中五女網上搵補習老師特別要求惹熱議　指定要男仔兼樣OK？網民：補習為名 交友為實

補習可以話差唔多係每個學生都一定試過。喺以前大多數學生都會同埋好友三三兩兩咁齊齊去大型補習社跟補習天王上堂，當然亦有唔少有人會搵私人補習老師，而近日就網民喺網上討論平台開 post 貼出一個網上招聘補習老師廣告引起大家熱議。

Photo from TVB

近日有網友就喺討論區 post 出自己喺網上睇到嘅私人補習招聘廣告，並以「而家d中學生揀補習要揀埋樣...」作為標題，又留言話睇完以為自己上咗交友網站。

Photo from TVB

招聘廣告中係一位自稱居住喺九龍城嘅中五女學生招聘一對一嘅英文補習老師，每小時 $300 港元，每星期兩堂，每堂兩個鐘。睇到依啲要求係咪暫時都冇咩特別，好似好平常嘅招聘廣告呢，但依個招聘廣告特別之處係喺嗰項特別要求度呀！

Photo from 連登截圖

依位中五女學生喺特別要求一項中列明咗 3 點，包括「要男仔，16-22，ok樣」，仲話咁樣上堂會專心啲添，真係有關係咩？！

Photo from 連登截圖

正正因為依 3 點嘅特別要求引嚟唔少網友熱烈討論，有唔少人都對補習老師嘅年齡要求係 16-22 歲感到疑惑：「16 歲點補中五英文？中學都未畢業」

Photo from 連登截圖

另外，亦有網友認為該女學生嘅要求「似擇偶多D」、「補習為名 交友為實」等等。

Photo from 連登截圖

Photo from 連登截圖

不過認真咁睇，一個中 5 嘅中學生搵同樣 10 幾歲嘅學生補習又好似真係過分咗少少嘅...唔知大家又點睇呢？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

19歲護理員與89歲老翁譜忘年戀！結婚不足一年新娘現形 望認知障礙老公早日離世繼承遺產

16 Apr 2021

美國有一位19歲護理員Olivia Stone喺護理院照顧89歲院友Lee Hopkins，兩人漸生情愫竟譜出爺孫戀，點知女方結婚後被友人爆出佢只為得到對方家產，被網友怒轟！

Photo from Olivia Stone Twitter

美國一位患認知障礙症嘅老伯伯Lee Hopkins，因為妻子車禍身亡搬入護理院居住，點知竟然同相差70年、年僅19歲嘅護理員Olivia Stone擦出愛火，共譜忘年戀。

據知Olivia其實並非全職護理人，只係負責餵Lee食藥，估唔到兩人互生情愫，最後更結婚成夫婦。

Photo from Olivia Stone Twitter

當時Olivia聲稱佢絕對唔係貪圖Lee嘅財產，而係為咗「真愛」而決意結婚，更喺Twitter晒出多張恩愛合照。

Photo from Olivia Stone Twitter

但好快佢就露出「真面目」，Olivia同Lee結婚無幾耐，Olivia嘅朋友就爆出佢哋嘅對話記錄，Olivia之所以會嫁畀Lee係因為「我會成為唯一財產繼承人」。

Photo from Twitter

Olivia仲多次喺Twitter嘲諷Lee：「成為寡婦嘅日子就到喇！可能會喺30歲之前，離嗰日越嚟越近！」、「佢（Lee）可能會喺聖誕節之前死」。

Photo from Olivia Stone Twitter

Olivia甚至直接對男網友講：「如果我做咗寡婦，你仲想唔想要我？」，大批網友認為Olivia純粹呃錢，湧入佢Twitter留言鬧爆，而Olivia見群情洶湧，唯有關閉Twitter帳號。

Photo from Olivia Stone Twitter

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）