湯洛雯素顏曝光!馬國明回港即與女友糖黐豆出席朋友聚會

湯洛雯素顏曝光!馬國明回港即與女友糖黐豆出席朋友聚會

娛樂新聞
By Jennifer on 26 Apr 2021
Digital Editor

馬國明、湯洛雯戀愛接近一年,感情穩定。日前馬明拍完《白色強人2》外景返港,即馬不停蹄陪女友,兩人更一齊出席朋友聚會,席上靚湯超真實素顏曝光!

馬國明、湯洛雯戀愛接近一年,感情穩定

馬國明為拍攝《白色強人2》去深圳、上海,與女朋友湯洛雯分開近2個月,馬明為解相思之苦仲將兩人「定情信物」小馬公仔帶埋去隔離。

馬國明為拍攝《白色強人2》去深圳、上海Photo from 馬國明IG

馬明為解相思之情仲將兩人「定情信物」馬公仔帶埋去隔離。Photo from 馬國明IG

馬明同靚湯自去年6月公開戀情後一直愛得高調,馬明更首次開IG,同女友不時留言互動,二人又多次傳出婚訊,雖然佢哋每次都否認結婚傳聞,但亦可見佢哋感情穩定。

馬明同靚湯自去年6月公開戀情後一直愛得高調,馬明更首次開IG,同女友不時留言互動Photo from 馬國明IG

湯洛雯IGPhoto from 湯洛雯IG

同馬明分開兩個月,靚湯IG表達不捨之情Photo from 湯洛雯IG

靚湯馬明經常用「錫錫」emoji留言Photo from 湯洛雯IG

日前馬明終於完成外景拍攝返港,一返到香港馬明就即刻做「跟得男友」陪靚湯出席朋友聚會。

日前馬明終於完成外景拍攝返港Photo from 馬國明IG

一返到香港馬明就即刻做「跟得男友」陪靚湯出席朋友聚會。Photo from 湯洛雯IG

當日係朋友女兒嘅生日party,當日靚湯以素顏現身,張相完全零濾鏡!佢雖然有眼袋,但皮膚好好!靚湯小鳥依人咁靠喺馬明身前,兩人糖黐豆咁企埋一齊。

當日靚湯以素顏現身,佢雖然有眼袋,但皮膚好好!靚湯小鳥依人咁靠喺馬明身前,兩人糖黐豆咁企埋一齊。Photo from IG

馬明、靚湯屢傳婚訊,之前有傳靚湯爸爸更送價值半億、位於馬鞍山逾2,000呎嘅別墅畀女兒作嫁妝,而靚湯之前就表示男友未求婚,如果結婚一定會公開。

之前有傳靚湯爸爸更送價值半億、位於馬鞍山逾2,000呎嘅別墅畀女兒作嫁妝Photo from 湯洛雯IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

馬國明湯洛雯拍拖過半年喜事近?麥玲玲批先有後婚:「大家可以儲定人情」

16 Feb 2021

馬國明、黎諾懿及胡鴻鈞齊齊現身新一集由麥玲玲同林盛斌主持嘅《Master's Talk》(《師父有請》),新一集中就以以「旺夫旺妻」為題。而喺唔少人眼中係絕對好男人嘅馬國明自公開同湯洛雯(靚湯)拍拖半年以嚟一直被大家催婚,今次更被麥玲玲指好大機會先有後婚添!

馬國明、黎諾懿及胡鴻鈞齊齊現身新一集由麥玲玲同林盛斌主持嘅《Master's Talk》(《師父有請》)

喺上一集節目中靚湯就提到不斷被傳媒催婚,但男方一直都沒開口,令她非常尷尬,更揚言要馬國明以視帝獎嚟換結婚。不過少有回應傳聞嘅馬國明就喺節目中直言對方只係講笑,仲話:「我結婚就話畀你聽啦!」

少有回應傳聞嘅馬國明就喺節目中直言對方只係講笑

而麥玲玲師傅就指馬國明一向異性緣強,但從來都唔係主動一方,絕對係值得嫁完再嫁嘅好男人嚟,而佢更批馬國明好大機會先有後婚,即時令全場起哄,但馬國明就覺得唔太可能,並直言自己係一個好現實嘅人,每一次拍拖都係向結婚方向諗,說:「我覺得呢個機會微啲,應該唔會中咗先結婚,希望係結咗婚先有BB,咁我每一次拍拖都係向結婚方向諗,因為我好現實嘅人,唔結婚的話,拍拖係好浪費時間,你知我哋開工成日都冇得瞓。」

麥玲玲師傅就指馬國明一向異性緣強,但從來都唔係主動一方,絕對係值得嫁完再嫁嘅好男人嚟,

馬國明覺得自己唔太可能先有後婚,並直言自己係一個好現實嘅人

至於對於自己被指異性緣強,佢就指:「我唔覺,我同胡鴻鈞想法差不多,大家夾自然會少啲拗撬,咁樣已經好。我感情事唔會影響工作,曾經試過有啲性格唔啱就會鬧交,冇話邊個唔啱,過去咗就冇問題。」

馬國明唔覺自己異性緣強

麥玲玲又指今年 4 至 6 月係良辰吉日,叫大家可以儲定人情賀馬國明。咁係咪可以話定恭喜先呀!

而喺三人中,只有胡鴻鈞未公開拍拖,當被追問有沒有拍拖時,佢即尷尬指:「我唔係好相信旺唔旺夫,好多嘢都應該互相磨合,最緊要係同對方性格夾。」

麥玲玲叫大家可以儲定人情賀馬國明喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

湯洛雯晒童年照獲讚超可愛!盤點8位由細靚到大女星 舊照力證純天然!

25 Feb 2021

湯洛雯喺IG post出與父親湯鎮宗童年合照,一班圈中人大讚佢好可愛!其實仲有好多純天然靚女晒過舊照,佢哋同以前相比零變化,仲越大越靚添!即睇有邊幾位由細靚到大女星!

湯洛雯喺IG post出與父親湯鎮宗童年合照,一班圈中人大讚佢好可愛Photo from 湯洛雯IG

靚湯湯洛雯post出父女合照,佢爸爸湯鎮宗都做過男演員,相中靚湯親密倚在爸爸後背,肉肉嘅面珠超可愛!

靚湯湯洛雯post出父女合照Photo from 湯洛雯IG

佢表示以前條眉好似紫菜咁:「我都話我以前係紫菜眉,盡得老竇真傳 #條眉仲粗過隻眼 #細個覺得太man而家先覺得好用」

廣告
廣告

湯洛雯表示以前條眉好似紫菜咁Photo from 湯洛雯IG

勁多圈中好友留言讚靚湯細個超級可愛!男友馬明都有畀心心,亦有網民指湯爸爸年輕時好似黃耀明。

勁多圈中好友留言讚靚湯細個超級可愛Photo from 湯洛雯IG

有網民指湯爸爸年輕時好似黃耀明。Photo from 湯洛雯IG

#陳自瑤(Yoyo)

Yoyo向來都keep得好好,佢之前晒過中學時期嘅學生相,紮馬尾嘅Yoyo同依家完全零變化,網民都話佢由細到大無變過!

依家嘅Yoyo唔止凍齡,身材仲好fit添!

陳自瑤中學時期嘅學生相Photo from 陳自瑤IG

依家嘅Yoyo唔止凍齡,身材仲好fit添!Photo from 陳自瑤IG

#朱千雪

千雪BB係眾多人心目中嘅女神,除咗燦爛嘅笑容,仲有知性美。佢喺兒童節有公開過自己嘅童年照。

佢表示自己細個唔係好中意影相,所以張相千雪bb睇落嬲爆爆,但佢細個對眼已經好大,面圓圓好得意~

千雪bb細個對眼已經好大,面圓圓好得意~Photo from 朱千雪IG

千雪BB係眾多人心目中嘅女神,笑容燦爛,又有知性美Photo from 朱千雪IG

#李佳芯(Ali)

視后Ali今年38歲但仍勁有少女感!佢外貌更係十年如一日!

李佳芯學生相中面型同依家都無乜分別,眼神有少少凌厲,黑長直髮型相當清純。

視后Ali今年38歲但仍勁有少女感Photo from 李佳芯IG

李佳芯學生相

#黃翠如

黃翠如大掃除時發現學生相,佢嗰陣好pure好true~

過咗咁耐外貌都無變過,尤其係眼睛,一睇就知佢係翠如喇!

黃翠如大掃除時發現學生相Photo from 黃翠如IG

黃翠如過咗咁耐外貌都無變過Photo from 黃翠如IG

#馮盈盈

言行出位嘅馮盈盈,貴為港姐冠軍,佢都係由細靚到大!童年非常可愛,下巴尖尖,連馮盈盈自己都話:「#點解細個時塊面尖啲 #唔係babyfat咩」

到中學已係美人胚子,眼大瓜子臉,難怪參選港姐會大熱奪冠!

馮盈盈童年非常可愛,下巴尖尖Photo from 馮盈盈IG

馮盈盈到中學已係美人胚子

馮盈盈參選港姐大熱奪冠Photo from 馮盈盈IG

#張曦雯

《國際中華小姐》冠軍,雖然舊照被指疑曾動刀,但童年照一曝光即力證佢係純天然美女!

笑容同依家好似,童年相更被網民笑言係「女版吳彥祖」~

童年照曝光力證張曦雯係純天然美女!Photo from 張曦雯IG

張曦雯童年相被網民笑言係「女版吳彥祖」~Photo from 張曦雯IG

張曦雯係《國際中華小姐》冠軍Photo from 張曦雯IG

#陳瀅

陳瀅細個嘅相幾乎同依家無分別,最大變化係氣質,依家多咗點嫵媚。

佢細個反而無咩baby fat,睇嚟尖下巴+大眼睛係美女標準~

陳瀅細個無咩baby fatPhoto from 陳瀅IG

尖下巴+大眼睛Photo from 陳瀅IG

陳瀅依家多咗點嫵媚。Photo from 陳瀅IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel