download HolidaySmart 假期日常 app
193@ERROR IG粉絲已超越姜濤!承諾收口?花姐證正接洽任米線代言人:想免費食一年米線

193@ERROR IG粉絲已超越姜濤!承諾收口?花姐證正接洽任米線代言人:想免費食一年米線

娛樂新聞
By Celia on 22 Apr 2021
Digital Editor

組合ERROR成員 193(郭嘉駿)近日可以話係人氣爆燈呀!仍繼早前佢直腸直肚嘅串爆友台後,近日就因佢曾表示想做米線代言人後,即時喺網上出現一個「我要193代言譚仔三哥」嘅 hashtag,令其人氣超越姜濤添呀!

Photo from 193/IG

ERROR成員 193 平時直率敢言,早就被隊員戲稱為「三爺」。而佢正正因為其直率嘅性格成功收獲咗唔少粉絲,佢依家嘅人氣更已超越另一人氣王-姜濤。193 嘅 IG 賬戶 followers 截至今天上午 11 時已升至約有 20.5 萬followers,比姜濤嘅 20.2萬 followers 多出 3000 人,人氣真係好勁呀!

Photo from 193/IG

Photo from 姜濤/IG

另外,佢之前喺出席《CHILL CLUB推介榜 年度推介20/21》接受訪問時就指自己想叫「三哥」多啲,因為想做米線代言人。因此引嚟唔少網民發起「我要193代言譚仔三哥」行動,喺譚仔三哥嘅 Facebook 專頁中洗版留言,更有網友指希望 193 可以同「三小辣」合作,而譚仔三哥嘅小編當然相當識做留言表示︰「打緊比花姐,三哥巧有feel」,令一眾網民大讚話期待「193 餐」嘅出現。

Photo from 譚仔三哥米線 /FB

Photo from 譚仔三哥米線 /FB

日前依個代言消息更被花姐證實雙方正處於相討合作事宜,並笑言希望成事,想免費食一年米線。

Photo from 193/IG

而 193 自己亦有喺其 IG story 中指自己以後會慎言,並透露有同相關商業合作洽談中,叫大家唔好去留言洗版:「多謝大家支持 估唔到我鳩噏一句竟然咁有影響力 我以後會慎言了 目前因為我嘅檔期問期 有關商業合作仍然洽商中 麻煩各位乖乖地唔好再去留言洗版了 嚇親人就唔好啦 3仔已經收到晒大家嘅好意 我愛你哋」

Photo from 193/IG

Photo from 193/IG

咁睇嚟繼姜 B 餐之後,應該唔使幾耐就會有 193 餐出現喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陸浩明回應193暗寸40歲仲扮後生仔 認同193做自己「細個嘅時候個個都會犯錯!」

21 Apr 2021

193@ERROR早前就暗寸陸浩明(6號)「40幾歲仲後生仔傾吓偈」,而6號琴日出席活動嘅時候就話唔介意對方咁講,仲表示自己因為太忙所以冇咩時間睇對台嘅節目!

6號IGPhoto from 6號IG

即將42歲嘅陸浩明(6號)近呢幾年都經常做司儀同主持不同嘅節目,備電視台重用。琴日,6號就同主持拍檔馮盈盈齊齊現身出席活動,就被問到關於193@ERROR暗寸佢年紀大嘅事。佢就表示自己唔介意俾人寸,仲話多謝對方有留意佢哋嘅節目!

6號IGPhoto from 6號IG

193IGPhoto from 193IG

6號又補充話自己喺《#後生仔傾吓偈》入面係好似領隊嘅角色,負責帶領佢哋開topic傾計。而身旁嘅馮盈盈就即刻幫手解畫話好感謝6號成日出嚟幫佢哋打圓場,一班年輕人成日都會口快快講錯嘢,得罪人都唔知,所以6號係好重要嘅角色!

《後生仔傾吓偈》Photo from 《後生仔傾吓偈》

馮盈盈IGPhoto from 馮盈盈IG

當被問到有冇睇過ERROR嘅節目時,6號就話自己忙住睇美股,冇時間睇對台嘅節目。而談及193俾人話唔尊重前輩時,6號就回應「做呢行好多嘢都要喺經驗中學習,我哋細細個都會犯錯,所以唔好俾框架自己,做返自己係最正!」

《花姐ERROR遊 2》Photo from 《花姐ERROR遊 2》

6號IGPhoto from 6號IG

之後,被問到「伯樂」余詠珊即將離開TVB一事時,6號竟然以好見外嘅口吻話感謝佢一直嘅付出,並且祝福佢有新發展。而近日有傳TVB推「限廚令」,有份同肥媽一齊主持煮食節目嘅6號就被問到係咪備受牽連,佢就話工作如常,冇咩影響。

6號IGPhoto from 6號IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel