林盛斌Bob被爆一年賺$2000萬！由電台Sales變隱形富豪！身家達半億住3層獨立豪宅

TVB節目《大整蠱》首集阿Bob（林盛斌）再成整蠱對象，節目中C君@農夫爆料佢曾一年賺$2,000萬，入行初期佢僅獲底薪6、7千，至今已成圈中隱形富豪！

Photo from TVB

41歲嘅阿Bob喺2013年出演李思捷節目《玩嘢王》，做婚禮司儀嘅佢被連番整蠱，但仍盡力「執生」，當年更成為「金牌婚禮MC」。

Photo from TVB

Photo from TVB

喺《大整蠱》第一集，主持人之一嘅C君就大爆：「佢嗰年賺咗$2,000萬，係真㗎！」，有傳阿Bob係「爆騷王」，各種商業活動都會邀請佢做司儀，酬勞亦相當可觀，每場高達6位數字。

Photo from TVB

Photo from TVB

雖然阿Bob未曾正面回應收入，但佢一家6口由加多利山3,000呎豪宅搬去九龍塘三層獨立屋，相信近呢幾年應該賺唔少。

Photo from 林盛斌IG

Photo from 林盛斌IG

其實佢大專畢業後喺新城電台做咗9個月sales，呢份係佢人生中第一份工，阿Bob回想起當年嘅銷售成績，認為算唔錯，阿Bob曾經喺IG長文中指：「由起初底薪六七千蚊，只係短短半年時間，到我離職嘅時候差唔多出緊六七萬一個月」

Photo from 林盛斌IG

到2003年佢正式成為電台DJ，並參與節目《新香蕉俱樂部》，2012年加入TVB後佢有更多做MC嘅機會，呢幾年除咗做電視節目嘅主持，亦接咗好多job，甚至仲開埋公司做老闆。

Photo from 林盛斌IG

阿Bob密密做司儀，job接job，吸金力超驚人，有指佢已成圈中隱形富豪，身家達半億，現時一家六口住九龍塘豪宅，連C君都感歎「大過地球」！

Photo from 林盛斌IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

Bob係圈中隱形富豪 3層獨立豪宅曝光！飯枱坐12人/偏廳大過playgroup

4 Sep 2020

林盛斌（Bob）密密做司儀，job接job，賺錢能力驚人。佢近年一家6口入住九龍塘三層獨立豪宅，空間大到連C君都感嘆「大過地球」，地方闊落住多幾個人都無問題！

林盛斌（Bob）同老婆結婚13年，育有三女一子，一家6口由加多利山3,000呎豪宅搬去九龍塘三層獨立屋，空間更闊落。

大廳空間已夠大，4個仔女玩Switch要活動身體都唔怕會撞到！客廳仲有張按摩椅，放工攰可以休息下！

客廳擺放L形大梳化仍有足夠空位畀仔女做運動。

偏廳都勁大，現改成4個仔女嘅遊戲廳，大到地氈都要擺兩塊先夠，4個仔女任意喺上面滾來滾去都得。

飯枱超巨型，坐到12人，仲有落埋轉盤。

4個仔女有專屬學習房，每人一張枱，一面牆放上書架，好似圖書館咁。連大小姐林淑敏都留言：「寫字樓返工喎」

Bob嫂都有屬於自己嘅辦公室，同同事開會都無問題。

樓梯間都超闊落，4個仔女鋪墊做滑梯，好有諗頭！留意屋企有大locker畀仔女擺嘢。

豪宅當然唔少得花園喇！Bob屋企嘅花園可以放到超大嘅吹氣泳池。

圖片來源：Bob Instagram

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

Bob林盛斌成TVB新節目《大整蠱》首位目標！曾做心臟搭橋手術嚇至面容扭曲 網民質疑真實性！

20 Apr 2021

TVB新節目《大整蠱》就喺琴日播放咗第一集，節目內容當然就係不停用唔同嘅招數諗計整蠱一眾藝人。而第一集嘅主角就係林盛斌（Bob），節目組仲專程請咗幾位特技人員，設計咗場飛車著火嘅意外，令到被蒙在鼓裏嘅Bob嚇咗一大跳！

Photo from Bob IG

由艾粒同埋農夫一齊主持嘅新真人show《大整蠱》就喺琴晚首播，而第一集佢哋就決定要大整蠱林盛斌（Bob）。事關喺2013年嘅節目《玩嘢王》，Bob就因為當時嘅假婚禮大整蠱，而一炮而紅成為非常有名嘅婚禮司儀，所以佢哋就決定要再整蠱一次！

Photo from 《玩嘢王 》

Photo from 《玩嘢王 》

節目組就包裝成籌款節目，由Bob同馮盈盈一起主持，睇住兩位總理表演高難度嘅飄移和甩尾賽車籌款。然而，兩位總理嘅真實身份其實係由受過訓練嘅特技員假扮，仲邀請咗兩位應屆港姐冠亞軍謝嘉怡和陳楨怡坐上㗎車度，將籌款節目包裝得好逼真！

Photo from 《大整蠱》

Photo from 《大整蠱》

喺開始咗飄移環節之後，陳楨怡就扮暈車浪而需要由Bob頂上，「總理」仲喺上車前同Bob閒聊話自己最近好少開，令Bob更加緊張。喺表演嘅途中，「總理」就扮唔熟練，撞咗落個膠棍道，嚇到佢面容扭曲。馮盈盈見到佢咁樣，都忍唔住上前問曾經做過「通波仔」手術嘅Bob撐唔撐得住！

Photo from 《大整蠱》

Photo from 《大整蠱》

然後就到重頭戲，兩位「總理」挑戰飄移嘅保齡球比賽，其中一位嘅車就突然冒煙起火，而「總理」就成個火人咁行出嚟，嚇到現場嘅人都尖叫。Bob見到之後表情都好驚慌，但就不停咁叫快啲報警，又嘗試用自己嘅外套幫著火嘅「總理」撲火。

Photo from 《大整蠱》

Photo from 《大整蠱》

見到攝影機仲拍緊，Bob就出言叫唔好拍救人先。期間，Bob仲因為太驚慌而忍唔住爆粗！最後，馮盈盈就揭盅整蠱計劃，而Bob一見到個整蠱banner就呆咗幾秒，似乎完全冇諗過自己係被整蠱！

Photo from 《大整蠱》

Photo from 《大整蠱》

節目播出之後，網民嘅反應兩極！有網民就認為Bob算係非常冷靜，仲可以照顧身旁嘅人，係好男人。

Photo from TVB YouTube

但亦有網民認為節目太假，遇到呢種情況好難咁冷靜，一睇就知係全部人做緊戲！而且話整蠱計劃太過火，既然大家都知道Bob曾經做過心臟手術，就唔應該玩得咁盡，認為節目組為咗收視率而罔顧藝人嘅健康。

Photo from TVB YouTube

Photo from TVB YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）