張馨月俾網民瘋傳內衣模特兒照 林峯嬲爆居然咁樣還擊!

張馨月俾網民瘋傳內衣模特兒照 林峯嬲爆居然咁樣還擊!

娛樂新聞
By Stephanie on 22 Apr 2021
Digital Content Writer

最近開播嘅內地真人騷《妻子的浪漫旅行》第五季,林峯同張馨月呢對夫婦就有份出演。喺最新一集,幾對夫婦就坐埋一齊食飯傾計,期間林峯同張馨月就有正面回應一直以嚟有關佢哋嘅輿論!

《妻子的浪漫旅行》微博Photo from 張馨月微博

林峯同張馨月喺2019年宣布結婚後,誕下女兒,但婚後一直都承受大眾唔同嘅輿論壓力。喺最新一集嘅《妻子的浪漫旅行》,幾對夫婦就喺滑雪場玩完之後,一齊食飯傾訴。當大家討論到有冇試過開細帳去鬧翻俾惡評老婆嘅網民時,林峯就承認自己有咁做過,令身旁唔知情嘅老婆好驚訝!

《妻子的浪漫旅行》微博Photo from 《妻子的浪漫旅行》微博

《妻子的浪漫旅行》Photo from 《妻子的浪漫旅行》

林峯就話其實佢從來都唔太在意網民們嘅評論,仲好man咁話要攻擊就攻擊佢一個,唔好胡亂攻擊佢嘅家人。佢認為網民們所做嘅已經係網絡暴力,評論亦講的好過分,深深咁影響佢身邊嘅人,仲狠批呢種風氣好差!

《妻子的浪漫旅行》Photo from 《妻子的浪漫旅行》

《妻子的浪漫旅行》Photo from 《妻子的浪漫旅行》

張馨月喺接受個人採訪嘅時候,就話認為其他男演員嘅老婆都好靚,但自己就只係一個普通人,所以壓力好大。當提到兩人結婚俾網民鬧嘅時候,佢就忍唔住喊,話其實自己心裏面有啲唔舒服,因為怕自己嘅嘢會影響到老公嘅事業。仲強調自己並非貪圖林峯嘅錢,就算離婚都唔會分身家!

《妻子的浪漫旅行》Photo from 《妻子的浪漫旅行》

《妻子的浪漫旅行》Photo from 《妻子的浪漫旅行》

張馨月憑著優越嘅身高同身材,曾經獲得2010年全國時尚內衣模特大賽嘅亞軍,仲因此而拍過性感內衣嘅廣告。而佢以前拍過嘅性感照片,都俾網民喺佢哋兩人宣佈結婚後重新翻出嚟!有網民仲話佢曾經整過容同林峯一啲都唔襯等嘅評論,令兩人承受唔少輿論壓力。

《妻子的浪漫旅行》Photo from 《妻子的浪漫旅行》

張馨月微博Photo from 張馨月微博

喺兩人嘅訪談環節,林峯認為老婆以前係自己腳踏實地出嚟工作,好獨立咁生活,並非網民所講嘅黑歷史!仲勸喻大眾應該要用正確嘅目光同態度對待所有人,睇得出林峯真係好維護太太~

《妻子的浪漫旅行》Photo from 《妻子的浪漫旅行》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林峯張馨月夫妻檔上陣放閃 林峯心痛老婆受惡評攻擊「佢所有嘢都好完美」

8 Apr , 2021

最近,林峯就同老婆張馨月罕有咁以夫妻檔亮相內地真人show《妻子的浪漫旅行5》,令好多網民都話十分期待。日前,節目組就上載咗段宣傳影片,片中林峯同老婆高調放閃,亦喺接受節目組訪問嘅時候回應外界對佢哋嘅傳聞!

廣告
廣告

張馨月微博Photo from 張馨月微博

喺2019年年尾,林峯就對外宣布同當時交往一年半嘅張馨月結婚,並且於2020年9月誕下女兒。而近日兩人就以夫妻檔出演內地真人show《妻子的浪漫旅行5》,由於兩人甚少一齊亮相於幕前,所以佢哋出演嘅消息令好多網民都表示好期待!

張馨月微博Photo from 張馨月微博

張馨月微博Photo from 張馨月微博

近日,節目組就上載咗新嘅宣傳片,片段中就曝光兩人嘅甜蜜日常同埋佢哋一齊去溜冰嘅畫面,二人公然放閃,羨煞旁人!

《妻子的浪漫旅行5》Photo from 《妻子的浪漫旅行5》

《妻子的浪漫旅行5》Photo from 《妻子的浪漫旅行5》

其實林峯同張馨月當時宣布婚訊嘅時候,就飽受外界嘅輿論壓力!而佢哋兩個亦藉著節目回應當時嘅傳聞,張馨月喺接受採訪時就話「好多人都會質疑我哋嘅感情,覺得太快結婚,是不是因為父母的關係,還是說因為懷孕......」 仲話希望可以借呢個機會俾大家睇佢哋兩夫妻平時嘅相處,令大家改觀。

《妻子的浪漫旅行5》Photo from 《妻子的浪漫旅行5》

《妻子的浪漫旅行5》Photo from 《妻子的浪漫旅行5》

另一邊,林峯喺訪問就話非常心痛老婆受到網民嘅惡評攻擊,心裏面覺得好氣憤,認為老婆唔應該要承受咁多壓力!而佢就話希望可以透過節目令大家知道佢老婆有幾好,果然愛妻心切~

《妻子的浪漫旅行5》Photo from 《妻子的浪漫旅行5》

而林峯亦大曬老婆嘅三大優點,三觀正、孝順、對朋友仗義等,仲話喺佢眼中連老婆嘅身高都係優點!

《妻子的浪漫旅行5》Photo from 《妻子的浪漫旅行5》

《妻子的浪漫旅行5》Photo from 《妻子的浪漫旅行5》

喺影片釋出之後,網民們都紛紛留言表示好期待可以睇二人嘅放閃日常!

YoutubePhoto from Youtube

YoutubePhoto from Youtube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel