梁朝偉零港式口音/謝安琪荷里活行紅地毯對答如流/鄧紫棋曾任NASA嘉賓！盤點11位英文流利香港歌手影星

By Celia on 22 Apr 2021

Digital Editor

日前唔少 Marvel 粉絲都期待已久嘅電影《尚氣與十環傳奇》終於推出預告，雖然唔少人睇完都話感到失望，但片中霸氣現身嘅梁朝偉親自用全英文做旁白卻令人驚訝。其實喺圈中都有唔少隱藏其外語能力嘅藝人明星，其中唔少人更講得一口流利嘅英文，即使接受外國媒體訪談依然可以對答如流，完全沒有怯場。

Photo from 朱千雪/IG

1. 梁朝偉

Photo from Marvel Studios Hong Kong/YT

梁朝偉除咗喺電影《尚氣與十環傳奇》預告中霸氣現身外，更親自用全英文做旁白，流利自然，完全聽唔出港式英語嘅口音！

2. 謝安琪

Photo from Lost Ocean Fish/YT

喺港大畢業，主修美國研究嘅謝安琪，2012 年時就曾以華裔歌手身份出席百老匯歌舞劇《珍愛沉默的眼淚》首映禮，當時佢就以全英文接受訪問大晒流利英語。

3. 李施嬅

Photo from CNA/YT

畢業於加拿大多倫多大學嘅李施嬅，自離巢 TVB 後便參演咗加拿大電視劇《血與水》，並接受 CNA 訪問時以流利英文回答，可見實力非凡。

4. 朱千雪

Photo from Lost Ocean Fish/YT

自小就移民咗去加拿大嘅朱千雪，英文流利程絕對唔使質疑，早年佢喺明珠台節目《酒遍全世界》更曾經大晒超流利英文，以英文講出詳細嘅食評，令人眼前一亮。

5. 岑麗香

Photo from Hello Asia/YT

喺加拿大出生嘅岑麗香，英文自然難唔倒佢喇！佢就曾經以全英文接受外國媒體訪問，如果唔睇畫面可能都估唔到佢係香港演員嚟呀！

6. 張曦雯

Photo from Yum Cha HK/YT

曾喺美國定居嘅前明珠台主持張曦雯，英文能力一定有番咁上吓，之前佢就曾經因打機時狂講英文粗口而獲網民大讚。

7. 徐子珊

Photo from Kate Tsui/YT

曾喺美国加州大學戴維斯分校留學嘅徐子珊，早年就喺其個人嘅 YouTube channel 中以全英文拍片「AskKateTsui」，以全英文回答網民問題，佢嘅英文中仲帶有美式口音添㗎。

8. 何韻詩

Photo from TED/YT

何韻詩曾喺多次接受外國媒體訪問時以全英文接受訪問大晒流利英語，其中包括國際媒體 CNN 及 BBC 等嘅現場直播訪問。

9. 陳奕迅

Photo from Kingston University/YT

陳奕迅喺中學時期曾喺英國留學超過 10 年，所以佢除咗講得一口流利嘅英文外，佢嘅發音仲帶有濃厚嘅英國腔。而喺 2014 年時佢獲母校英國 Kingston University 頒授 Honors Degree of Arts 榮譽博士時就以一口流利嘅英語致辭及分享感受。

10. 鄧紫棋G.E.M.

Photo from GEM鄧紫棋 HK Fans Club/YT

當然唔少得演藝學院畢業嘅 G.E.M.鄧紫棋喇！2018 年時佢就曾獲邀出席美國太空總署「Breakthrough」頒獎禮，佢喺紅地毯接受訪問時以流利英語對答，完全冇怯場呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

周柏豪「斟茶遞水」/馬德鐘保護過戴妃盤點8位明星入行前嘅職業！

26 Mar 2021

其實好多明星都唔係一開始就入行做藝人，有啲人係誤打誤撞入咗行，亦有人係一邊打工一邊等待好嘅機會突圍而出。而家就一齊嚟細數下藝人們做過嘅其他職業，可能大家會發現有啲明星曾經係你哋同行呢～

Photo from 劉佩玥IG

1.馬國明

馬國明原本係一間玻璃幕牆公司嘅文員。可惜喺1997年辭職後，多次求職但都無受到任何嘅回音。機緣巧合下，喺呢個時候佢就收到TVB藝人訓練班嘅通知，之後佢就決定投身演藝界。相信當時嘅佢都無諗過自己可以成為影帝！

Photo from 馬國明IG

2.馬德鐘

由於受到兩位做警察嘅哥哥所影響，馬德鐘喺入行前就曾經加入警隊，曾經擔當G4要員保護組，保護過多位國際政治人物，包括有前任港督同埋已經去世嘅戴安娜王妃。喺2001年，佢亦模特兒身份正式入行。喺入行之後，佢亦多次飾演警察嘅角色，令唔少網民都講笑咁話入行前後都做一樣嘅嘢！

Photo from 馬德鐘IG

Photo from TVB

3.曹永廉

曹永廉曾經喺一次訪談中提及過，因為當年欠咗一身卡數，所亦佢好多工作都有做過，包括有胸圍推銷員、超市經理以及童裝售貨員。

Photo from 曹永廉IG

4.王浩信

王浩信喺入行前係一位平面設計師。佢嘅入行經過亦都十分匪夷所思，佢係因為唱卡拉OK而被經紀人發掘，後來再經過試音而正式簽約成為歌手。喺同唱片公司約滿後，先再加入TVB向電視劇方面發展。

Photo from 王浩信IG

5.陳茵媺

陳茵媺喺加拿大讀大學嘅時候修讀設計學系，曾經喺一間繪圖設計公司同埋時尚雜誌工作。返到香港之後，佢亦有喺國際學校擔任英文老師。由於佢對表演和模特兒行業感興趣，所以就決定喺2006年參選香港小姐，正式開始佢嘅演藝之路！

Photo from 陳茵媺IG

6.周柏豪

周柏豪喺入行前做過游泳教練、鋼琴老師及陳光榮錄音室工程師等。佢曾經講過喺錄音室要幫忙「斟茶遞水」，為容袓兒、鄭伊健等著名歌手倒過水。喺18歲嘅時候成為Starz Track旗下嘅兼職模特兒，曾經為唔同嘅品牌擔任Model。直到2007年先正式同華納音樂簽約，成為歌手。

Photo from 周柏豪IG

7.謝安琪

謝安琪喺大學嘅時候係修讀翻譯及語言學，所以佢嘅英文亦都非常流利。喺入行前，佢曾經擔任英文老師同埋鋼琴老師。後來，因為喜愛唱歌而決定成為歌手。

Photo from 謝安琪IG

8.劉佩玥

劉佩玥喺大學時期受人賞識，曾經加入模特兒公司「Jacso」做模特兒兩年，之後又曾經做過空姐。直到2013年參選香港小姐，正式踏入演藝圈。