前主播梁凱寧IG暗串陳嘉倩駕駛技術差: 18歲就考車牌，我手車好安全！

兩位前TVB主播梁凱寧同陳嘉倩因為亮麗嘅外表，十分受歡迎，兩人仲經常俾網民放埋一齊比較！近日，梁凱寧喺IG回答網民問題時，話自己18歲嗰年就已經考咗車牌，揸車好安全，疑似暗串「P牌仔」陳嘉倩嘅駕駛技術差！

Photo from 梁凱寧IG

梁凱寧同陳嘉倩兩人都同樣係主播出身，憑著美貌兩人都曾經被稱為「港聞女神」，後來都雙雙進入娛樂圈。由於兩人好多嘢都好相似，所以網民們亦經常喺討論區將佢哋攞嚟比較。

Photo from 梁凱寧IG

Photo from 陳嘉倩IG

琴日，梁凱寧就同網民喺IG玩二選一你問我答時，有網民就問佢「揸車定搭車？」。佢當時就附上自己25歲時買車嘅自拍照，話自己鍾意揸車，仲話自己喺18歲嗰年就考到車牌揸爸爸㗎車，駕駛技術好穩定安全，叫網民唔需要擔心！

Photo from 梁凱寧IG

梁凱寧嘅回答就不禁會令人聯想到佢嘅「競爭對手」陳嘉倩！事關佢近日喺ViuTV《學神出沒注意》中，駕駛技術令唔少網民嚇一大跳，甚至喺拍攝途中撞倒欄杆，俾大批網民大鬧佢駕駛態度同技術都好差。

Photo from 《學神出沒注意》

Photo from 《學神出沒注意》

早前，就有網民喺連登討論區開Post問「一句講晒，陳嘉倩定梁凱寧？」，而大部分嘅網民都選擇梁凱寧！睇埋網民嘅留言，就會發現佢哋都有將兩人嘅駕駛技術互相比較，不過就多數都係嘲笑陳嘉倩嘅技術居多喇！

Photo from 連登討論區

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

P牌陳嘉倩屯門公路揸車險象橫生 太有自信撞歪鐵欄！網民：個牌淘返黎㗎？

15 Apr , 2021

前主播陳嘉倩近排就為獲邀上ViuTV嘅真人show《學神出沒注意》擔任嘉賓，半年前考到車牌嘅佢就喺節目嘗試揸車，但佢嘅駕駛技術就令唔少觀眾睇嘅時候都嚇咗一跳！

Photo from 陳嘉倩IG

現年30歲嘅陳嘉倩喺冇做主播之後，都依然活躍於幕前嘅工作。近日，佢就上ViuTV嘅《學神出沒注意》喺節目中大曬駕駛技術，但缺少經驗嘅佢就製造咗唔少嘅驚險場面！

Photo from 《學神出沒注意》

喺節目中，佢就表示自己喺半年前先成功考獲車牌，仲係一個P牌仔，考完之後只係揸過三次車。不過，佢就似乎對自己嘅駕駛技術都幾有信心，仲話朋友都話佢揸車夠穩陣！

Photo from 《學神出沒注意》

Photo from 《學神出沒注意》

陳嘉倩一上車就已經顯露咗自己唔太熟悉車嘅「真面目」，以為水潑係指揮燈、㗎車不停咁向左靠等。喺上咗高速公路之後，師傅Alex好誠實咁話每個司機超車嘅時候都會望一望佢哋，因為唯獨佢哋㗎車行的特別慢！

Photo from 《學神出沒注意》

Photo from 《學神出沒注意》

之後，節目組就帶咗陳嘉倩去一個以容易泊車而出名嘅停車場，師傅Alex見佢咁有信心就話落車睇住佢泊，俾佢大顯身手。由於師傅Alex落咗車，只能夠喺車尾追住佢睇，但佢就分心顧住笑師傅似瘋狂fans，然後下一秒就撞咗埋鐵柱度！

Photo from 《學神出沒注意》

Photo from 《學神出沒注意》

陳嘉倩就即刻嚇到坐喺㗎車入面唔知點好，仲話自己完全睇唔到條鐵柱！後來就由喺師傅嘅幫忙之下，暫時處理好所有嘢。

Photo from 《學神出沒注意》

Photo from 《學神出沒注意》

唔少網民喺睇完呢一集之後，都不禁留言話俾佢嘅駕駛技術嚇親，仲表示佢最需要改嘅喺佢嘅駕駛態度！

Photo from ViuTV YouTube

Photo from ViuTV YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）