download HolidaySmart 假期日常 app
周柏豪遇癡情粉絲送奇怪禮物逼婚「舊愛」岑晉晴移情富三代!網友:希望你今次嫁入豪門!

周柏豪遇癡情粉絲送奇怪禮物逼婚「舊愛」岑晉晴移情富三代!網友:希望你今次嫁入豪門!

娛樂新聞
By Stephanie on 26 Apr 2021
Digital Content Writer

日前,做咗爸爸嘅周柏豪就喺最新一集嘅《日日媽媽聲》大談婚後生活同湊囡經。其中,佢就提及曾經遇過瘋狂粉絲,瘋狂嘅行為令在場嘅主持人同嘉賓都非常驚訝!

周柏豪FBPhoto from 周柏豪FB

喺最新一集嘅《日日媽媽聲》,初為人父嘅周柏豪就獲邀成為嘉賓上節目,仲係節目大談婚後生活同湊囡經。期間,佢就提及自己入行後曾經遇過一位瘋狂粉絲,自稱係周柏豪老婆,送印有兩人名字嘅喜帖去公司,仲附上自己懷孕嘅照片,不過周柏豪就話該粉絲目前冇咗蹤影!

周柏豪FBPhoto from 周柏豪FB

《日日媽媽聲》Photo from 《日日媽媽聲》

其實周柏豪自從結婚之後,都已經傷咗好多粉絲嘅心,轉投他人懷抱都係好正常。就好似當年周柏豪最出名嘅狂粉岑晉晴都已經移情別戀喇!晉晴以前幾乎會喺周柏豪所有嘅post下面留言,FF自己正喺度同周柏豪拍拖。更有傳好多網民覺得有趣便以食花生嘅心態去睇晉晴留言而follow周柏豪。

周柏豪FBPhoto from 周柏豪FB

 Photo from 周柏豪FB

可惜,周柏豪同圈外女友朱敏君(Stephanie)喺2016年結婚,令岑晉晴傷透心!當時喺佢喺Facebook大吐苦水,仲話希望自己下年可以結婚生小朋友,似乎係想盡快投入新戀情去忘記傷痛,呢個post更有高達萬幾人like,轟動一時!

岑晉晴FBPhoto from 岑晉晴FB

岑晉晴FBPhoto from 岑晉晴FB

岑晉晴同周柏豪「可歌可泣」嘅愛情故事,一度成為大家嘅熱話,仲有網民為佢哋寫咗篇潮文《周柏豪與岑晉晴的愛情故事》嚟紀念佢哋逝去嘅愛~

玉子蛋糕FBPhoto from 玉子蛋糕FB

紙言Photo from 紙言

岑晉晴亦都好快走出咗傷痛,之後鍾意過唔少明星,非常多情。睇佢Facebook就知道佢平時出街都好鍾意周圍望靚仔,偶爾仲會FF對方係暗戀佢。

岑晉晴FBPhoto from 岑晉晴FB

而佢最近佢又有新目標,對象竟然係富三代鍾培生!佢仲喺Facebook好開心咁曬自己有收到鍾培生嘅私訊回覆。

岑晉晴FBPhoto from 岑晉晴FB

唔少網民見到佢嘅post 之後,都講笑咁話祝福佢,希望佢今次可以嫁入豪門!

岑晉晴FBPhoto from 岑晉晴FB

岑晉晴FBPhoto from 岑晉晴FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

周柏豪重提當年唱《櫻花樹下》被取笑!做《星夢傳奇》導師被網民指:唔識唱歌點教人

19 Apr , 2021

TVB選秀節目《聲夢傳奇》請咗「星夢一哥」周柏豪做導師,其中一位參賽者冼靖峰唱張敬軒嘅《櫻花樹下》,周柏豪評價時重提2013年佢與軒仔合唱《櫻花樹下》嘅感受!

TVB選秀節目《聲夢傳奇》請咗「星夢一哥」周柏豪做導師Photo from TVB

《聲夢傳奇》播到第二集,第一位出場嘅學員係22歲參加過《全民造星2》嘅冼靖峰(Archie),佢選擇咗唱難度頗高嘅《櫻花樹下》。

22歲參加過《全民造星2》嘅冼靖峰(Archie)選擇咗唱難度頗高嘅《櫻花樹下》Photo from TVB

導師之一嘅周柏豪喺點評時重提當年自己同張敬軒合唱《櫻花樹下》嘅往事。2013年喺周柏豪嘅live演唱會上邀請到《櫻花樹下》原唱軒仔上台,不過表現就被張敬軒比下去。

導師之一嘅周柏豪喺點評時重提當年自己同張敬軒合唱《櫻花樹下》嘅往事Photo from 周柏豪IG

2013年喺周柏豪嘅live演唱會上邀請到《櫻花樹下》原唱軒仔上台,不過表現就被張敬軒比下去。Photo from YouTube

當年周柏豪被指:「低音落唔到,高音上唔到」、「作為主題係imperfect的話,周柏豪真係完美演繹」、「真正感受到咩叫一啖沙糖一啖屎」。

YouTubePhoto from YouTube

網友又指:「真正感受到咩叫一啖沙糖一啖屎」Photo from YouTube

網友又指成首歌難唱嘅部分畀晒張敬軒唱,周柏豪自己唱啲簡單part,嘲周柏豪係「freerider」:「軒仔做咩請個skip哂高音既嘉賓上黎?」、「我以為自己去左k房,有條友唔mute個人聲,係度跟住唱」、「柏豪完美咁示範點樣喺舞台上做一個FreeRider」

當年周柏豪被嘲周柏豪係「freerider」Photo from YouTube

周柏豪被嘲係「freerider」Photo from YouTube

事隔8年,周柏豪喺《聲夢傳奇》大談當年:「呢首歌曾經都考起過我」,佢又表示:「同軒仔合唱嘅時候,軒仔叫我將難唱嘅畀晒佢唱,因為首歌係屬於佢。」,佢指張敬軒話嚟(演唱會)係減輕柏豪壓力,但係結果反而增加咗佢唔少壓力!

事隔8年,周柏豪喺《聲夢傳奇》大談當年:「呢首歌曾經都考起過我」Photo from YouTube

周柏豪IGPhoto from 周柏豪IG

出道18年嘅周柏豪擔任《聲夢傳奇》導師,不過網友就唔太認可:「自己都未識唱歌仲教人!?」,周柏豪就表示希望可以同參賽者分享過來人經驗,佢強調唔係「教」,係分享心得,例如咬字等,有網友笑言:「夠膽係周柏豪面前唱櫻花樹下?大膽!」

出道18年嘅周柏豪擔任《聲夢傳奇》導師,不過網友就唔太認可:「自己都未識唱歌仲教人!?」Photo from TVB

TVBPhoto from TVB

TVBPhoto from TVB

重溫周柏豪張敬軒合唱《櫻花樹下》:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel