港男賣樓移民遭阿叔勸平租兼供完再八折賣堂弟!網民:供完升值仲要八折比佢,傻架?

港男賣樓移民遭阿叔勸平租兼供完再八折賣堂弟!網民:供完升值仲要八折比佢,傻架?

時事熱話 生活熱話
ByCelia on 04 May 2021 Digital Editor

香港嘅樓市可以話係有價有市,但喺依個有升無跌嘅情況下,唔少年輕人更係上車冇望,而近年就有一班成功「上車」嘅港人打算移民賣樓。但最近就有網友喺討論區留言,指佢被一個好日都唔會聯絡嘅阿叔要求平租未供完嘅單位畀佢堂弟,之後再 8 折轉售,引嚟網民熱討。

最近就有網友喺討論區留言,指佢被一個好日都唔會聯絡嘅阿叔要求平租未供完嘅單位畀佢堂弟,之後再 8 折轉售,引嚟網民熱討。
Photo from TVB

依位網友喺討論區發文指近期打算賣出已供款數年嘅物業,並且移民海外:「呢年乜環境大家心照啦,我身邊好多人都準備緊賣樓移民,我自己都準備緊,層樓供咗幾年,家下賣出去都仲有賺,都搵緊買家。點知我阿叔聽到我想賣樓走人,就立即搵我,問我有乜計劃,有乜打算之類,平時一年都講唔夠十句嘢,除咗新年同清明之後都冇乜機會見到佢,都知唔方有乜好嘢。」

Photo from TVB

之後,佢就指自己估中:「阿叔直接叫我,反正都要走,不如唔好賣樓,將供緊呢層樓留比我堂細佬佢個仔………阿叔話,反正我父母間公屋已經買咗,唔怕冇地方住,加上我層樓都仲要供多十幾年,不如留層樓比個堂細佬,最多交返二三千蚊租,供完咪八折賣比佢。」

Photo from TVB

樓主亦更補充大家指佢阿叔係一個任職地盤嘅工人,從小就知對方「爛賭」又經常花錢召妓,最終與妻子離婚。而佢堂弟則由細到大都讀唔成書,自中學就經常休學,考試更係滿堂紅,喺屋企咩都唔做 2 年先肯打下散工,被勸去阿叔地盤打工時就嫌工作太辛苦,認為自己有學識「唔應該出賣勞力」。

Photo from 《做工的人》截圖

帖文引來討論,唔少網民睇完都忍唔住問「傻的嗎?」,更一面倒地批評樓主阿叔「搵自己人笨」,指樓主供完款,物業應已升值唔少,仲要八折賣畀堂弟「點解八折,同佢講市價加兩成啦」、「呢啲人擺明就諗住搵笨啦」、「佢係咪想租佢間屋,當買當供樓?」,並勸樓主倒不如賣樓套現以保障移民後嘅生活。

Photo from discuss.com.hk

Photo from discuss.com.hk

Photo from discuss.com.hk

其後樓主亦有留言回應網友,指佢當然冇答應阿叔嘅提議,自己聽完「笑笑口咪算」,不過佢就覺得對方係認真。

Photo from discuss.com.hk

如果係你又會點拒絕阿叔呢?!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

業主驚見放租單位出現喺《日日有樓睇》 揭發地產代理陰招推銷

09 Apr 2021

廣告
廣告

日前,北角君譽峰一個單位嘅女業主竟然喺睇地產節目嘅時候,發現自己嘅單位俾地產經紀推銷緊,最過份嘅喺片中竟然喺有「業主」陪同下拍攝!該名業主決定要向地產代理監管局投訴,認為佢哋未經業主許可就擅自帶人睇樓。

TVB
Photo from TVB

樓盤節目相信大家都成日睇,但又有冇諗過會喺節目見到自己嘅單位呢?!最近,北角君譽峰嘅一位女業主劉太就喺樓盤節目《日日有樓睇》發現自己正在放租嘅單位竟然喺節目亮相。

《日日有樓睇》
Photo from 《日日有樓睇》

《日日有樓睇》
Photo from 《日日有樓睇》

而最過份嘅係當時節目中有一位自稱係業主嘅李小姐,令劉太嘅朋友感到非常奇怪,所以先揭發呢件事。

《日日有樓睇》
Photo from 《日日有樓睇》

《日日有樓睇》

劉太表示由於單位中嘅傢俬比較獨特,大部份嘅傢俬都係佢自己根據房嘅大小所設計,所以比較難喺市面上搵到同類型嘅,令佢一眼就認出節目上介紹嘅正正就係佢嘅單位!佢質疑地產經紀未經許可擅自帶人入單位內進行節目拍攝!

《日日有樓睇》
Photo from 《日日有樓睇》

《日日有樓睇》
Photo from 《日日有樓睇》

劉太喺接受媒體訪問嘅時候就話單位係打算用嚟放租做投資用途,喺今年2月收樓後先開始喺唔同嘅地產公司放租。佢就聲稱將單位嘅密碼鎖密碼俾咗啲地產經紀,但就有話如果約咗睇樓就通知佢。

TVB
Photo from TVB

涉事地產經紀黃文龍就向劉太表示非常不好意思,解釋係為咗替單位做廣告,因為見單位裝修得靚,所以希望藉此提高租金。仲話自稱業主嘅李小姐係樓下其他層數嘅業主,係影片剪接問題先會引起誤會。但劉太就唔係好接受佢呢一連串嘅解釋,並表示會向地產代理監管局投訴。

TVB
Photo from TVB

根據《地產代理常規(一般責任及香港住宅物業)規例》,未經住宅物業的業主事先同意,持牌地產代理不可以安排任何人視察及查看住宅物業。另外,喺冇業主嘅書面同意下,持牌地產代理亦不得使用有關物業的鎖匙作安排準買家或租客視察物業以外的用途。一旦被發現違規,持牌地產代理將會受到處分,嚴重嘅會被吊銷牌照!

 TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook