download HolidaySmart 假期日常 app
謝安琪加盟ViuTV有先兆!老公張繼聰力撐:可以自由兩邊走

謝安琪加盟ViuTV有先兆!老公張繼聰力撐:可以自由兩邊走

娛樂新聞
By Celia on 23 Apr 2021
Digital Editor

謝安琪(Kay)自今年 1 月離開 Juno 公司後,一直未冇簽新公司,正喺大家都非常關心佢嘅新動向時,近日就有報導指佢將加盟 ViuTV 成為「鎮台之寶」,而且更會加盟大國文化出碟及開演唱會添!

Photo from 張繼聰/IG

近日張繼聰經常喺 TVB 出現,令唔少人猜測佢係咪回巢之際,就有消息傳出指佢老婆謝安琪將會加盟 ViuTV 同佢打對台。報導中 ViuTV 高層正秘密「招兵」,瞄準具知名度但又非跟 TVB「有親」嘅歌手及藝人加盟,做好準備同無綫展開長久戰。

而消息中就有傳 ViuTV 正向謝安琪招手,並提出「雙贏」合作條件作利誘,讓其穩坐 ViuTV「鎮台之寶」及「唱片公司一姐」嘅寶座,並以佢嘅天后效應同 TVB 抗衡!

Photo from 謝安琪/IG

有指 ViuTV 將吸引贊助商揼本投資大製作劇集,令 5 年前曾拍過電視劇《殭》嘅佢再做「女一」,並且由 ViuTV 嘅「姊妹公司」大國文化為佢籌辦演唱會。

Photo from TVB

雖然 ViuTV 有最近人氣爆燈嘅 MIRROR ,但佢哋嘅人氣喺商演中始終冇謝安琪高,據知其商演價喺未受疫情影響下,每個騷叫價 60 至 70 萬元仍然有價有市,相比 MIRROR 雖然人氣高但騷價仍比佢少 10 萬元。

Photo from 謝安琪/IG

不過 ViuTV 製作部副總裁金廣誠受訪時,只承認有節目找謝安琪合作,但提到是否傾對訪加盟時,佢就指 ViuTV 嘅大門長期打開及歡迎同任何藝人合作。

Photo from 謝安琪/IG

雖然謝安琪對事件並未有回應,但身為佢老公嘅張繼聰就指只要太太開心就會支持,並指現時兩個台都好開放,可以自由兩邊走。至於佢會唔會回巢拍劇,佢就坦言唔排除依個可能性,但今年嘅檔期已被電影排滿,同時亦感激影視圈畀佢演出機會。

Photo from 張繼聰/IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

謝安琪約滿麥浚龍公司離巢!屢傳與Juno不和終結束3年合作關係

06 Jan 2021

謝安琪(Kay)入行16年,2017年簽約麥浚龍(Juno)旗下幻國文化娛樂,合作3年終約滿離巢。阿Kay工作聯絡資料亦已更改,早前與Juno屢傳不和,兩人雖否認傳聞但最終仍未有續約。

謝安琪(Kay)入行16年,換過好幾間唱片公司,直至2017年簽約至麥浚龍(Juno)旗下幻國文化娛樂,同任唱片公司同經紀公司。

謝安琪(Kay)入行16年,2017年簽約至麥浚龍(Juno)旗下幻國文化娛樂

阿Kay簽約Juno後,兩人合作推出一系列作品,為期三年嘅音樂企劃。

阿Kay簽約Juno後,兩人合作推出一系列作品

不過近年阿Kay屢傳與Juno不和,先係阿Kay喺演唱會上率先唱新歌未有知會Juno,令Juno要公開向所有受影響人士致歉。之後阿Kay更unfollow埋Juno Instagram,不和傳聞甚囂塵上。

近年阿Kay屢傳與Juno不和

有指阿Kay獲邀請代言修身產品,但因為遲遲未減到肥令廣告商不滿,最終連累公司損失7位數收入。

有指阿Kay獲邀請代言修身產品,但因為遲遲未減到肥令廣告商不滿,最終連累公司損失7位數收入

兩人雖然否認有不和,但阿Kay直言同Juno工作以外嘅話題較少,但一直都有交流。

兩人雖然否認有不和,但阿Kay直言同Juno工作以外嘅話題較少

早前阿Kay更改工作聯絡資料,佢向傳媒表示同幻國文化娛樂嘅合約已經完結,暫時未有新的動向。佢亦喺IG發長文感謝fans 16年嚟嘅支持:「前路如何,彷彿言之尚早,只想衷心祝願,我們情誼不老」


在 Instagram 查看這則貼文

Kay Tse 謝安琪(@kaytse)分享的貼文

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel