結婚前已經做妹仔，男朋友又唔出聲，結婚之後只會更慘。

Photo from 連登討論區

Photo from 連登討論區

不過都有網友認為人人都係咁：「當然你可以話未過門未性，但係如果你有心嫁比人，點解要計較，除非你係唔認真，人哋屋企人都想考驗下你對自己個仔有幾認真」呢個回覆有超過1,800個負評，被怒轟「唔好喺度害人，合理化成件事」。

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）