Elkie莊錠欣表明立場引熱議！擔心繼父安全望大家互相尊重！坦言恨返TVB同馬國明合作
前韓國女團 CLC 香港成員 Elkie 莊錠欣自去年底退團後重心便轉移到內地發展。早前佢就因為以簡體中文撰寫退團親筆信以及發表愛國帖文令唔少粉絲大感失望事引發退粉朝。而最近佢就喺訪問中再度堅定表明自己嘅看法同立場，更直言擔心其身為警察嘅繼父喺工作時嘅安全！
Photo from CLC
TVB 童星出身嘅 Elkie 莊錠欣，2015 年時通過韓國 Cube 事務所嘅海外公開選秀比賽，2016 年成功加入韓國女團 CLC，當時佢獲得唔少香港人支持並稱佢為「香港之光」。
Photo from TVB
可惜直到去年年底佢就透過北京嘅律師事務所發聲明向韓國 Cube 事務所提出解約，當時佢指因為持續受到公司嘅不公平對待，並被削減對組合嘅資源，故提出解約並最終喺今年初如願。
Photo from ELKIE/IG
Elkie 離開公司後唔少人都猜測佢會唔會返香港拍劇。正當大家都左估右估時，Elkie 就喺社交平台中以中、英、韓三種語言嘅手寫信交代事情。雖然信中並冇透露新去向，但有網民當時就分析指佢由內地律師事務所提出解約，加上中文版手寫信以「簡體字」嚟撰寫推測，佢將會前往內地發展。
而喺今年 2 月時，Elkie 就因喺 IG 向內地軍人致敬後，粉絲一夜間大跌，更被唔少網民鬧爆指佢放棄香港人身份。
最近 Elkie 喺接受傳媒訪問時回應此事，佢則指自己喺香港土生土長，唔明點解要放棄其身份。Elkie 更透露當時已因舊公司 CUBE 娛樂嘅不公平待遇而煩惱，加上網民要求遠喺韓國嘅佢表態，因而令和平主義者嘅佢喺 2019 年出現抑鬱症狀，甚至曾喺健身室失控大哭。
Photo from ELKIE/IG
Elkie 指自己當時有同身為警察嘅繼父討論香港嘅情況，亦擔心繼父嘅工作有危險性，但當時 Elkie 並無法幫佢，不過依家佢就指自己唔介意表明立場，同時亦唔會評論他人嘅想法。
Photo from ELKIE/IG
另外，訪問中亦有問到佢會否擔心表態後再有粉絲流失，Elkie 坦言一定會有，但認為總有與自己相同想法的人，希望大家能互相尊重。
Photo from ELKIE/IG
Elkie 現時正定居內地，並正在準備新歌。佢早前更開始拍片喺 YouTube 分享生活點滴，訪問中佢表示等疫情緩和後就會回港，同時她亦希望可以回 TVB 拍劇，更點名想同馬國明合作，飾演佢妹妹添。
Photo from ELKIE/IG
Photo from TVB
唔知大家對 Elkie 今次嘅表態又點睇呢？
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
韓團 CLC 香港成員 Elkie 莊錠欣提出解約！出道 4 年零酬勞、公司曾表明不再支持組合發展
29 Dec 2020
Photo from cube_clc_official@IG
Elkie 喺 TVB 拍過多部劇集，如《On Call 36 小時 II》、《怒火街頭》及《公主嫁到》等，童年時亦係香港少女組合 Honey Bees 成員。不過後來 Elkie 放棄香港嘅演藝事業，喺 2016 年加入韓國女團 CLC，正式喺韓國出道。
Photo from chongtingyanelkie@IG
Photo from cube_clc_official@IG
可惜組合發展一般，出道至今未有特別亮眼嘅成績，不過 Elkie 曾出演韓劇《富家公子》及發表個人單曲《I dream》，算係組合內曝光率較高嘅成員。
Photo from cube_clc_official@IG
Photo from chongtingyanelkie@IG
但係最近就爆出 Elkie 向經理人公司 CUBE 娛樂公司提出解約，微博上更瘋傳一份 Elkie 透過律師事務所發出嘅律師信，消息一出震驚網民。律師信中清楚列出 3 點對公司嘅控訴：第一，Elkie 嘅演藝收入均由公司先行收取，不過公司未向 Elkie 披露收入明細；第二，自簽約以來，公司淨係向 Elkie 支付過版稅收入，至今仍未向 Elkie 支付演藝收入分成；第三，由於公司組織架構發生變動，公司曾明確表示唔再支持 CLC 組合發展，亦未對 Elkie 演藝事業嘅定位及發展給予規劃。亦即係話 Elkie 出道 4 年，除咗收到版稅收入之外，從未收到過其他演出嘅酬勞，而且公司更曾經表示唔會再支持組合嘅發展！
Photo from 王迪律師微博
Photo from 王迪律師微博
另外，Elkie 一方喺律師信中提出，要求 CUBE 娛樂公司必須解除與 Elkie 嘅合約，並要喺收到律師信起 15 日內向 Elkie 交代演藝收入明細及進行結算，如果公司冇履行以上內容就會進行提告。
Photo from chongtingyanelkie@IG
消息一出，唔少網民都表示非常可惜，「說是 CUBE 毀了 CLC 也不為過」，更有網民覺得 Elkie 可以返內地參加選秀節目，不過都有網民認為 CUBE 娛樂公司已經盡咗力，「很多小公司估計一次成績不理想就沒有以後了，這麼些年一直在回歸，CUBE 也砸了不少錢了」。
成件事真係有點突然，唔知 Elkie 解約之後去向如何呢？
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
