《大整蠱》「是非精」劉穎鏇頻NG兼整傷陳詩欣委屈擺拍：點解導演要針對我！

By Celia on 28 Apr 2021

Digital Editor

喺新一集節目《大整蠱》中就搵嚟《學是學非》中嘅 3 位「何泳芍」同湯博士夾埋整蠱劉穎鏇（Tiffany），由佢化好妝準備拍攝起就已經一波三折喇，真係睇見都 feel 到佢有幾委屈！

Photo from big big channel - 大台網/YT

今次被整蠱嘅目標就「是非精」劉穎鏇（Tiffany），佢被安排拍攝新一輯《學是學非》，整蠱計劃由佢準時化好妝開始親已經一波三折，劉穎鏇同陳詩欣、何泳芍喺換完衫後就被 big big channel 攔住做訪問令到她遲到，等佢喺趕到拍攝現場時被導演詐型。

Photo from big big channel - 大台網/YT

而喺開始拍攝時導演又臨時要求改對白，要求佢即場背冗長嘅化學名字，作為演員嘅佢自然就會上當，因為係臨時改對白令本來中文就唔好嘅 Tiffany NG 咗好多次依然背到甩甩漏漏。

Photo from big big channel - 大台網/YT

之後佢喺就搵埋湯博士齊齊做實驗，話明係大整蠱又點會畀 Tiffany 成功做到實驗呢。工作人員一早就喺道具做手腳，令一直唔成功嘅佢相當焦急。

Photo from big big channel - 大台網/YT

而依個時候導演繼續交戲埋怨她，連監製都要出場調停，令已經心感委屈嘅佢喊咁口：「大家都知我唔識中文，我係需要時間去背，但係點解要講到我好冇用咁呢？不如，我呢一集唔好拍，拖累大家唔好，就當我冇出現過，我有努力去做，但係佢怪責我遲到，將啲責任推晒畀我。」更覺得自己由一開始就被導演針對添！

Photo from big big channel - 大台網/YT

其後，Tiffany 喺工作人員氹番繼續拍節目後，不過整蠱計劃仲未完，依個時候先係「終極大整蠱」呀！

Photo from big big channel - 大台網/YT

佢哋就返回室內拍攝，拍攝時 Tiffany 按湯博士嘅指示倒入化學物品製造「爆炸」實驗，點知佢一倒化學物品即變成「大爆炸」冒出大量煙霧，混亂中陳詩欣嗌痛稱撞傷頭部流血，何泳芍則在旁安撫，而博士亦跌倒喺地，Tiffany 一臉疑惑：「點解會咁㗎？點解會咁勁嘅？」

Photo from big big channel - 大台網/YT

依個時候博士即怪責：「你唔應該倒得咁快㗎。」令相當無辜嘅佢不知所措時節目開估指整個過程其實都係整蠱佢，而 Tiffany 知道唔係真係自己出問題後，即刻笑番。最後佢仲抽到 $500 利是。

Photo from big big channel - 大台網/YT

唔少網民睇完都指好明白 Tiffany 嘅感受「終於有一集冇人會話好假」、「呢集真係feel到佢係唔知情，好彩tiffany無爆粗（又或者俾樂小姐要求cut晒），估唔到ABC真係直腸直肚好多，根本唔會吞聲忍氣」、「講真正常人都會發脾氣，咁冤枉」

Photo from big big channel - 大台網/YT

而亦有網友大讚湯博士同導演好戲「博士跌個下...唔好意思，我真心覺得佢係視帝???」、「個導演好好戲」

Photo from big big channel - 大台網/YT

即睇劉穎鏇被整蠱片段：

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《大整蠱》吳幸美慘遭怪叔叔司機+騎呢住戶連環整蠱！網民：被人呃完再呃好蠢好傻

27 Apr 2021

由艾粒、農夫主持嘅TVB綜藝節目《大整蠱》，挑選咗《東張西望》主持吳幸美做最新一集嘅目標。當吳幸美仲未從第一次整蠱中回神過嚟，又再一次被整，始作俑者仲要係艾粒兩人！對於吳幸美連環上當，網民又有咩睇法呢？

Photo from TVB

開工當日，吳幸美被急召回電視城，吩吋佢去採訪突發事件，由於公司嘅採訪車已率先出發，所以佢被安排乘搭節目精心「設計」嘅的士前往目的地。

吳幸美上車無耐，的士司機已經叫錯佢做「吳美幸」，但幸美依然平靜，唔介意咁話：「一樣啫！中晒三個字」。之後，騎呢司機更拎出唱K神器請佢大展歌喉，幸美都保持禮貌婉拒，只私下傳短訊向同事求救，話個司機「好煩」，「好變態」，「好唔專心揸車」。所以連節目旁白員少爺占、當奴都稱讚幸美專業。但事件一浪接一浪，司機突然掟出一樽內有黃色液體的水樽，令幸美誤以為係其尿液。

Photo from TVB

更誇張嘅事係，司機突然收到電話，指其太太臨盆在即。司機駛往會合點途中，幸美都有勸對方冷靜。正當幸美想離開另找車輛，的士司機唔放佢走，並要求佢上車幫忙接生。當幸美嚇到唔知點好，落車揾途人幫拖時，先被告知佢已成為「大整蠱計劃」嘅受害人！幸美得知已中伏後，都抱住心口表示：「嚇死我！好驚呀！好真實呀！」

Photo from TVB

以為「整蠱計劃」告一段落？錯喇，戲肉依家先開始！幸美終於到達採訪地點，佢今次要追訪經常被鄰居投訴奇怪住戶，但其真實身份就係當奴同少爺占。艾粒二人一早準備好騎呢造型入戲，不時喺屋內發出詭異聲音，更向門外大拋陰司紙同米粒。嚇得幸美慌忙退縮，同時向導演表示唔敢採訪。導演見狀，畀數位男同事先入屋了解，再鼓勵幸美再隨步入屋。幸美嚇到眼濕濕，皺哂眉頭，終於都頂硬上行入屋，但隨即被少爺占拋假蛇攻擊。當幸美被嚇至花容失色之際，佢先知道自己又再一次被整蠱。連幸美自己都忍唔住話：「點解我咁蠢！我又上當喇！」在場嘅少爺占都表示：「好專業。你被稱為TVB最善良嘅藝人。」最後，為獎勵幸美嘅敬業表現，節目安排佢抽獎，並成功抽到1000元利是。