邦民棄用TVB鄺潔楹 用投票形式選出第六代邦民女！ 盤點歷代邦民女 有一個變咗失蹤人口？！

邦民一向都搵樣貌甜美嘅模特兒為佢哋嘅代言人，亦因此而捧紅唔少嘅「邦民女」。最近，已經做咗近3年嘅第五代「邦民女」鄺潔楹（Judy）就將會「卸任」，而第6代「邦民女」就暫時有4位候選人，但今次就以大眾都可以一齊參與投票嘅形式選出人選！

Photo from 陳嘉寶IG

邦民日本財務公司由2004年開始就一直都會用本地嘅模特兒做佢哋嘅代言人。第五代「邦民女」鄺潔楹（Judy）就已經「上位」3年，亦好成功咁令佢有機會出演唔同嘅電視劇同綜藝節目。不過，日前第六代「邦民女」就現身，而且仲足足有4個咁多！

Photo from 鄺潔楹IG

Photo from 邦民IG

其實而家呢4位（Angel、Carrie、Eunice同Kate）都只係候選女神練習生，佢哋仲要接受一連串嘅考驗，再計算佢哋嘅總成績去選出最後嘅人選！計算嘅方法包括有：4月19號開始嘅全民人氣投票（佔50%）、5月喺ViuTV播出嘅四女任務挑戰賽（佔20%）、6月嘅專業評審賽（佔30%），而大家可以喺6月30號前投票支持自己心水嘅人選！

Photo from 邦民IG

咁就等我哋簡單介紹一下4位「邦民女」候選人啦～而最為人熟悉嘅兩位應該就係Carrie同Kate，佢哋兩個嘅IG followers都有高達5萬人！

Carrie （賴嘉賢）曾經喺發行過日本出道歌《 Hydr8》，係一位甜美系嘅模特兒兼歌手。佢亦都係保錡@ERROR嘅前女友，喺同佢拍拖期間，男方仲因為偷食張沛樂（沙律）而俾佢揭發！

Photo from Carrie IG

Photo from 保錡IG

Kate（伍熹賢）就係演員同模特兒，曾經出演ViuTV電視劇《暖男爸爸》，Eunice Yip就係模特兒兼beauty blogger，而Angel就係外拍模特兒。

Photo from KateIG

其實歷代亦有唔少嘅「邦民女」，佢哋各有特色，係唔少男士當時嘅女神！

第二代：羅凱珊 (Kama)

Kama喺成為「邦民女」之後，就曾經以?模身份喺書展推出大尺度的性感寫真，成功吸引唔少嘅宅男粉絲！不過後來佢就認為娛樂圈太複雜，而淡出幕前。然而，喺2012年就有傳媒報導佢改名叫Amanda，仲加盟Jessica C.前模特兒公司，專攻日本宅男。

Photo from KamaFB

Photo from 邦民廣告

第三代：陳嘉寶 (Anjaylia)

Anjaylia可以話係歷代「邦民女」發展的最好嘅一位，之後亦有多次機會拍攝電視劇同廣告，直到而家依然活躍於幕前。喺2017年，同初戀男友結婚，並且誕下兩個囡囡。

Photo from 邦民廣告

Photo from AnjayliaIG

第四代：黎紀君 (Christy)

喺成為「邦民女」之前，就已經少有名氣，之後就更加積極發展其模特兒事業。而佢入行以嚟都傳過唔少嘅緋聞，包括王宗堯、同楊受成兒子楊政龍嘅分分合合拍咗兩次拖，感情生活非常精彩！

Photo from 邦民廣告

Photo from ChristyIG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

富二代鄺潔楹身家大揭秘！豪言孭起近萬蚊拍攝額外費用 自爆高中曾與黑人Rapper拍拖

2 Mar , 2021

鄺潔楹（Judy）出演TVB J2節目《野外步出》，被爆家住大埔獨立屋嘅佢唔止盡顯豪氣本色，又自爆自己喺美國讀書時期嘅情史，指對方好有才華！

Photo from 《野外步出》

鄺潔楹喺《愛回家之開心速遞》飾演拜金港女「Venus」一角成功入屋！佢早前出演TVB J2節目《野外步出》，挑戰玩滑翔傘。

Photo from 鄺潔楹IG

雖然鄺潔楹身型嬌小但膽大大，唔止完全唔驚，更全程表現興奮。點知落地之後，攝影team發現喺空中嘅畫面得一開始嗰8分鐘，其他都無晒，令攝影師同主持人方紹聰（奶仔）火爆嗌交。

Photo from 《野外步出》

鄺潔楹見狀諗住做中間人，當得知要再拍攝一次就要額外畀每人$3,000（共$9,000）嘅滑翔傘費用，鄺潔楹即豪氣表示等佢畀，希望平息到雙方怒氣。

Photo from 《野外步出》

Photo from 《野外步出》

原來成件事奶仔同攝影team夾埋嚟整蠱鄺潔楹，睇下佢有無義氣，鄺潔楹二話不說即主動孭起近萬蚊拍攝費令奶仔相當感動。

Photo from 《野外步出》

其實鄺潔楹之前被爆家住大埔2,000呎獨立屋，係圈中富二代，鄺父鄺母係家具商人，哥哥從事金融業，鄺潔楹同哥哥更手持跑馬地豪宅，佢亦透露目標喺31歲可以唔靠屋企人畀到首期。

Photo from 鄺潔楹IG

Photo from 鄺潔楹IG

鄺潔楹2009喺美國留學，佢曾喺黑人家庭寄宿，談到感情經歷，佢自爆高中時身邊有好多黑人同學，於是中意咗識Rap嘅人，又指被當時男朋友嘅rap才華吸引：「唔同時期鍾意嘅嘢都唔同」，大讚舊愛係音樂才子型！

Photo from 鄺潔楹IG

即睇鄺潔楹豪氣片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

重返母校！鄺潔楹晒童年小學生相　網民讚靚樣咁多年都冇變：由細到大一樣咁Cute～

4 Nov 2020

近年以《愛．回家之開心速遞》中 Venus 一角成功入屋嘅 28 歲女神鄺潔楹（Judy），除咗清純甜美外表外，仲係娛圈中嘅小富婆嚟添。平日不時喺 IG 同大家分享生活點滴嘅佢，今日佢就喺 IG 大晒自己返小學探老師嘅相，仲公開咗佢嘅童年學生相呀！

Photo from 鄺潔楹/IG

鄺潔楹今日就喺 IG 上傳咗佢返回十幾年無返去嘅小學胡素貞博士紀念學校探老師，相中見佢除咗喺校門照相之外，當然唔少得參觀校舍，睇吓學校變化喇！

Photo from 鄺潔楹/IG

佢仲喺留言問粉絲有冇同校校友：「重返母校，有無師兄師姐師弟師妹係到？ #老師們都好親切而且仲好似凍齡咁 #點解以前無校園電視台我好想玩啊 #我細個已經鐘意帶頭箍哈哈。」

Photo from 鄺潔楹/IG

不過依個 post 最吸引大家嘅一定喺，鄺潔楹首次公開自己童年學生相，小學生 look 嘅佢戴住白色頭箍，好可愛呀！

Photo from 鄺潔楹/IG

而且佢個靚樣真係冇咩點變㗎，難怪一班網友除咗喺留言間相識係校友之外，仲大讚佢天生麗質，真正係純天然無添加，女神之名當之無愧喇～

Photo from 鄺潔楹/IG

Photo from 鄺潔楹/IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）