download HolidaySmart 假期日常 app
陳凱琳po童年照片提早賀母親節 Grace嘅笑容十足十年輕時陳媽媽!

陳凱琳po童年照片提早賀母親節 Grace嘅笑容十足十年輕時陳媽媽!

娛樂新聞
By Stephanie on 03 May 2021
Digital Content Writer

陳凱琳(Grace)日前就喺IG上載咗自己兒時同媽咪合照嘅相,預祝母親節同埋答謝媽咪對佢嘅照顧。而網民就發現原來陳凱琳嘅笑容十足十年輕時嘅陳媽媽!

陳凱琳IGPhoto from 陳凱琳IG

港姐冠軍陳凱琳(Grace)同鄭嘉穎結婚後,成為人母,誕下兩個兒子鄭承悅(Rafael)同埋鄭承亮(Yannick)。適逢母親節,佢就喺IG po咗幾張同細佬嘅近照、兒時同媽咪一齊影嘅合照,順便借呢個機會同媽咪預祝下星期嘅母親節!

陳凱琳IGPhoto from 陳凱琳IG

陳凱琳IGPhoto from 陳凱琳IG

照片中只見,陳媽媽一人孭起佢哋兩姊弟,而佢哋手上仲依然攞住玩具唔放,三個都笑得非常開心!而根據照片顯示拍攝年份係1994年,相信當時陳凱琳同龍鳯胎嘅弟弟Derek都係得兩三歲。有網民就認為年輕時嘅陳媽媽同陳凱琳嘅笑容簡直係一模一樣,仲大讚佢哋一家人感情真係好好~

陳凱琳IGPhoto from 陳凱琳IG

佢仲喺IG話自己同細佬Derek細個嘅時候都幾百厭又唔聽話,仲話自己做咗媽咪之後先發現原來係咁辛苦,講笑咁話希望兩個仔可以乖過佢!

陳凱琳IGPhoto from 陳凱琳IG

陳凱琳IGPhoto from 陳凱琳IG

而陳凱琳同弟弟Derek一向都感情好好,仲曾經姊弟檔上陣一齊拍廣告。早前,Derek結婚嘅大日子,佢亦有上載二人嘅合照同兒時照片,話覺得好安慰~

陳凱琳IGPhoto from 陳凱琳IG

陳凱琳IGPhoto from 陳凱琳IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳凱琳晒8個月大細仔鄭承亮正面照!天然呆萌樣激似爸爸鄭嘉穎

13 Apr , 2021

鄭嘉穎同陳凱琳育有兩個仔仔鄭承悅(Rafael)、鄭承亮(Yannick),媽媽陳凱琳日前公開同細仔玩嘅相,8個月大嘅Yannick眼大大面圓圓,同爸爸鄭嘉穎簡直餅印!

鄭嘉穎同陳凱琳育有兩個仔仔Photo from 陳凱琳IG

鄭嘉穎同陳凱琳於2018年結婚,婚後2年抱兩,分別喺2019年同2020年誕下大仔鄭承悅(Rafael)、細仔鄭承亮(Yannick)。

鄭嘉穎同陳凱琳於2018年結婚,婚後2年抱兩Photo from 鄭嘉穎IG

陳凱琳做咗媽媽後就無再拍劇,專心湊仔,最近佢再次現身幕前,喺TVB《日日媽媽聲》、《諸朋好友》做主持。

陳凱琳做咗媽媽後就無再拍劇,專心湊仔Photo from 陳凱琳IG

雖然唔拍劇,但陳凱琳就有喺IG分享湊仔日常,佢不時會大晒一家四口嘅幸福合照,網友大讚佢兩個仔仔都勁得意~

陳凱琳不時大晒一家四口嘅幸福合照Photo from 陳凱琳IG

2歲大仔Rafael最近開始返學,陳凱琳就將重心放喺照顧細仔身上,佢喺IG post咗同細仔Yannick玩嘅相片,透露仔仔已經8個月大。

2歲大仔Rafael最近開始返學Photo from 陳凱琳IG

細仔YannickPhoto from 陳凱琳IG

Yannick眼仔碌碌,非常精靈,天然呆萌樣連謝安琪、龔嘉欣都話可愛!Yannick同爸爸鄭嘉穎都幾似樣,鄭嘉穎嘅童年相雖然非常低清,但都睇得出兩父子嘅五官有啲似。

Yannick眼仔碌碌,非常精靈Photo from 陳凱琳IG

鄭嘉穎童年相Photo from 微博

哥哥Rafael一向都被網友指同爸爸係餅印,睇返Rafael嘅BB相,同Yannick都好似樣,一樣係眼大大,表情多多,好cute!

哥哥Rafael一向都被網友指同爸爸係餅印Photo from 鄭嘉穎IG

Rafael BB相Photo from 陳凱琳IG

RafaelPhoto from 陳凱琳IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel