download HolidaySmart 假期日常 app
大埔比華利山4億騙案騙徒離奇失蹤!江美儀疑似受騙:屋企人話好擔心我

大埔比華利山4億騙案騙徒離奇失蹤!江美儀疑似受騙:屋企人話好擔心我

娛樂新聞
By Stephanie on 23 Apr 2021
Digital Content Writer

最近,就有傳大埔比華利山屋苑有「假富豪」喺屋苑內同鄰居講投資藥品可獲高息回報,藉此騙取金錢。有傳多位名人包括有謝安琪、江美儀等人都係苦主,琴晚嘅《東張西望》就訪問江美儀講出騙案嘅更多細節!

《東張西望》Photo from 《東張西望》

大埔比華利山屋苑嘅騙案最近就傳得如火如荼,唔單止喺屋苑內貼滿追數大字報,甚至喺大埔區都貼咗好多有關單張。事關呢位「假富豪」用多年設計呢場大騙局,哄苦主們話投資藥品可以賺取更高回報,而遭殃嘅包括有唔少政商界名人同娛樂界明星,一共有四億咁多!

《東張西望》Photo from 《東張西望》

《東張西望》Photo from 《東張西望》

有傳呢位騙子叫做Michael,俾人稱為黎博士,睇落非常有錢有勢。根據受訪者所講,每次去佢屋企都有至少3個身穿西裝嘅保鏢,工人都有至少八九個,俾人嘅感覺係好友善嘅成功人士,而佢嘅特徵就係擁有一頭不羈嘅長髮。

《東張西望》Photo from 《東張西望》

《東張西望》Photo from 《東張西望》

根據呢位「假富豪」曾經做過嘅個訪問,佢爸爸係經營金融公司,但佢就偏偏要白手興家,30歲前就已經成功賺到第一桶金。而受害者們就話佢自稱自己有多間上市公司,下面仲有百幾間公司,涉獵範圍十分廣泛!

《東張西望》Photo from 《東張西望》

《東張西望》Photo from 《東張西望》

由於「假富豪」係獅子會其中一個會長,又活躍於唔同公開嘅慈善活動,令周遭嘅人都對佢非常信任,因此而受騙!但而家嘅佢就消失得無影無蹤,連豪宅都丟空咗,冇人搵到佢。

《東張西望》Photo from 《東張西望》

《東張西望》Photo from 《東張西望》

其中一位疑似係苦主嘅江美儀就接受訪問,話佢所認識嘅「假富豪」係盡心盡力咁做善事嘅人。當被問到佢係咪其中一個被騙嘅人時,佢就模稜兩可咁話自己嘅家人都好擔心佢,問佢點解會咁樣,睇嚟應該係有啲難言之隱!

《東張西望》Photo from 《東張西望》

《東張西望》Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

歌手名人疑墮比華利山騙案失千萬 騙徒被貼大字報疑與江美儀認識

19 Mar , 2021

近日有報道指喺大埔比華利山發生「金錢騙案」,當中有傳同住喺該區嘅歌手謝安琪(Kay)疑似墮入金錢詐騙案,前後約投資咗差唔多 1 千萬!?張繼聰日前喺 IG 上傳佢自彈自唱陳奕迅嘅《想哭》並 hashtag「#若無其事原來是最狠的報復」,引嚟大家猜測佢喺咪意有所指。

謝安琪疑似墮入金錢詐騙案,前後約投資咗差唔多 1 千萬?!

據知,涉事「富豪」鄰居 L 先生由去年中開始,透過該區嘅星級鄰居,以益「自己友」為由推銷投資藥品,而該商品更可得每月 8 厘高息嘅回報,假如投資 100 萬,每月就會獲得 8 萬利息,投資額愈大利息就會愈高,總投資額更可高達億元!

有指該「富豪」鄰居自稱係 7 間上市公司嘅老闆,又擁 3 間比華利山別墅,生意涉及娛樂、創新科技及藥製品等生意,與江美儀、「風少」陳浚霆相熟,並經常邀請名人明星到豪宅聚會。而喺農曆新年前投資者又一直都有收到息,因此令投資者放下戒心,以為只係短期股市波動先冇息派。

有指該「富豪」鄰居自稱係 7 間上市公司嘅老闆,又擁 3 間比華利山別墅,生意涉及娛樂、創新科技及藥製品等生意

直至近日街坊睇到該區貼滿「富豪」鄰居被追債嘅大字報,才驚覺自己受騙,而當時人亦已一早走佬,有指部分受騙人士已報警處理,希望可以追討回本金。

報導中更指其中受騙人士就係 Kay 同張繼聰,不過 Kay 回覆傳媒時就指佢唔知依件事並表示佢冇見過對方:「我唔知呢件事喎!可能喺佢眼中,我呢啲係窮,佢唔想呃我錢啩!」

報導中更指其中受騙人士就係 Kay 同張繼聰,不過 Kay 回覆傳媒時就指佢唔知依件事

而佢老公張繼聰就指有見過對方但二人並唔熟:「冇任何方面合作過,坦白講真係唔熟,人哋嘅嘢唔方便多講,同佢冇投資上嘅嘢,亦冇留意到任何大字報,所以唔係好清楚。」

而張繼聰就指有見過對方但二人並唔熟

另外有指同當事人認識嘅江美儀剛透過經理人回覆指同對方僅喺工作上見過數面,有喺比華利山附近見過此有大字報,並強調自己冇投資,對於有街坊被騙財一事,她表示希望對方快啲現身,還番啲錢畀受害人!

江美儀

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel