download HolidaySmart 假期日常 app
容祖兒劉浩龍分手後首度同場冇交流! 劉浩龍海報/大合照被消失?

容祖兒劉浩龍分手後首度同場冇交流! 劉浩龍海報/大合照被消失?

娛樂新聞
By Stephanie on 30 Apr 2021
Digital Content Writer

容袓兒同劉浩龍自從2018年宣佈分手之後,就堅持話兩人依然維持良好嘅朋友關係。最近,兩個就獲邀喺深圳嘅晚宴做嘉賓,係佢哋分手後首次公開同台,但就被爆兩人完全冇見面打招呼!

容袓兒IGPhoto from 容袓兒IG

容袓兒同劉浩龍喺2012年嘅時候公開戀情!雖然外界一直都唔睇好,但兩人依然甜蜜,交往期間一度傳出兩人嘅婚訊,可惜喺2018年對外宣佈已經分手。分手後,佢哋就對外聲稱彼此維持返朋友關係。

容袓兒IGPhoto from 容袓兒IG

劉浩龍IGPhoto from 劉浩龍IG

日前,兩人都獲邀以表演嘉賓嘅身份出席喺深圳蛇口舉行嘅晚宴,呢個活動亦係兩人分手後嘅首個同台嘅公開場合。喺晚宴入面,劉浩龍係晚宴嘅第二個表演嘉賓,而最近喺內地人氣急升嘅容袓兒就壓軸表演。

趙永洪微博Photo from 趙永洪微博

微博Photo from 微博

據悉,容袓兒獲得大會嘅優厚對待,安排咗獨立嘅貴賓休息室同埋化妝間俾佢,有消息指佢哋兩人完全冇交流,甚至連見面打招呼都冇!

容袓兒IGPhoto from 容袓兒IG

劉浩龍IGPhoto from 劉浩龍IG

另外,其實晚宴當晚亦有唔少嘅嘉賓到場,包括有梁競徽、李璨琛、趙永洪等。但最奇怪嘅就係晚宴嘅宣傳海報並冇表演嘉賓劉浩龍嘅身影,但就放咗藝人趙永洪上去,疑似係刻意安排嚟避免製造不必要嘅話題!

微博Photo from 微博

再睇返出席活動嘅藝人們喺網上所po嘅照片,只見劉浩龍連大合照都冇一齊影,仲連喺趙永洪「集郵」嘅相入面都完全見唔到佢嘅蹤影!

趙永洪微博Photo from 趙永洪微博

趙永洪微博Photo from 趙永洪微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《乘風破浪的姐姐2》容祖兒疑失聲 喉嚨插5支針急救嚇怕張柏芝

24 Mar , 2021

天后容祖兒(Joey)近嚟參加內地綜藝《乘風破浪的姐姐2》,佢喺IG晒出做針灸嘅相,令人擔心佢係咪因為過勞而失聲!阿Sa、張柏芝、Mani等人留言關心。

容祖兒Photo from 容祖兒IG

容祖兒喺《乘風破浪的姐姐2》多次擔任組長一職,超班嘅唱跳實力令佢人氣急升!

容祖兒喺《乘風破浪的姐姐2》多次擔任組長一職,超班嘅唱跳實力令佢人氣急升!Photo from 容祖兒微博

不過Joey參加節目並唔係一帆風順,早前佢就因為唔小心用鉸剪而整傷自己,令佢要帶傷上陣。

容祖兒IGPhoto from 容祖兒IG

早前容祖兒就因為唔小心用鉸剪而整傷自己Photo from 容祖兒IG

佢最近喺IG公開做針灸嘅相片,相中有成5支針插喺喉嚨附近位置,觸目驚心,Joey指:「又來到針灸的時候 #這幾天都在做什麼」,令fans擔心佢因為過於操勞而失聲。

容祖兒最近喺IG公開做針灸嘅相片,相中有成5支針插喺喉嚨附近位置,觸目驚心Photo from 容祖兒IG

喺2019年Joey《PRETTY CRAZY》紅館演唱會上張敬軒就曾經感歎佢為籌備演唱會嘅努力:「佢(容祖兒)真係搵命搏㗎!我真係未見過一個artist凌晨完騷返到酒店房都仲要喉嚨插住6枝針,就係為咗保證第二日有最好嘅狀態!」

容祖兒、張敬軒Photo from 張敬軒IG

容祖兒嘅針灸相亦有唔少圈中人留言關心,阿Sa蔡卓妍:「Take care dear」,經理人Mani:「抱抱」

容祖兒IGPhoto from 容祖兒IG

而同樣都有參加《乘風破浪的姐姐2》嘅張柏芝雖然無同容祖兒同組過,但都有留言要Joey好好保重:「你沒事吧,要好好保養你的聲音,你的聲音是天使般一般美麗,不要讓愛你嘅人擔心」

張柏芝都有留言要Joey好好保重Photo from 容祖兒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel