【Apple發布會2021】AirTag/新iPhone 12/iPad Pro 規格/價錢/發售日/重點功能一覽 最快月底有得買!

【Apple發布會2021】AirTag/新iPhone 12/iPad Pro 規格/價錢/發售日/重點功能一覽 最快月底有得買!

時事熱話 生活熱話
By Celia on 21 Apr 2021
Digital Editor

香港時間今日(21/4)凌晨蘋果就舉行咗今年首個 Apple Event 春季發布會。今次佢哋除咗推出全新嘅 AirTag 外,就連 iPhone、iPad 以及 iMac 都有令大家鼓舞嘅新元素加入。

今次嘅 Apple 發布會只有短短 1 個鐘,但當中嘅資訊量真係一啲都唔少,單單新硬件就有 5 個,而且重點頗多,因此小編就整個懶人包畀大家一次過睇晒新機價錢、預訂/開賣日期、特點等等嘅重要資訊。

iPhone 12 及 iPhone 12 mini

iPhone 12 同 iPhone 12 mini 推出咗已經有一段日子,不過今次 Apple 就喺發佈會中為一眾果農帶嚟驚喜,就係推出全新嘅紫色版本,並將於 4 月尾開始接受預訂及供貨。

新色配合 iPhone 平板邊緣設計以及後玻璃相當搶眼。加上早前推出藍、綠、黑、白、紅,一共會有 6 個色畀大家選擇。

而全新紫色版本將於 4 月 23 日(星期五)開始接受預購,並於 4 月 30 日(星期五)開始供貨,分別設有 64GB,128GB 和 256GB 三種版本。價分別由 HK$6,799 及 HK$5,999 起,紫控們唔少錯過喇!

Photo from Apple

AirTag

傳聞已久嘅 AirTag 終於推出喇!AirTag 採用圓形設計,睇上去就好似放大版嘅鈕扣咁,而喺使用上亦相當簡單,用家只需要放在喺錢包或者掛喺鎖匙扣等物件上,即可連接 iPhone,當 AirTag 遠離 iPhone,用家就可以透過 Find My App 找出其位置,而如果你喺街上執到亦可透過 iPhone 確認其位置並更新給物主,大幅提升搵返失物嘅機會。

Apple 亦表示 Find My 系統將可以保護私隱,因為 AirTag 本身唔會儲存位置數據或記錄,而 Find My 網絡亦係端對端加密,只有裝置擁有者可以存取其位置數據。

而 AirTag 所發放嘅藍牙標識亦會不斷改變,防止不必要嘅位置追蹤。而最特別嘅係如果喺用家附近有未知嘅 AirTag 出現一段時間,系統就會向用家發出通知,防止有人利用 AirTag 進行追蹤。

但人人都用同一粒 AirTag 時會唔會認錯,用家可以選擇免費的鐳射雕刻,個人化自己的 AirTag 就唔怕拎錯咗喇!AirTag 將喺 4 月 23 日開放預購,4 月 30 日正式推出分別有單個裝 HK$239 和家庭裝(一套 4 件) HK$799 畀大家選擇。

iPad Pro

今次全新嘅 iPad Pro,最突破肯定係佢嘅「機芯」,事關依部將會喺歷年首部採用與電腦相同嘅處理器,亦即同 iMac、MBA、MBP 一樣嘅 M1 處理器。

據 Apple 表示,相比之前採用嘅 A12 Bionic 處理器,今次採用 M1 處理器嘅 iPad Pro,處理器提升咗 50%,圖像處理速度亦提升咗 40%,同時亦保留咗以往 Apple A 系處理器省電嘅功能,即係以後就算喺 iPad Pro 上執相/剪片都無問題喇!

iPad Pro 將於 5 月下旬正式上市,而預訂將由 4 月 30 日開始,設有 11 吋及 12.9 吋兩個熒幕尺寸選擇,兩者均設有 128GB、256GB、512GB、1TB 及 2TB 5 個容量選擇,每個容量亦設有 Wi-Fi 版及 Wi-Fi + 5G 版。

廣告
廣告

而售價方面,11 吋就由 $6,399 起;而 12.9 吋則由 $8,799 起。

iMac

新一代嘅 iMac 除咗採用 M1 處理器外,更加入咗全新設計令機身更薄、屏幕更高清,同時更推出 7 種顏色機身,分別為藍、綠、粉紅、銀、黃、橙及紫色(尾 3 款顏色係兩部較高階機款限定),打破 iMac 以往只有銀色嘅選擇。

Photo from Apple

而除咗顏色,24 吋 iMac 今次亦會用上由 Apple 自家研發嘅 M1 處理器,令 iMac 唔單止可以設計得更薄,圖像處理效能相比上代更提升咗 50% 外,亦因散發嘅熱力減少,可換上更細嘅散熱風扇,據 Apple 表示喺一般情況下運作時,可維持喺 10 分貝以下,非常安靜。

另外,今次 iMac 24 吋隨機附送嘅 Magic 鍵盤、滑鼠 / Magic 觸控板,除咗可按機身顏色嘅配備相同顏色嘅款式外,Magic 鍵盤更首次引入 Touch ID 指紋辨識功能,方便用家登入 macOS 系統外,亦方便用家喺進行網購付款時進行身份認證。

Photo from Apple

至於發售方面,iMac 24 吋分別設有 3 個版本,售價為 $9,999 起。所有顏色及版本嘅 iMac 24 吋將於 4 月 30 日開始接受預訂,並於 5 月中正式推出發售。

3 個版本包括:

CPU  RAM  SSD USB端子  鍵盤
  M1 CPU(8 核心 CPU + 7 核心 GPU)  8GB RAM  256GB SSD 2 個 Thunderbolt / USB 4 端子  一般版 Magic 鍵盤
 M1 CPU(8 核心 CPU + 8 核心 GPU)  8GB RAM  256GB SSD 4 個 USB-C 端子(其中 2 個支援 Thunderbolt / USB 4)  Touch ID 版 Magic 鍵盤
 M1 CPU(8 核心 CPU + 8 核心 GPU)  8GB RAM  512GB SSD 4 個 USB-C 端子(其中 2 個支援 Thunderbolt / USB 4)  Touch ID 版 Magic 鍵盤

Apple TV 4K

今次推出嘅新一代 Apple TV 4K 配備咗 A12 仿生晶片,令圖形性能以及影音處理都有所提升。此外新一代嘅Apple TV 4K更可與 tvOS 配合其他 Apple 設備,如可配對 Airpods,令大家喺欣賞節目時都唔會打擾到其他人。

另外 Apple 更重新設計 Siri Remote,除新設計配有 Clickpad 控件外,今次仲加入咗 5 項觸控功能,可用於快速定向滑動。其中佢嘅外環支援劃圓形手勢,可轉換成搖杆控件。另外亦設有電源按鈕,可控制電視嘅電源以及靜音功能。用家亦可透過 Siri 控制家中智能家居配件等。

Photo from Apple

新一代 Apple TV 4K 分別提供 32GB 存儲空間售 HKD $1,399,64GB 型號則售 HKD $1,599,均將於 4 月 30 日問始接受預訂。

Photo from Apple

發布會重溫:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
日本87歲爺爺退休變身潮流教主 穿起孫兒潮服即爆紅 IG擁過14萬粉絲
日本87歲爺爺退休變身潮流教主 穿起孫兒潮服即爆紅 IG擁過14萬粉絲
2 days ago
19歲少男成功向76歲女子求婚 相差57歲嫲孫戀 網民質疑背後有陰謀?
19歲少男成功向76歲女子求婚 相差57歲嫲孫戀 網民質疑背後有陰謀?
2 days ago
19歲少女與65歲伯伯閃婚!新郎豪送37萬禮金+房屋/新車!強調並非為錢而出嫁!
19歲少女與65歲伯伯閃婚!新郎豪送37萬禮金+房屋/新車!強調並非為錢而出嫁!
2 days ago
曾志偉宣布重啟經典《獎門人》,稱有信心挽救收視,網民反應一面倒!
曾志偉宣布重啟經典《獎門人》,稱有信心挽救收視,網民反應一面倒!
2 days ago
阿嬌鍾欣潼為勝出遊戲直言「我結過婚」,獲讚EQ高!靠2招瘦身成功!網民翻出減肥心得影片,卻聽得一頭霧水?!
阿嬌鍾欣潼為勝出遊戲直言「我結過婚」,獲讚EQ高!靠2招瘦身成功!網民翻出減肥心得影片,卻聽得一頭霧水?!
2 days ago
《黑豹2》將向已故Chadwick致敬!黑豹妹直言面臨很多困難!黑豹女神加盟《雷神4》連接續集?
《黑豹2》將向已故Chadwick致敬!黑豹妹直言面臨很多困難!黑豹女神加盟《雷神4》連接續集?
2 days ago
Hottest Articles
最熱文章
內地女於LV專櫃買手袋,經鑑定為假貨!賠償逾8.7萬,LV回應掀熱議
內地女於LV專櫃買手袋,經鑑定為假貨!賠償逾8.7萬,LV回應掀熱議
3 days ago
球賽直播意外揭發多個外遇現場,用人群掩護以為好安全變舉國注視!
球賽直播意外揭發多個外遇現場,用人群掩護以為好安全變舉國注視!
3 days ago
苟芸慧帖文再掀婚變傳聞 疑似暗示老公突然消失 心情複雜?
苟芸慧帖文再掀婚變傳聞 疑似暗示老公突然消失 心情複雜?
3 days ago
【尋人記2】「杯麵男」30年後近況公開!從小缺乏家庭溫暖,險誤入歧途!與良師久別重逢場面曝光!
【尋人記2】「杯麵男」30年後近況公開!從小缺乏家庭溫暖,險誤入歧途!與良師久別重逢場面曝光!
2 days ago
曾志偉宣布重啟經典《獎門人》,稱有信心挽救收視,網民反應一面倒!
曾志偉宣布重啟經典《獎門人》,稱有信心挽救收視,網民反應一面倒!
2 days ago
大台男團Super Tiger成員大變動,人數由10人變7人!「C位」羅天宇已退團!即將與袁偉豪合作勁歌熱舞
大台男團Super Tiger成員大變動,人數由10人變7人!「C位」羅天宇已退團!即將與袁偉豪合作勁歌熱舞
3 days ago