準新娘住公屋欲請著名婚禮攝影師遭拒　化妝師爆料：佢向來唔會接公屋出門嘅Job

By Celia on 21 Apr 2021

Digital Editor

唔少人結婚除咗會影 pre wedding 之外，唔少人仲會喺結婚當日請攝影師跟場影吓相，事關結婚一生人一次當然唔可以是但喇！近日就有人喺討論平台開 post 指1位準新娘聘請婚照攝影師時被婉拒，而其中原因竟然同新娘出門地點有關？！

Photo from TVB

近日有網友就喺討論區以「唔好話買唔買樓，而家連影相都分公屋私樓」作為標題出 post，貼文中指當事人係一位準新娘，本身打算喺出嫁當日請一個好少少嘅婚照攝影師，點知就被其婉拒，後嚟經化妝師爆料指該攝影師向來都唔會接「公屋出門」嘅工作，因唔想依啲相出現喺佢嘅 portfolio 中怕影響整體質素，令新人大感到無奈。

Photo from TVB

而樓主亦表明唔會開該明攝影師嘅名，只係透露依位攝影師嘅收費喺全港係 top 3 嚟，而且成個網站同 IG 嘅作品全取景自法國、意大利及高級會所等地方，並指「識嘢嘅新娘一定知」，咁睇嚟真係好多人搵佢影喎！

樓主最後亦不忘揶揄該攝影師：「Rich friends, beautiful friends」、「Rich = Beautiful」。

Photo from 連登截圖

依個 post 一出，隨即引唔少網民熱議，雖然樓主講咗話唔會開名，不過亦有唔少網民叫樓主開攝影師名，更有網友批評攝影師唔識尊重，又指出咗名嘅都好寸及有啲攝影師唔止會睇新娘邊度出門，就連新娘樣貌或擺酒地點都會有可能成為被嫌棄嘅理由。

Photo from 連登截圖

不過亦有網友認為一般公屋單位較狹窄，的確會令影出嚟嘅畫面唔夠好睇，並指新娘如果想唔相靚嘅話點解唔選擇直接喺酒店出門，咁樣相好睇之餘，玩嘅地方又大啲，整體都會好睇好多。

Photo from 連登截圖

其實會唔會真係咁啱個攝影師唔得閒先唔接個 job 咋？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

港女住公屋被姑奶勸唔好用名牌手袋：一定當你用緊A貨！

19 Apr 2021

有網友喺親子王國討論區開post指自己買咗Hermès姑奶提醒佢住公屋記住唔好再用名牌，仲話會畀人當係A貨，令佢怒火中燒！

Photo from 三十而已

近日網上有一位人妻喺討論區親子王國開post「『住公屋就唔好用H袋喇！』唔知咩邏輯既姑奶」，直指佢姑奶「發癲」。

Photo from TVB

樓主表示最近受到H牌VVVIP嘅老闆娘所影響，自己都買咗幾個H牌袋，而姑奶見親都會望下再讚兩句，但樓主就指：「我都無咩畀大反應佢，多謝下算。」

Photo from TVB

本來相安無事，但有次樓主同老公去奶奶度食飯，姑奶都在場，樓主同老公即將搬入公屋，佢指姑奶：「佢唔知咩事咁HIGH，成晚係咁講野，又關心我地間公屋裝修成點、幾時搬」

Photo from TVB

點知樓主姑奶無啦啦講：「遲啲搬咗就要收埋晒啲靚袋喇！住公屋用H袋，人哋一定當你用緊A貨！」令樓主非常嬲！樓主指自己忍唔住即刻冷笑一聲，本來唔想應對方，但都禮貌回：「係咩？」

Photo from TVB

樓主表示平時姑奶經常講嘢扮cute、反應勁大勁誇張已經好令人反感：「不過你唔搞著我就無問題。依家無啦啦發癲，今年內都唔想再見到佢！」

Photo from 親子王國討論區

雖然樓主無直接指手袋嘅品牌，不過大部分人都認為係Hermès。有網友認為樓主姑奶可能當咗樓主啲袋係A貨，所以諗住chok下佢，樓主直言：「井底之蛙，自己買唔起就以為全世界人都買唔起」亦有網友認為姑奶係妒忌樓主：「我覺得佢係葡萄你咋喎，我係你，我真係次次見佢都咩唔同款H呀，激死佢」

Photo from 三十而已

Photo from 親子王國討論區

不過有網民就質疑樓主買得起名牌袋點解要住公屋：「你買得起就唔好住公屋啦！係咪呃緊政府資源？」、「事實上公屋真係比生活唔富裕嘅人住、手頭上唔算鬆動嗰啲人住，你買得呢個牌子仲住公屋住到理直氣壯」、「一個H袋分分鐘係幾年嘅公屋租金價錢！不如你呢位公屋有錢人分享下點先可以咁容易呃到公屋嘅入息資產審查比大家見識下」、「其實唔係住公屋唔好用H袋，應該話用H袋就唔好住公屋啦。就算買唔到樓，都肯定有能力租樓啦，最無恥係仲上網大言不慚咁講。」