download HolidaySmart 假期日常 app
陸浩明回應193暗寸40歲仲扮後生仔 認同193做自己「細個嘅時候個個都會犯錯!」

陸浩明回應193暗寸40歲仲扮後生仔 認同193做自己「細個嘅時候個個都會犯錯!」

娛樂新聞
By Stephanie on 21 Apr 2021
Digital Content Writer

193@ERROR早前就暗寸陸浩明(6號)「40幾歲仲後生仔傾吓偈」,而6號琴日出席活動嘅時候就話唔介意對方咁講,仲表示自己因為太忙所以冇咩時間睇對台嘅節目!

6號IGPhoto from 6號IG

即將42歲嘅陸浩明(6號)近呢幾年都經常做司儀同主持不同嘅節目,備電視台重用。琴日,6號就同主持拍檔馮盈盈齊齊現身出席活動,就被問到關於193@ERROR暗寸佢年紀大嘅事。佢就表示自己唔介意俾人寸,仲話多謝對方有留意佢哋嘅節目!

6號IGPhoto from 6號IG

193IGPhoto from 193IG

6號又補充話自己喺《#後生仔傾吓偈》入面係好似領隊嘅角色,負責帶領佢哋開topic傾計。而身旁嘅馮盈盈就即刻幫手解畫話好感謝6號成日出嚟幫佢哋打圓場,一班年輕人成日都會口快快講錯嘢,得罪人都唔知,所以6號係好重要嘅角色!

《後生仔傾吓偈》Photo from 《後生仔傾吓偈》

馮盈盈IGPhoto from 馮盈盈IG

當被問到有冇睇過ERROR嘅節目時,6號就話自己忙住睇美股,冇時間睇對台嘅節目。而談及193俾人話唔尊重前輩時,6號就回應「做呢行好多嘢都要喺經驗中學習,我哋細細個都會犯錯,所以唔好俾框架自己,做返自己係最正!」

《花姐ERROR遊 2》Photo from 《花姐ERROR遊 2》

6號IGPhoto from 6號IG

之後,被問到「伯樂」余詠珊即將離開TVB一事時,6號竟然以好見外嘅口吻話感謝佢一直嘅付出,並且祝福佢有新發展。而近日有傳TVB推「限廚令」,有份同肥媽一齊主持煮食節目嘅6號就被問到係咪備受牽連,佢就話工作如常,冇咩影響。

6號IGPhoto from 6號IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

193再串TVB推「千禧五虎」硬撼MIRROR:乜呢個年代仲用咁娘嘅term?咁ERROR 要改名做四隻白虎!

19 Apr , 2021

ViuTV舉辦嘅《CHILL CLUB推介榜 年度推介20/21》,ERROR都有出席,成員193回應近期爆紅同之前嘅言論,被問到有傳TVB推「千禧五虎」對抗MIRROR,直腸直肚嘅佢再度串爆友台!

ERROR成員193Photo from 193 IG

近日ViuTV同TVB有唔少話題,兩台嘅藝人都有被問到點睇「隔離台」,TVB有「收視福將」之稱嘅歐陽震華就指佢仲係ATV年代,暗示唔識ViuTV。

TVB有「收視福將」之稱嘅歐陽震華指佢仲係ATV年代Photo from 歐陽震華微博

而ViuTV藝人亦好直接,193@ERROR之前就直言TVB係畀「老嘢」睇,又話向來唔理收視呢啲嘢,認為只係得幾百部電視機。

193@ERROR之前就直言TVB係畀「老嘢」睇,又話向來唔理收視呢啲嘢,認為只係得幾百部電視機。Photo from 193 IG

佢同隊友出席《CHILL CLUB推介榜》時就表示佢當日講完之後,有同花姐傾過咁講會唔會無禮貌,佢指花姐有提醒佢雖然講嘅嘢資料性正確,但要禮貌啲。

193指花姐有提醒佢雖然講嘅嘢資料性正確,但要禮貌啲。Photo from 193 IG

193澄清佢唔係針對任何人:「我無講志偉哥任何一句嘢,我不嬲好尊重前輩。」,佢表示:「我唔係想用『老嘢』呢個字,我係想講『老一輩』,不過衝口而出咗。」,但佢有好有承擔:「anyway,講咗就講咗。」

193澄清佢唔係針對任何人:「我無講志偉哥任何一句嘢,我不嬲好尊重前輩。」Photo from 193 IG

提到佢爆紅,IG followers急升,佢表示好開心,又指ERROR嘅節目近日多咗人留意:「希望大家繼續支持ERROR。」

193爆紅後,帶挈ERROR嘅節目近日多咗人留意Photo from ERROR IG

ERROR IGPhoto from ERROR IG

對於獲封為「三爺」,佢搞笑回應:「我想叫『三哥』多啲,希望會有代言。」,193又直認係清泉:「我係處男嚟,但都鍾意食鮑魚。」

對於獲封為「三爺」,佢搞笑回應:「我想叫『三哥』多啲,希望會有代言。」Photo from 193 IG

193直認係清泉Photo from 193 IG

提到有傳TVB將推出「千禧五虎」硬撼ViuTV嘅MIRROR,193直言:「乜呢個年代仲用呢啲term咁娘㗎咩?」,隊友肥仔同阿Dee都忍唔住話:「嘩你又嚟!?」,阿Dee表示人數唔同,「對決」唔到:「5個同12個、4個點同?」

提到有傳TVB將推出「千禧五虎」硬撼ViuTV嘅MIRROR,193直言:「乜呢個年代仲用呢啲term咁娘㗎咩?」Photo from 193 IG

193 IGPhoto from 193 IG

ERROR不忘搞笑本色,指佢哋可改名做「4隻白虎」。

ERROR不忘搞笑本色,指佢哋可改名做「4隻白虎」。Photo from ERROR IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel