江華2年前唱《明年今日》翻紅!被指似劉德華:唱出劉華唱Eason歌的感覺

江華2年前唱《明年今日》翻紅!被指似劉德華:唱出劉華唱Eason歌的感覺

娛樂新聞
By Jennifer on 26 Apr 2021
Digital Editor

59歲嘅江華淡出娛樂圈多年,佢早年重回幕前,參與《流行經典50年》嘅錄影,近日佢於節目中演唱《明年今日》嘅片段翻hit,原來係大陸網民覺得佢撞樣劉德華

59歲嘅江華淡出娛樂圈多年,佢早年重回幕前Photo from 江華微博

江華曾經係亞視同TVB嘅當家小生,有唔少經典作品,包括《西遊記》、《尋秦記》等。其中佢喺《九五至尊》飾演雍正,更喺《2003年萬千星輝頒獎禮》奪得「我最喜愛角色獎」。

江華曾經係亞視同TVB嘅當家小生Photo from TVB

不過佢於2004年就已經離巢,開始減少幕前演出,之後更淡出娛樂圈,轉行做保險。久未露面嘅江華於2019年曾經出演《流行經典50年》,獻唱陳奕迅嘅歌曲《明年今日》。

久未露面嘅江華於2019年曾經出演《流行經典50年》,獻唱陳奕迅嘅歌曲《明年今日》。Photo from TVB

TVBPhoto from TVB

估唔到呢段2年前嘅片段竟然會翻hit!原來TVB喺抖音公開江華唱歌嘅片段,引起大陸網民嘅關注,紛紛表示江華同劉德華好似樣!

大陸網民嘅關注,紛紛表示江華同劉德華好似樣Photo from TVB

東亞唱片Photo from 東亞唱片

其實江華因為神態同劉德華好似,當紅時期已有人將佢兩位拎嚟做比較,不過江華就曾稱唔覺得自己同劉德華似樣,直至女兒指住巴士上劉德華嘅廣告同佢講:「嗰個人好似你。」,江華先感到佢自己有啲角度係似劉華。

江華因為神態同劉德華好似,當紅時期已有人將佢兩位拎嚟做比較Photo from TVB

江華上《流行經典50年》當時已有留言指佢:「唱出劉華唱Eason歌的感覺」,仲話佢有劉德華嘅聲線:「比劉華更劉華」。

網友留言:「唱出劉華唱Eason歌的感覺」Photo from TVB

有網民指江華有劉德華嘅聲線Photo from TVB

網友稱江華「比劉華更劉華」Photo from TVB

TVBPhoto from TVB

大陸網民就指江華有啲似劉德華同李克勤嘅合體。

大陸網民就指江華有啲似劉德華同李克勤嘅合體。Photo from 微博

微博Photo from 微博

重溫江華唱《明年今日》:

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

58歲江華近照曝光!入行超過20年終淡出娛樂圈轉行!久未露面變化不大

4 Dec 2020

江華曾出演大台唔少為人熟悉嘅電視劇,本人更獲稱「翻版劉華」,不過近年已淡出娛樂圈。近日久未露面嘅江華喺老婆麥潔文嘅抖音中出現,今年58歲佬味依舊,保養得好好!

江華曾經係TVB嘅當家小生,代表作有《西遊記》、《尋秦記》、《九五至尊》等。

江華曾經係TVB嘅當家小生,代表作有《西遊記》、《尋秦記》、《九五至尊》等Photo from 《九五至尊》

因為相似嘅外貌,江華更獲稱「翻版劉華」,佢塑造唔少經典角色,包括《西遊記》唐三藏、《尋秦記》連晉/嫪毐、《九五至尊》雍正,佢更憑《九五至尊》奪得《2003年萬千星輝頒獎禮》「我最喜愛角色獎」。

《西遊記》唐三藏Photo from 《西遊記》

《尋秦記》連晉/嫪毐Photo from 《尋秦記》

《九五至尊》雍正Photo from 《九五至尊》

江華喺2004年離開大台後主力喺大陸拍劇,後來更漸漸淡出娛樂圈,轉行做保險。

江華喺2004年離開大台後主力喺大陸拍劇,後來更漸漸淡出娛樂圈Photo from 江華微博

近年已少出現喺幕前嘅江華上年同老婆麥潔文重返大台出演《流行經典50年》,最近麥潔文喺抖音公開老公江華嘅近況。

江華上年同老婆麥潔文重返大台出演《流行經典50年》Photo from 江華微博

片中江華一身型格打扮,魅力十足,近鏡下雖有皺紋但仍睇得出佢保養得好好,同20年前相比,變化唔大。

片中江華一身型格打扮Photo from 麥潔文抖音

近鏡下雖有皺紋但仍睇得出江華保養得好好Photo from 麥潔文抖音

同20年前相比,江華變化唔大。Photo from 麥潔文抖音

現年58歲嘅江華有樣有演技,角色又深入民心,早前開拍嘅《尋秦記》電影版更有觀眾希望佢飾演嘅「嫪毐」可以回歸。

早前開拍嘅《尋秦記》電影版,有觀眾希望江華飾演嘅「嫪毐」可以回歸。Photo from 《尋秦記》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel