新垣結衣無懼抵制風波代言服裝品牌！內地fans大崩潰揚言：換老婆！

新疆棉事件令唔少國際品牌被大陸網民杯葛，日本「宅男女神」新垣結衣代言其中一個拒用新疆棉嘅服裝品牌，引起內地網民熱議，有fans揚言要「換老婆」！

新疆棉風波令多位中港台藝人包括陳奕迅、許光漢、Angelababy、陳偉霆、迪麗熱巴等宣佈單方面同唔少國際品牌解約，而內地網民亦號召要抵制有關品牌嘅產品。

Photo from 陳奕迅微博

其中一個聲明拒絕用新疆棉花嘅瑞典服裝品牌就宣佈日本女星新垣結衣將成為品牌嘅宣傳代言人。

32歲嘅新垣結衣一向形象健康，主演過多部高人氣嘅日劇，包括《Code Blue》、《Legal High》、《逃避雖可恥但有用》等，喺日本乃至亞洲知名度都好高，更獲封為「國民老婆」。

不過官方公佈代言人後，就掀起內地網民嘅熱議，有唔少結衣bb fans都大感崩潰，更有自稱10幾年fans揚言：「如果涉及這類底線我立馬脫粉回踩，不就換個老婆的事？」

Photo from 微博

但亦有大部分人力撐女神：「怎麼 你要世界都跟著抵制？」、「老婆連社交軟件都不玩」、「日本人為什麼要為其他國家避嫌啊」

Photo from 微博

Photo from 微博

Photo from 微博

有網友就認為搵偶像代言無問題，結衣bb嘅相會照save但唔影響繼續抵制品牌：「請了我老婆也救不了，圖我收了，貨我不買」、「代言就代言咯，我們不買不就完了」。

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

梁競徽突然晒全身李寧牌！大讚國貨質料好：戀上了停不了 微博網友：做得太over

8 Apr 2021

新疆棉事件令中港台多位藝人同國際品牌解約，轉為撐國產品牌。梁競徽近日突然喺微博晒出多對李寧鞋，身體力行表示支持國貨，佢更大讚國貨品質好。

Photo from 梁競徽微博

因為新疆棉風波，內地鼓起一陣抵制、​杯葛國際大品牌嘅風潮，多位藝人包括陳奕迅、許光漢、陳偉霆、迪麗熱巴等都宣佈單方面同品牌解約。

Photo from 陳奕迅微博

向來愛國嘅梁競徽雖然未有代言以上遭抵制嘅品牌，但佢亦早已表態支持新疆棉花，更身體力行，著全身國貨，大晒李寧牌波鞋、拖鞋。

Photo from 梁競徽微博

Photo from 梁競徽微博

Photo from 梁競徽微博

Photo from 梁競徽微博

佢公開咗自己跑步嘅相，頭髮飛揚，好有動感。佢留言大讚國貨質料好：「戀上了～～～～停不了​」。梁競徽連發微博手機都係用華為，係「真·國貨fans」。

Photo from 梁競徽微博

Photo from 梁競徽微博

Photo from 梁競徽微博

有網民「挑機」指：「還是耐克（Nike）質量好」，梁競徽即反駁對方：「我完全不覺得」，有網友大讚佢愛國，不過都有人表示：「做得太over」。

Photo from 梁競徽微博

Photo from 梁競徽微博

另外亦有網民邀請佢北上發展：「快來內地發展吧！歡迎你」，不過其實梁競徽已轉戰內地市場一段時間，2019年就已經停用Facebook同IG，仲接拍大陸科幻電影《浴血狂蟒》擔正做男主角，呢位網友竟然唔知！

Photo from 梁競徽微博

Photo from 梁競徽微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

梁競徽大騷「抖音」舞技 手腳唔協調加老土特效 內地網民讚「勇氣可嘉」

8 Mar 2021

由於之前經常出現假冒帳號，梁競徽早係2019年就已經停用Facebook 同埋IG，仲非常堅定咁表示唔會再用。因此，佢就轉攻內地社交平台，淨係用微博同抖音。而佢亦緊貼潮流，喺度跳非常流行嘅「抖音舞」再擺上抖音，大騷舞技，但就有網民就笑佢手腳唔協調！

Photo from 梁競徽微博

近呢幾年，梁競徽開始喺內地發展佢嘅演藝事業，所以佢亦表示只會用微博同埋抖音。而佢就突然一時興起喺天橋底獨自熱舞，仲將「抖音舞」嘅片段上載喺抖音帳號度，比佢嘅粉絲大飽眼福。

Photo from 梁競徽微博

由片段中可見，背景音樂播放住一首輕快嘅泰國歌曲，音樂一開始佢就擺好曬pose，用非常chok嘅表情黎跟住音樂嘅節奏擺動佢嘅四肢，自信十足嘅態度令人敬佩。

Photo from 梁競徽抖音

但就有網民忍唔住笑佢手腳唔協調，而且片中嘅「老土」嘅爆炸特效，令MK味瞬間增加！唔知大家又點睇佢嘅舞技呢，不過點都好佢跳舞時自信嘅表現的確值得嘉許！

Photo from 梁競徽抖音

Photo from 梁競徽抖音

雖然唔知梁競徽仲有無練習佢嘅跳舞技巧，但就知道佢受到內地導演嘅青睞。事關佢近來喺內地發展唔錯，最近仲接拍電影《浴血狂蟒》做男主角，戲份十分多。電影背景係講述抗日時期嘅戰爭，但呢套電影並非單純講歷史。而係一套包含怪獸加打仗原素嘅片，製片商就表示絕對係一個可以提供觀眾視覺同感官嘅全新體驗。

Photo from 梁競徽微博

Photo from 梁競徽微博

喺劇照中，可以睇得出應該有好多嘅打鬥場面，令唔少內地網民都紛紛留言大讚佢有型同埋幫佢打氣「徽哥注意休息哦」～

Photo from 梁競徽微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）