李日朗約苑瓊丹一齊接種疫苗　打完針自我感覺良好「變聰明咗同生高咗！」

李日朗（李逸朗）近排就忙於喺內地拍戲。日前，佢就喺抖音上載咗條影片拍攝自己同苑瓊丹一齊接種疫苗，期間佢仲表現得好開心，仲話覺得自己「變聰明咗，同好似生高咗」！

Photo from 李日朗抖音

李日朗（李逸朗）近呢幾年就開始將事業重心轉移返咗內地。近日，佢仲有機會參與TVB同內地聯合製作嘅網劇《好雨知時節》嘅拍攝，所以暫時都長期喺深圳拍戲。

Photo from 李日朗IG

Photo from 李日朗IG

日前，李日朗就喺抖音上載咗一段佢同藝人苑瓊丹趁拍攝空檔一齊去打疫苗嘅影片，佢仲將成個打疫苗嘅過程拍攝落嚟同大家分享。由影片中所見，佢哋一開始就需要填上個人資料，再慢慢喺裡面等待工作人員分配，期間佢表現興奮，睇得出佢好渴望接種疫苗！

Photo from 李日朗抖音

Photo from 李日朗抖音

喺打疫苗嘅時候，佢就表示自己完全冇感覺，一啲都唔痛！然而，同行嘅苑瓊丹打完針後就好似有啲疲倦，坐喺度發呆。

Photo from 李日朗抖音

Photo from 李日朗抖音

打完針之後，李日朗仲好開心咁講笑話覺得自己好似高咗又聰明咗咁，仲話「我打嘅係生物，即係國藥」。打完針後，佢仲不停咁攞住接種証喺鏡頭面前「打卡」，心情非常好～

Photo from 李日朗抖音

Photo from 李日朗抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港女難忍男友媽咪強迫打疫苗決定搬走 網友：分手啦！性命攸關！

20 Apr , 2021

相信好多女仔都曾經擔心過婆媳問題呢樣嘢！近日，就有港女喺討論區度大呻男朋友媽咪用當佢係「自己人」做藉口當佢工人咁。最近竟然強迫佢同男友打疫苗，仲差啲直接幫佢預約，令佢忍唔住決定搬走！

Photo from TVB

最近，有港女喺Dcard 討論區大呻同男友媽咪嘅關係唔太好，搞到佢唔知點算好。港女表示自己同男友拍咗拖半年左右，由於佢屋企有突發事件，所以就暫住咗喺男友家幾個月。

Photo from Dcard討論區

而佢表示男友媽咪屬於比較守舊同埋傳統嘅人，認為女仔應該要照顧男友、事事以家庭同男友為先、將來就留喺屋企湊小朋友等。仲會因為佢照顧男友唔夠體貼而對佢有微言，令佢哋兩人之間已經開始有啲摩擦！

Photo from TVB

港女就話男友自細就身體比較差，最近就因為病咗而陪佢睇醫生，就搞到男友媽咪忍唔住喺度問點解身體會咁差。然後，男友媽咪就問佢哋兩個幾時去打疫苗，但佢哋都冇出聲因為本來就冇諗過要打，唯有敷衍下佢。

Photo from TVB

點知男友媽咪後來有再追問港女點解唔打疫苗，仲有意想直接用手機幫佢哋兩個預約打針，嚇到佢只能夠話因為公司未出更表，所以唔確定即使有時間打針先暫緩咗件事。

港女就表示男友媽咪越管越多，就連佢自己嘅家人都未必會咁。日前，佢就知道自己即將可以搬返屋企同家人住，但就有另一個問題出現。因為佢曾經有一段時間喺朋友家暫住，但就不停俾男友媽咪喺WhatsApp追問幾時返屋企/係咪唔鍾意佢等問題，令佢非常困擾。佢好擔心搬走咗之後，都會不停被管，唔知應該點算好！

Photo from Dcard討論區

Photo from TVB

有唔少女網民睇完都係下面留言問男友有冇幫助緩解婆媳關係，仲話如果完全冇就應該好好考慮係咪適合繼續走落去！另外，亦有網民認為強迫打疫苗係非常嚴重嘅事，建議港女同男友分手。

Photo from Dcard討論區

Photo from Dcard討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）