網傳食客傳侮辱訊息催外賣單惹熱討！網民笑有膽識：幫佢加料

近年因為疫情關係唔少人都叫多咗外賣，而大家每次叫完外賣平，喺取餐後平台後都會要求大家為服務及餐點點評。而近日喺 Facebook 一個「香港外賣仔群組」專頁中，就有人上傳咗兩張對言截圖，引來網民熱議。

唔少成日叫外賣嘅人都知，一日餐點未到手，都唔好對餐廳或車手冇禮，事關你唔會知你嘅餐點喺中途會唔會被加料。而近日喺 Facebook 一個名為「香港外賣仔群組」嘅專頁中，就有上傳咗兩張對話截圖。內容係指有送餐員被客人催單，對方先後傳咗幾個訊息，其中更「爆粗」、「侮辱」車手。

樓主喺貼文中更直言：「呢個客好嘢，食物未到手，竟然講粗口鬧個車手，厲害厲害」。

Photo from 香港外賣仔群組/Facebook

而從截圖可見，依位住喺將軍澳嘅食客點咗一間台式餐廳嘅食物，並要求以「無接觸送遞」方式送餐。而喺「送遞詳情」嘅旁邊就顯示咗下午 5 時 29 分，睇嚟係車手收到資料嘅時間嚟，但依位食客喺車手收到資料後嘅 5 分鐘便傳訊息詢問「仲要等你幾耐」。

相隔 1 分鐘，食客又再次追問，車站隨即回覆指已到「樓下」。不過約 3 分鐘後食客便開始「爆粗」怒罵，直斥送餐員「無禮貌cut人線，抵你一世做外賣仔！」。

Photo from 香港外賣仔群組/Facebook

依個帖文一出隨即引嚟網民熱議，唔少人都批評依個食客無禮，指佢唔應該遷怒車手，更唔應該出言侮辱。亦有網民直言依位食客有膽識，喺未收到餐點前向車手冇禮，根本就是「玩命」行為：「寧得罪小人，莫得罪外賣員」、「幫佢加料???」

Photo from 香港外賣仔群組/Facebook

Photo from 香港外賣仔群組/Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大學生拎外賣後以倒瀉晒為由Cut單引公憤！無辜店主為車手抱不平親自緝兇

29 Apr 2021

近年唔少人都因為疫情關係叫多咗外賣，而如果係用外賣平台點餐嘅大家，一般喺收到餐點後都會被要求為服務點評。不過早前就有人利用依個漏洞嚟意圖以各種方法食霸王餐，令唔少無辜店主唔止向外賣 App 投訴無門，更嬲到用半年時間搜集證據親自緝兇。

早前位於元朗一間賣花甲粉嘅店主就喺 Facebook 開 live 緝兇。佢喺直播中留言指佢同外賣平台喺大半年前開始合作，但喺半年間，每月平均都會收到 10 幾單退款通知，其中原因大多以「打瀉」或「錯單」為主。而外賣平台則列明只要顧客喺收到外賣後，發現訂單「定單錯誤或商品缺失」等，並能夠提供相片證明，即可獲全部或部份賠償，而賠償嘅費用則會喺車手度扣除。

Photo from 元朗花甲粉/Facebook

因此店主經過多次被通知退款後發現每次收到退款通知均嚟自同一個電話號碼，因此開始搜集證據想找出真兇。而喺店主亦外賣平台方面了解情況後，發現客人所提供嘅「食物倒瀉照」中嘅外賣盒，並非店內所用外賣盒，懷疑對方虛報，但佢多次向平台投訴都無用，就連報警亦不受理。

Photo from 元朗花甲粉/Facebook

而店主喺畀人呃咗咁多次餐後，就開始鎖定疑似食霸王餐嘅係一對情侶嚟，並發現佢哋就住喺店舖對面，又指店鋪一直都有做學生七折優惠，但二人偏要用外賣平台落單，所以更加相信二人係有意食霸王餐。

最後，店主經過半年嘅搜證，終於決定日前喺佢哋其中一次落單時，喺 Facebook 開 live 親自追問事件與二人對質，喺片中二人多次聲稱自己有畀錢，並喺發現鏡頭後一道分開生行，又稱二人只係兄妹嚟。

Photo from 元朗花甲粉/Facebook

不過喺經過媒體多番報導後發現二人都係大學生時，二人最終承認自己食霸王餐，並解釋佢哋係因為年初同朋友嗌外賣時，發現朋友經常訂餐後唔使付款，從而學識咁依個食霸王餐嘅方法，又指喺學校中好多人都係咁做，所以冇諗過事件所帶嚟嘅嚴重性。

Photo from 元朗花甲粉/Facebook

而店主近日再次喺 Facebook 中提及此事，指事件公開後，警方曾親自到店鋪落口供，及涉事嘅大學生就特意找咗議員嚟同佢交涉，要求店主喺「冇人，冇鏡頭，唔放上網嘅情況下嚟親自同我道歉」，可是店主喺同議員嘅言談中認為涉事嘅大學生並冇講出事實嘅全部，所好唔打算接受兩人嘅道歉。

而唔少網民都力撐店主「住對面好心就落街買啦⋯咁近都要叫熊貓好有可疑姐」、「幾十蚊都慳 俾d大志好無?」，亦有車手留言分享自己嘅經驗，直指嗰兩名大學生根本唔知錯「男事主話好多學生都係咁，証明佢仲未知錯。我就日日都會送沙田恒大，都未遇過有學生食霸王餐，試過倒瀉咗佢地都照收。」

Photo from 元朗花甲粉/Facebook

Photo from 元朗花甲粉/Facebook

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）