download HolidaySmart 假期日常 app
韓男化妝後撞樣BTS防彈少年團成員?高超化妝技巧震驚網民

韓男化妝後撞樣BTS防彈少年團成員?高超化妝技巧震驚網民

生活熱話
By Celia on 22 Apr 2021
Digital Editor

要講整容又點可以唔提韓國喇~不過原來佢哋嘅化妝技術都非常高超,仲可以堪比整容添呀!近日,喺 YouTube 上就有一條邀請咗 4 名男生 2 名女生嘅韓國韓星仿妝聯誼片,其中嘅神級化妝技術引起咗唔少網民熱議。

Photo from ZAMSTER/YT

近日喺 YouTube channel「잼스터」上就有一段即席示範韓星仿妝並與女生聯誼嘅影片,片中嘅 4 名男生及 2 名女生均以素顏現身,其中一位男 YouTuber jellychi喺由「素人」易容成「偶像」嘅整容級化妝技術震驚節目組。

Photo from ZAMSTER/YT

依位男 YouTuber jellychi 喺素顏時外貌略為普通,屬於喺街上見到都未必會望多眼嘅類型嚟,所以一開始時並冇被現場嘅兩位女生選中。

Photo from ZAMSTER/YT

之後,佢哋 6 人先後誰行化妝,Jellychi 喺化妝時先戴有色隱形眼鏡,然後就係畫眉,而喺佢畫眉毛嘅時候,佢身邊嘅女生即驚嘆,事關佢喺變化相當大呀。

Photo from ZAMSTER/YT

Photo from ZAMSTER/YT

而喺畫完整個妝容後,Jellychi 暗黃嘅膚色變得白晢、眉毛更利落、雙眼有神、嘴唇亦由暗紫色變得有血氣。唔怪得該女生都忍唔住反問「你哪位?」。

Photo from ZAMSTER/YT

之後 Jellychi 再用直髮夾捲髮為自己嘅頭髮造型,佢捲出同韓星同款髮型,令大家都讚嘆:「真的好帥」。現場嘅人更指佢化妝後同韓團防彈少年團中嘅 V 相似。

Photo from ZAMSTER/YT

Jellychi 喺每次進一步變化時都畀人一樣換咗人嘅感覺,如果唔係睇住佢化,可以真係會以為佢換咗兩次人拍攝一樣。

Photo from ZAMSTER/YT

不過可惜喺節目最後,Jellychi 並冇沒被兩名女生選中,但佢嘅「整容級」化妝技巧就令唔少網民嘆為觀止,紛紛指佢化妝後簡直變咗個人,有網民更笑指該 Jellychi 嘅化妝「是幾乎從無到有的創造」、「是否開了修圖軟體特效?」等。

Photo from 젤리치/IG

Photo from 젤리치/IG

真係相差太大喇!如果可以化到佢咁勁,相信可以慳到唔少微調嘅費用~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

日本20歲眼大白滑可愛靚女真實身分係電車男?超勁化妝技巧連女生都忍唔住求教

16 Feb 2021

日本作為動漫王國,有去過日本玩嘅大家不時都會有機會見到唔少人 cosplay 唔同嘅動漫角色,其中大多 cosplay 嘅角色都會以女生角色為主。早前日本就有一名本身唔多起眼嘅男生因為超班嘅化妝技術搖身一變成為甜美可愛嘅美女,靚到連女生都有少少羨慕呀!

日本男生因為超班嘅化妝技術搖身一變成為甜美可愛嘅美女

靚到連女生都有少少羨慕呀!

依位 20 歲嘅日本男子叫「夏野きゅーり」,本身活躍於社交平台,鍾意打扮成還原度 100% 嘅動漫人物最令佢有成功感,而佢亦係日本 cosplay 文化中常見嘅「偽娘」!

依位 20 歲嘅日本男子叫「夏野きゅーり」

佢係日本 cosplay 文化中常見嘅「偽娘」!

「夏野きゅーり」本身係一個油頭垢面嘅電車男嚟,唔單止眼超細、皮膚黑,樣貌亦唔算十分討好,但經過變妝後,就會搖身一變成為眼睛比原先大十倍、皮膚白滑、五官非常精緻嘅美女!

「夏野きゅーり」本身係一個油頭垢面嘅電車男嚟

眼超細、皮膚黑,樣貌亦唔算十分討好

夏野きゅーり

佢裝起清純學生妹時楚楚可憐嘅感覺,加上尖尖嘅瓜子臉同露出笑容甜美嘅櫻桃小嘴,簡直迷倒唔少人,完全冇暴露佢係男生嘅蛛絲馬跡~

清純學生妹時楚楚可憐嘅感覺

尖尖嘅瓜子臉同露出笑容甜美嘅櫻桃小嘴,簡直迷倒唔少人

完全冇暴露佢係男生嘅蛛絲馬跡

真係扮得好靚呀

而除咗學生造型外,就連性感嘅小背心都難唔到佢,纖幼嘅手臂同明顯嘅鎖骨很盡現性感美~同佢以真面目示人時真係原來兩個人嚟。

除咗學生造型外,就連性感嘅小背心都難唔到佢

唔少網友睇到咁大嘅對比後都大感驚訝,就連女網友都忍唔住要留言求化妝教學。

但亦有網友認為佢可以扮得咁扮除咗單靠化妝,仲一定要用美顏 App 「ULIKE」同修圖先可以影出咁似女生嘅相,如果唔係就一定會露餡,看得出係男生嚟!

有網友認為佢可以扮得咁扮除咗單靠化妝,仲一定要用美顏 App 「ULIKE」同修圖先可以影出咁似女生嘅相

而且唔化妝個樣仲有少少似寵物小精靈入面嘅「小剛」添~

cos 男生角色出嚟嘅效果都唔錯㗎!

不過講到尾「夏野きゅーり」都只係熱愛 cosplay 啫,無論男定女嘅角色佢都會嘗試,出嚟嘅效果都唔錯㗎!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel