Bob林盛斌成TVB新節目《大整蠱》首位目標！曾做心臟搭橋手術嚇至面容扭曲 網民質疑真實性！

TVB新節目《大整蠱》就喺琴日播放咗第一集，節目內容當然就係不停用唔同嘅招數諗計整蠱一眾藝人。而第一集嘅主角就係林盛斌（Bob），節目組仲專程請咗幾位特技人員，設計咗場飛車著火嘅意外，令到被蒙在鼓裏嘅Bob嚇咗一大跳！

Photo from Bob IG

由艾粒同埋農夫一齊主持嘅新真人show《大整蠱》就喺琴晚首播，而第一集佢哋就決定要大整蠱林盛斌（Bob）。事關喺2013年嘅節目《玩嘢王》，Bob就因為當時嘅假婚禮大整蠱，而一炮而紅成為非常有名嘅婚禮司儀，所以佢哋就決定要再整蠱一次！

Photo from 《玩嘢王 》

Photo from 《玩嘢王 》

節目組就包裝成籌款節目，由Bob同馮盈盈一起主持，睇住兩位總理表演高難度嘅飄移和甩尾賽車籌款。然而，兩位總理嘅真實身份其實係由受過訓練嘅特技員假扮，仲邀請咗兩位應屆港姐冠亞軍謝嘉怡和陳楨怡坐上㗎車度，將籌款節目包裝得好逼真！

Photo from 《大整蠱》

Photo from 《大整蠱》

喺開始咗飄移環節之後，陳楨怡就扮暈車浪而需要由Bob頂上，「總理」仲喺上車前同Bob閒聊話自己最近好少開，令Bob更加緊張。喺表演嘅途中，「總理」就扮唔熟練，撞咗落個膠棍道，嚇到佢面容扭曲。馮盈盈見到佢咁樣，都忍唔住上前問曾經做過「通波仔」手術嘅Bob撐唔撐得住！

Photo from 《大整蠱》

Photo from 《大整蠱》

然後就到重頭戲，兩位「總理」挑戰飄移嘅保齡球比賽，其中一位嘅車就突然冒煙起火，而「總理」就成個火人咁行出嚟，嚇到現場嘅人都尖叫。Bob見到之後表情都好驚慌，但就不停咁叫快啲報警，又嘗試用自己嘅外套幫著火嘅「總理」撲火。

Photo from 《大整蠱》

Photo from 《大整蠱》

見到攝影機仲拍緊，Bob就出言叫唔好拍救人先。期間，Bob仲因為太驚慌而忍唔住爆粗！最後，馮盈盈就揭盅整蠱計劃，而Bob一見到個整蠱banner就呆咗幾秒，似乎完全冇諗過自己係被整蠱！

Photo from 《大整蠱》

Photo from 《大整蠱》

節目播出之後，網民嘅反應兩極！有網民就認為Bob算係非常冷靜，仲可以照顧身旁嘅人，係好男人。

Photo from TVB YouTube

但亦有網民認為節目太假，遇到呢種情況好難咁冷靜，一睇就知係全部人做緊戲！而且話整蠱計劃太過火，既然大家都知道Bob曾經做過心臟手術，就唔應該玩得咁盡，認為節目組為咗收視率而罔顧藝人嘅健康。

Photo from TVB YouTube

Photo from TVB YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

林盛斌Bob三女獲讚似周迅！6歲大機機自認係美女：因為似媽咪

16 Apr , 2021

林盛斌（Bob）與太太育有3個女兒1個仔仔，一家六口樂也融融。Bob平時都會喺IG、Facebook分享同仔女嘅相處日常，其中三女林機兒（機機）眼大大獲讚係「小周迅」！

Photo from 林盛斌IG

阿Bob近日喺社交網站公開三女兒機機嘅新相，機機今年6歲，雖然年紀尚小，但已係美人胚子。

Photo from 林盛斌IG

機機有明顯雙眼皮，眼大大，下巴尖尖，絕對係一名小美女，更有網友大讚佢似周迅添，爸爸阿Bob亦指：「你講起又有啲似喎」

Photo from 林盛斌IG

Photo from 林盛斌IG

阿Bob更分享父女對話：「我：『妳覺得自己靚唔靚？』佢：『靚，因為似媽咪。』我：『會唔會係因為似爸爸呢？』佢：『絕對唔會！（好肯定嘅語氣）』三家姐，妳仲細，我唔怪妳。」

Photo from 林盛斌IG

機機都覺得自己靚，不過就好肯定唔關爸爸事。有唔少圈中好友都留言大讚機機「pretty」～胡蓓蔚就表示認同機機：「小朋友唔識講大話㗎﹗」

Photo from 林盛斌IG

Photo from 林盛斌IG

其實除咗機機，阿Bob幾個仔女都相當精靈可愛，難怪阿Bob成日大晒仔女嘅日常照啦～

Photo from 林盛斌IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）