download HolidaySmart 假期日常 app
劉嘉玲上海食小籠包被誤認張曼玉 超幽默神回獲網民激讚

劉嘉玲上海食小籠包被誤認張曼玉 超幽默神回獲網民激讚

娛樂新聞
By Celia on 23 Apr 2021
Digital Editor

出道多年嘅劉嘉玲,雖然演藝成就斐然,但佢同梁朝偉喺婚後都非常低調。近日去咗上海做嘢嘅佢,當然唔少得趁空檔去品嚐上海小籠包喇,佢仲同內地演員兼網紅徐祥一齊拍咗段搞笑短片同大家開心 share 添!

Photo from 劉嘉玲/FB

近日喺上海做嘢嘅劉嘉玲就喺社交網中上傳咗一片佢喺上海城皇廟一間餐館食嘢嘅片,片中係一段佢同店員點菜時嘅對話嚟。

Photo from 劉嘉玲/FB

劉嘉玲戴住黑色嘅帽子同太陽眼鏡,身穿拼色風衣向店員落單指店中嘅特色小籠包各要一份時,就被店員表示佢起嚟好熟口面,但劉嘉玲就指自己係第一次嚟,隨後店員當場認出係大明星,聽得佢心花怒放,但因為唔想引起騷動,所以就叫他細聲啲,但店員居然脫口而出:「你先生是梁朝偉是吧?」

Photo from 劉嘉玲/FB

之後店員更指自己一眼就睇出佢係張曼玉,但其實唔少人都知劉嘉玲同梁朝偉結婚前,梁朝偉曾同張曼玉傳過曖昧,當時更因此而引起劉嘉玲不悅,與張曼玉形同陌路。

Photo from 劉嘉玲/FB

而喺片中雖然睇到劉嘉玲而露無奈同尷尬,但佢都不忘幽自己一默:「老闆,你認錯人喇,我是林青霞。」

Photo from 劉嘉玲/FB

Photo from 劉嘉玲/FB

店員即附和叫佢青霞姐,並要求為佢簽名後做隨即離開。但唔好以為段片就咁就完,喺片尾中劉嘉玲就疑惑地自言自語說:「吖,我寫什麼名字好呢?」

Photo from 劉嘉玲/FB

Photo from 劉嘉玲/FB

而唔少網民睇完,隨咗大讚劉嘉玲好有幽默感之外,更有唔少網民提議佢簽名咩名如「梁太」、「寫梅姐嚇死他」、「簽上海不敗」。

Photo from 劉嘉玲/FB

Photo from 劉嘉玲/FB

Photo from 劉嘉玲/FB

另外亦有網友指片中嘅徐祥真大膽:「說誰不好,非要說張曼玉」、「膽子大歐在劉嘉玲面前提張曼玉」、「徐祥出息了」等等,引嚟徐祥本人留言解釋:「對不起,因為您戴著眼鏡沒有認出來。下次我就記住啦!嘉玲姐!《你好李煥英》是真的好看!」

Photo from 劉嘉玲/微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

劉嘉玲新版《半生緣》演舞女被話似上海灘大佬 網民:為了養家打下上海

24 Nov 2020

劉嘉玲、蔣欣及鄭元暢主演嘅內地劇集《情深緣起》開播,演員陣容鼎盛,更邀請到劉嘉玲出演,不過有部分網民似乎對劇集唔太滿意。

內地劇集《情深緣起》開播,演員陣容鼎盛,更邀請到劉嘉玲出演。Photo from 電視劇情深緣起@微博

《情深緣起》改編自張愛玲嘅小說《半生緣》,劉嘉玲飾演「顧曼璐」、蔣欣飾演「顧曼禎」、鄭元暢飾演「沈世鈞」。故事以三十年代舊上海為背景,講述「顧曼禎」同「沈世鈞」之間悲涼嘅愛情故事,兩人相愛卻唔可以一齊,「顧曼禎」更被姐夫「祝鴻才」覬覦,姐姐死後嫁咗畀「祝鴻才」。多年以後「顧曼禎」同「沈世鈞」再相見,可惜已經物是人非。

劉嘉玲飾演「顧曼璐」。Photo from 電視劇情深緣起@微博

蔣欣飾演「顧曼禎」。Photo from 電視劇情深緣起@微博

鄭元暢飾演「沈世鈞」。Photo from 電視劇情深緣起@微博

劉嘉玲喺劇中飾演交際花「顧曼璐」,係「顧曼禎」嘅姐姐,「顧曼璐」同「顧曼楨」喺小說中都係 20 幾歲,不過劉嘉玲已經 54 歲,蔣欣 37 歲,實在唔符合原著嘅人物設定,加上兩人相差 17 歲,有網民話兩人唔似姊妹,似母女。

兩人相差 17 歲,有網民話兩人唔似姊妹,似母女。Photo from 電視劇情深緣起@微博

Photo from 微博

Photo from 微博

另外,劉嘉玲飾演舞女,不過就有網民覺得劉嘉玲嘅氣場太勁,完全唔似風塵女子,反而似「上海灘大佬」,「為了養家打下上海」。

有網民覺得劉嘉玲嘅氣場太勁,完全唔似風塵女子,反而似「上海灘大佬」。Photo from 電視劇情深緣起@微博

Photo from 微博

Photo from 微博

Photo from 微博

Photo from 微博

除咗氣場之外,體型都成為網民嘅討論焦點。張愛玲小說嘅女主角大多比較瘦弱,係一種「弱女子」嘅形象,不過劉嘉玲同蔣欣就被網民認為體格太壯,冇「弱女子」嘅感覺,反而似一齊去「踏平上海灘」!更有網民搞笑咁話蔣欣咁高大威猛,可以一拳打扁「祝鴻才」然後就劇終。

有網民認為劉嘉玲同蔣欣體格太壯,冇「弱女子」嘅感覺。Photo from 電視劇情深緣起@微博

Photo from 電視劇情深緣起@微博

Photo from 微博

Photo from 微博

Photo from 微博

Photo from 微博

不過最令網民震驚嘅係劉嘉玲喺劇中嘅孖辮造型,劇中「顧曼璐」為咗贏得花魁,換咗妹妹嘅校服,以孖辮造型亮相,以《茉莉花》一曲贏得掌聲。不過網民就對劉嘉玲孖辮嘅造型唔太鍾意,仲表示「這個扮相太可怕了」、「太尷尬了,50 幾就不要演『少女』好嗎」。

最令網民震驚嘅係劉嘉玲喺劇中嘅孖辮造型。Photo from 《情深緣起》

Photo from 《情深緣起》

Photo from 微博

Photo from 微博

劉嘉玲嘅氣場真係好勁⋯⋯不過可以請到劉嘉玲出演,的確成為套劇嘅一大亮點!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel