陳偉霆稱想染螢光綠頭髮！深信自己會carry到：關燈後我會發光！
陳偉霆近嚟經常挑戰唔同顏色嘅髮型，最近佢似乎又有新搞作，佢出席活動時表示想將頭髮染成「螢光綠」，更堅持自己會carry到，仲話開演唱會嗰陣已有呢個念頭。
Photo from 陳偉霆微博
將事業重心轉去內地發展嘅陳偉霆因為拍大陸劇《古劍奇譚》而爆紅，依家已成為內地一線男星，有傳佢片酬高達1億人民幣！
Photo from 陳偉霆微博
喺內地人氣高企嘅佢近年嚟染過各種顏色嘅髮型，有橙色、藍色﹑紫色﹑金色﹑藍綠色﹑灰白色、連粉紅色都有。
Photo from 陳偉霆微博
Photo from 微博
Photo from 陳偉霆微博
Photo from 陳偉霆微博
Photo from 微博
原來佢仲未滿足，近日陳偉霆出席活動時被問到最想挑戰嘅髮色，佢回：「螢光綠！就是那種夜光綠。」，佢一講完，台下嘅fans都忍唔住大笑。
Photo from 微博
陳偉霆即刻話：「你們先別笑好嗎？」，又表示大眾唔好主觀咁判斷佢carry唔到呢種顏色，佢指可能出到嚟效果會「很帥」，到時大家會後悔。
Photo from 陳偉霆微博
陳偉霆想染螢光綠絕對唔係一時興起，其實佢有呢個打算好耐，佢表示之前開演唱會嗰陣已經同導演講話想打綠色嘅光喺佢個頭上面，經驗豐富嘅導演都忍唔住問咗佢3次：「陳偉霆，你是認真的嗎？」
Photo from 陳偉霆微博
陳偉霆相當堅持，佢話：「是！」，佢指希望全場啲燈光熄晒之後，佢個頭變成夜光綠，喺黑暗中發光。
Photo from 微博
Photo from 微博
有fans表示期待呢個髮型，亦有人笑言佢係「非主流」。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳偉霆染橙色頭髮被內地網民激讚「大帥哥」！ 香港網民：唔識欣賞？
16 Apr 2021
陳偉霆呢幾年都已經將自己嘅事業發展轉去內地，而且喺內地亦擁有頗高嘅人氣。最近，佢就喺微博上載咗一張自己新髮色嘅照片，令內地網民紛紛大讚靚仔！而特別嘅顏色亦令我哋諗起佢曾經大膽染過嘅髮色～
Photo from 陳偉霆IG
陳偉霆因為拍攝內地電視劇《古劍奇譚》而火速爆紅，仲因此而成為咗內地嘅一線男明星，人氣急升，超過4000萬人追蹤佢嘅微博。
Photo from 陳偉霆IG
Photo from 陳偉霆IG
近日，陳偉霆就喺微博上載咗一張自己新染頭髮嘅自拍照。只見佢染咗一頭非常搶眼嘅橙色，仲喺caption自己打「小太陽」，睇嚟佢好似好滿意自己嘅新髮色～
Photo from 陳偉霆微博
Photo from 陳偉霆微博
內地嘅網民一睇到呢幾張照片都大讚佢顏值夠高先carry到呢種髮色，仲因此而登上咗微博嘅熱搜排行榜 （#陳偉霆橙色頭髮#）。
Photo from 陳偉霆微博
Photo from 陳偉霆微博
其實陳偉霆之前就試過染過好多唔同嘅髮色，大家講得出嘅顏色都應該喺佢頭上出現過，有粉紅色﹑藍色﹑紫色﹑金色﹑藍綠色﹑灰白色等嘅髮型。
Photo from 微博
Photo from 微博
無論佢染咗咩髮色，佢嘅內地fans都覺得佢係完美咁駕馭呢啲髮色，毫無違和感，話佢係受到認證嘅「大帥哥」。
Photo from 陳偉霆微博
Photo from 陳偉霆微博
但講到陳偉霆，大家一定都忘記唔到佢參加英皇新秀時候嘅精彩表演！但亦有網民覺得佢而家嘅樣貌同剛出道嘅時候嘅佢，變化都算幾大。唔知大家有覺得佢變化大唔大呢？
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳偉霆滑雪場影女仔被對方男友發現！質問後要求佢當面刪除片段
5 Feb , 2021
Photo from 陳偉霆微博
陳偉霆除咗有拍劇之外，亦有出演大陸綜藝《潮流合伙人2》，晉升為「潮人」嘅佢更創立個人品牌，經常喺微博穿自家品牌服裝宣傳。
Photo from 陳偉霆微博
佢日前自爆曾經試過喺滑雪場見到有女仔著咗佢個人品牌嘅衫，於是就跟喺對方後面拍片，打算之後喺微博多謝佢。
Photo from 微博
點知竟然被人哋男朋友發現咗，更即時質問陳偉霆：「你在幹嘛呢？」、「你為甚麼要拍我的女朋友？」
Photo from 微博
陳偉霆即刻解釋，佢覺得件衫幾好睇所以影底，唔係特登偷拍佢女朋友。
Photo from 微博
但對方男朋友表示：「衣服不是那個陳偉霆的那個品牌嗎？我也有啊，你為甚麼要拍她？」由於陳偉霆當時戴住頭盔，人哋認唔到佢，於是佢就畀咗部手機個男朋友睇，仲當場刪咗條片。
Photo from 微博
Photo from 陳偉霆微博
Photo from 微博
講完之後佢陳偉霆都忍唔住笑，「陳偉霆拍女生被對方男友要求刪除」隨後登上熱搜，據知女方係陳偉霆嘅fans，更係專登抽籤買William品牌嘅衫。
Photo from 陳偉霆微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
