49歲黎姿性感行山照show背肌纖腰fit 爆！上載與李嘉欣合照令網民驚訝：當年不是與許生傳緋聞嗎？！

Digital Content Writer

黎珈而（黎姿）嘅樣貌一直都保養得好好，被網民稱為「凍齡女神」。但其實除咗樣貌keep得好之外，佢嘅身材都保持得非常好㗎！佢亦不時會喺IG上載咗自己嘅生活照，其中有幾張行山相就大曬自己嘅背肌同苗條嘅腰。令網民都紛紛喺下面留言大讚佢keep得好！

Photo from 黎姿IG

現年49歲嘅黎珈而（黎姿）自從2008年同商人馬廷強結婚之後，就宣佈全面退出娛樂圈。喺2010年誕下雙胞胎女兒馬家蔚同馬家鎂，並再於2012年誕下細女兒Pegella。

Photo from 黎姿IG

雖然黎姿而家已經唔會再出現喺幕前，但佢對自己嘅外貌要求依然好高，時時刻刻都保持最佳狀態。佢亦非常追求健康嘅生活，唔單止養成咗良好嘅飲食習慣，仲好勤力做運動。

Photo from 黎姿IG

而佢亦都會經常喺IG分享自己嘅日常生活照，喺IG可以見到佢成日上載自己佢行山嘅照片，其中有幾張相好罕有咁大曬背肌同纖腰，令網民都忍唔住大讚身材好fit！

Photo from 黎姿IG

最近，黎姿仲上載咗自己同李嘉欣high tea聚會嘅影片，片中兩人都打扮得好隨意，但依然好有氣質！佢仲話好開心可以同好姐妹一齊傾美容心得，會令佢哋特別有動力扮靚。好多網民都喺下面留言話兩位都係佢哋嘅女神啊～

Photo from 黎姿IG

不過亦有人指估唔到兩位係朋友，因為李嘉欣老公許晉亨曾經苦苦追求過黎姿，更加有傳兩人有拍過拖，所以有網民就好驚訝佢哋兩人竟然係好朋友！

Photo from 李嘉欣IG

Photo from 黎姿IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

<strong黎姿帶女兒及半癱弟弟黎嬰出遊　重拾童年回憶！網友大讚：佢係100分嘅家姐>

12 Apr , 2021

49 歲黎珈而（黎姿）自2007年弟弟黎嬰發生車禍後便淡出娛樂圈，專心照顧家及其醫學美容生意成為女強人。近日佢哋就趁假期齊齊去咗主題公園玩。

Photo from 黎姿IG

息影多年嘅黎姿同弟弟黎嬰向來姊弟情深，自弟弟 2007 年發生車禍導致本身癱瘓後，黎姿就退出娛樂圈不離不棄照顧，並喺 08 年時接手弟弟嘅醫學美容生意，打理得有聲有色。

Photo from 黎姿IG

多年嚟黎姿兼顧事業、家庭同照顧弟弟，背後有幾勞累真係可想而知。不過黎姿就話照顧弟弟從來唔係負擔，反而係令自己進步嘅推動力，令佢每次喺工作上遇到難關，都會被弟弟不屈不撓嘅精神感染，重新燃點起自己對工作、對生命熱誠，不斷令自己進步。

Photo from 黎姿IG

而近年黎嬰情況亦有好轉，已經可以自己站起身。

Photo from 黎姿IG

最近黎姿就喺 IG 上載自己帶爸爸媽媽、弟弟同三個女兒一起去玩嘅相同片，並留言：「無論是小時候或現在，刺激的機動遊戲是我又怕又最想玩的。過山車是每次必玩，由緊張的尖叫到放鬆地笑不停，短短幾分鐘的確能經歷有如過山車般起跌的心情。你們的心水遊戲又是哪一個呢？」

Photo from 黎姿IG

佢又指依個地方充滿佢嘅成長回憶：「滿載我成長的快樂回憶。今天跟爸媽、弟弟，3小豬結伴重遊，滿滿的幸福感。任何年紀都能在這裡找到樂趣，是適合家庭樂的好地方。」

Photo from 黎姿IG

睇番佢上傳嘅相同片中，見佢不時扶着年老嘅父親同行，又親切向坐着輪椅嘅弟弟介紹樂園設施，真係隔着個 mon 都 feel 到佢有以開心。

Photo from 黎姿IG

當然唔少得仲同小朋友齊齊玩機動遊戲及同「丁滿」小狐獴親密互動添！

Photo from 黎姿IG

唔少網友睇見都留言大讚佢喺世上最好嘅家姐：「有你這樣的姐姐真是幸福」、「好媽媽?❤️孝順女?好姊姊??人靚,心地靚的靚靚媽咪」

Photo from 黎姿IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel