楊思琦車禍孤身入院 神秘老公冇影再惹疑雲!網民偵探上身:疑點重重

楊思琦車禍孤身入院 神秘老公冇影再惹疑雲!網民偵探上身:疑點重重

娛樂新聞
ByCelia on 04 May 2021 Digital Editor

上月初時港姐楊思琦就喺 IG 突然上傳入院嘅相指自己因交通意外住院,不過正正因為佢老公喺依個時候都冇出現令唔少網民再次懷疑其是否真冇此人,而近日佢就首次開腔否認兒子跟她姓楊,強調老公只有佢一個太太,即令網民再一次偵探上身。

近日楊思琦首次開腔否認兒子跟她姓楊,強調老公只有佢一個太太,即令網民再一次偵探上身。
Photo from 楊思琦/IG

早前楊思琦就喺 IG 指自己撞車入院,據知當時楊思琦同母親及一對仔女揸車途中,突然被一輛大貨車以極快嘅速度衝出,攔腰撞向楊思琦嘅車,幸好當時佢嘅家人都冇受傷,而楊思琦則拉傷頭及頸等位置。可惜大貨車司機之後棄車逃走,只留下空車。

Photo from 楊思琦/IG

Photo from 楊思琦/IG

不過唔少網友就發現佢出意外後,佢老公竟然繼續冇影,雖然最近佢就首次開腔否認兒子跟她姓楊,並強調老公只有佢一個太太:「我從來沒說兒子姓楊,記者亦沒有問過我,不過我亦不會講他的姓,我的性格是不會主動澄清。他肯定只有我一個老婆,如果有第二個,他死硬。」

Photo from 楊思琦/IG

但唔少網友依然覺得嗰次意外充滿疑點,更指似係有人刻意去安排一樣。該網友指香港嘅大貨車一般傍晚都要裝貨,次日凌晨到達,為何這部貨車係空嘅,所以似係有人刻意去安排意外。

Photo from 楊思琦/IG

而且楊思琦一人入院,神秘老公喺咁重要嘅關頭依舊未有現身,令人再次覺得佢老公係虛擬人物嘅!更有網友指是次意外,可能係有人出手,網民估兒子生父可能係江湖人物或是人夫,因此引嚟正印出手一說。

Photo from 楊思琦/IG

不過雖然發生咗嚴重嘅意外,但楊思琦似乎仲未想公開其身份,睇嚟係想繼續收得幾埋得幾埋。

Photo from 楊思琦/IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

楊思琦談及「隱形丈夫」 被網民質疑講大話

廣告
廣告

04 Dec 2020

楊思琦去年又突然再度懷孕,並透露 BB 生父係圈外人,兩人已經註冊結婚,不過丈夫就從未曝光過。早前楊思琦接受訪問時談及老公,被網民質疑講大話。

楊思琦同李泳豪拍拖 9 年,後來被爆戀上吳帥,其後於 2012 年誕下女兒楊卓穎,成為單親媽媽,身兼父職,獨力湊大女兒。

楊思琦同李泳豪拍拖 9 年,後來被爆戀上吳帥,其後於 2012 年誕下女兒楊卓穎,成為單親媽媽。
Photo from szekikk@IG

楊思琦身兼父職,獨力湊大女兒。
Photo from szekikk@IG

不過楊思琦去年又突然再度懷孕,並透露 BB 生父係圈外人,兩人已經註冊結婚,但由楊思琦懷孕到誕下兒子 Kody 整個過程,丈夫從未曝光,連丈夫姓名及年齡都不曾提及,身分非常神秘,就連兒子都係跟自己姓楊,令到成件事變得更加奇怪。

楊思琦去年又突然再度懷孕,並透露 BB 生父係圈外人,兩人已經註冊結婚。
Photo from szekikk@IG

但由楊思琦懷孕到誕下兒子 Kody 整個過程,丈夫從未曝光。
Photo from szekikk@IG

早前楊思琦為新歌做宣傳,接受訪問時被問及老公嘅事,楊思琦表示丈夫係圈外人,唔習慣娛樂圈嘅模式,所以尊重佢,冇刻意去公開。被問到丈夫會唔會幫手湊仔,楊思琦就話佢唔需要幫手湊,主要都係自己湊。由於女兒同兒子係同母異父,被問到女兒同繼父相處如何時,楊思琦就話佢哋會用 WhatsApp 溝通,之後就開始避談丈夫嘅事。

楊思琦表示丈夫係圈外人,唔習慣娛樂圈嘅模式,所以尊重佢,冇刻意去公開。
Photo from szekikk@IG

Photo from szekikk@IG

消息一出,引起網民討論,有網民就話楊思琦根本冇老公,喺度講大話,更有網民質疑如果係同老公住,點解個囡要用 WhatsApp 同爸爸溝通。有網民指出,應該唔會有男人接受到子女唔跟自己姓,質疑楊思琦老公根本唔存在。

消息一出,引起網民討論,有網民就話楊思琦根本冇老公,喺度講大話。
Photo from szekikk@IG

丈夫到依家都從未曝光過的確幾神秘,都難怪網民會咁諗,不過件事到底係點,就只有本人先知道啦。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook