台灣網紅公開17歲未箍牙舊照！嚇窒粉絲即時unfollow急PO可愛童年照挽留

台灣網紅潔哥（李秉潔）外貌甜美、擁有魔鬼身材。佢近日喺Facebook公開20年前嘅高中舊照，相中佢身形略有發福兼有暴牙，竟嚇到fans即時unfollow佢！

Photo from 潔哥IG

潔哥同老公「岳妹」喺高中時期就已經拍拖，交往18年後結婚，依家更生咗女兒，一家人幸福美滿。

Photo from 潔哥Facebook

潔哥身材驕人，喺Facebook有40萬個followers，人氣唔低，佢最近喺Facebook公開咗自己17歲時嘅舊照。

Photo from 潔哥IG

Photo from 潔哥IG

17歲嘅潔哥身形同依家好唔同，皮膚暗啞黝黑，仲有暴牙。潔哥表示當時身高153cm、體重58～60kg，已經同緊現任老公「岳妹」一齊，佢指自己有整牙，又澄清自己皮膚唔算黑，只係當時相機像素好低：「你們沒發現右下我的拍手照，後面那個人手更黑嗎XD」

Photo from 潔哥Facebook

Photo from 潔哥IG

潔哥話17歲時體重同依家相差20kg，五官無點變過，當時變重係因為佢16歲開始喺Pizza店打工，員工可以食免費pizza做午餐、晚餐，而佢最高紀錄可以一人食晒成個大pizza，結果令身形發福。

Photo from 潔哥IG

Photo from 潔哥Facebook

17歲未箍牙舊照曝光後，唔知係咪嚇親啲fans，潔哥嘅followers人數竟然即刻下跌，為挽回粉絲，佢post出自己嘅童年照。

Photo from 潔哥Facebook

潔哥童年時期眼大大相當精靈，亦睇得出同依家個樣分別不大，力證自己未有整容！

Photo from 潔哥Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

台灣人妻網紅幫男密友徵女友大曬6年純友誼 網民：似斷佢桃花多啲！

21 Apr 2021

相信好多男仔都唔係咁甘願「做兵」，但往往喺追求心儀嘅女仔時都會唔小心墮入「做兵」嘅陷阱。近日，有台灣網紅就公開幫佢嘅男性密友徵女友，仲大曬佢哋之間嘅深厚友誼，但就俾網民認為男仔其實根本就係一個「超級兵」、「工具人王者」！

Photo from TVB

台灣網紅十三瑜已經係兩個小朋友嘅媽媽，成日都會喺社交網站分享一家人嘅生活日常。日前，佢就喺Facebook開Po 幫自己嘅男性密友徵求女友，仲話因為對方先令佢相信男女之間係有純友誼！

Photo from 十三瑜FB

Photo from 十三瑜FB

十三瑜就表示同呢位男性朋友已經認識咗6年，由啱啱大學year 1開始，以前大家一齊日日搭車去上堂，到而家陪佢一齊經歷咗好多人生嘅重要階段。佢仲話自己因為懷孕而需要休學，就連休學嘅手續都係佢嘅男性朋友幫佢整。

Photo from 十三瑜FB

Photo from 十三瑜FB

直到而家十三瑜自己創業，成日都因為搞唔掂公司嘅帳，佢嘅男性密友都會好有耐性咁教導佢，甚至直接幫佢整好。而呢位男性密友一放假就會去佢屋企，就連佢奶奶都已經習慣佢嘅存在，同保母姐姐一樣成為咗佢哋嘅屋企人，新年食團年飯都會叫埋佢一齊，有時候甚至會喺佢哋屋企嘅倉庫訓！

Photo from TVB

唔單止係咁，就連十三瑜嘅老公「老宋」都好重視呢位男性密友，喺佢生日嘅時候就即刻買咗隻台幣7萬（約港幣1萬9）嘅手錶俾佢，形容大家嘅關係已經昇華到成為家人，仲大讚佢花心機學習照顧小朋友，到而家已經可以一個人幫佢帶小朋友！

Photo from TVB

直到最後，十三瑜先加返句話佢嘅男性密友暫時仲係單身，歡迎有意嘅女仔私訊佢，似乎想透過講佢哋兩個之間嘅事去幫佢徵友～

Photo from TVB

唔少網民喺睇完呢個post之後，都認為呢個男仔一定對十三瑜有意思，形容佢係一個「超級工具人」（觀音兵）！呢個post亦引嚟唔少嘅台灣網紅喺下面留言，認為佢咁樣講更加似係幫朋友斷桃花多啲～

Photo from 十三瑜FB

Photo from 十三瑜FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

內地網紅背叛CEO男友同富二代新歡訂婚被踢爆！ 被退婚兼收回2150萬聘禮，人財兩失！

19 Apr 2021

有啲人拍拖就可以長長久久，但亦有啲人係鍾意不停換新對象。早前，一名內地網紅就被爆料背住CEO男友偷偷結識富二代，並且搞訂婚宴，令男友忍唔住大爆佢嘅惡行，搞到佢人財兩失！

Photo from 項思醒微博

內地抖音網紅項思醒憑住亮麗嘅外表同好身材，吸引咗唔少嘅粉絲。近日，佢就俾交往接近3年嘅服飾業CEO男友張科峰大爆佢偷偷結識富二代新歡，仲不惜為咗嫁入豪門，而同對方搞訂婚宴！

Photo from 項思醒微博

Photo from 項思醒微博

為咗出席訂婚宴，佢就騙男友只係去朋友婚禮做伴娘。張科峰因為發現事實而非常憤怒，去大鬧訂婚宴，仲親自整咗個足足有65頁嘅PPT大爆佢多年來嘅荒唐事蹟，表示喺交往期間佢曾經同多名男士「約砲」，係靠男人上位嘅「玩家」！

Photo from 微博

Photo from 微博

最可怕嘅係項思醒嘅父母明知道女兒已經有男友，但都會依然介紹更加有錢嘅對象比佢，母親仲會教導佢如何捊擄富二代家人的心，直指全家人都好有問題！

Photo from 微博

Photo from 微博

而項思醒就反駁自己只係因為當年俾張科峰性侵，所以先會同對方發展成情侶關係，但之後多次被施暴，令佢下定決心離開，仲話已經因為佢大鬧訂婚宴而決定吿佢！

Photo from 項思醒微博

Photo from 項思醒微博

雖然項思醒已經即時反駁所有嘅控訴，但富二代嘅家人已經私底下同佢解除婚約，仲要求佢比返價值$1,800萬人民幣（約港幣$2,150萬）嘅聘禮！同一時間，張科峰亦表示冇諗過件事會搞到咁大，現時只希望對方同佢道歉同埋還返之前贈予嘅$127萬人民幣（約港幣$151萬）。

Photo from 項思醒微博

Photo from 張科峰抖音

婚約被解除後，網上就流傳咗一段項思醒自拍嘅爆喊片段，片中佢摀嘴痛哭，並且向富二代男友道歉。但網民就認為佢呢段影片好有可能係兩母女精心設計嘅，諷刺佢係「影后」。亦有網民話「要俾人收返巨額嘅聘禮，又難怪會喊到全身發抖嘅」！

Photo from 微博

Photo from 項思醒微博

另外，有網民就話項思醒嘅樣貌好似好百變咁，認為張科峰爆料嘅相同佢自己po嘅相有啲落差，搞唔清邊個先係真正嘅佢！

Photo from 微博

Photo from 項思醒微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）